গম্ উপদেজ্ 14:2 - Chakma Bible

² যে গমেডালে চলে তে লগেপ্রভুরে ভোক্তিগুরিনে দরায়, মাত্তর্ যে বেঙা পধেদি আঢে তে তারে ঈচ্ গরে।

গম্ উপদেজ্ 14:2 ပူးပေါင်းရင်းမြစ်များ

২ শমূয়েল 12:9

মাত্তর্‌ লগেপ্রভুর চোগোত্‌ যিয়েনি বজং সিয়েনি গুরিনে কিত্তে তুই তা কধানি ঈচ্ গুরিলে? তুই হিত্তীয় ঊরিয়রে মারে ফেলেয়োচ্‌ আর তা মোক্কোরে নিজোর্‌ মোক্‌ বানেয়োচ, আর অম্মোনীয়গুনোরে দিইনে তুই ঊরিয়রে মারে ফেলেয়োচ্‌।

১ রাজাবলী 3:6

জোবত্‌ শলোমনে কলঅ, তর্‌ চাগর্‌বো মঅ বাপ্পোরে তুই বোউত্‌ বিশ্বেজ্ দেগেয়োচ্‌, কিত্যে তে তঅ উগুরে বিশ্বেজি এলঅ আর খাটি আর গম্‌ এলঅ। এচ্চ্যে তার সিংহাসনত্‌ বুজিবাত্তে তুই তারে এক্কো পূঅ দুয়োচ্‌ আর এধোক্ক্যেন্‌গুরি তর্‌ সেই শেজ্‌ ন-ওইয়্যে বিশ্বেজ্ তারে দেগেইনে যর্‌।

২ রাজাবলী 17:34

এচ্ছে সং তারা সে সুদোমানি মানি চলদন্‌। তারা আজলে লগেপ্রভুরে তবনা ন-গরন্‌, কিত্তে লগেপ্রভু যে যাকোব নাঙান্‌ ইস্রায়েল রাগেয়্যে সে যাকোব পুয়োগুনো ইদু লগেপ্রভুর দিয়্যে সুদোম, হুকুম, আইন আর উগুমানি তারা মানি ন-চলন্‌।

ইয়োব 1:1

ঊষ দেজত্‌ ইয়োব নাঙে এক্কো মানুচ্‌ বজত্তি গুরিদো। তে এক্কো নিদ্দুজি আর গম্‌ মানুচ্‌ এলঅ‌। তে গোজেনরে ভোক্তি সহকারে দোরেদ আর ভান্ন্যেই কামত্তুন্‌ দূরোত্‌ থেদঅ।

ইয়োব 12:4

মুই গোজেনরে ডাগিদুঙ্‌ আর তে মরে জোব্‌ দিদো, তো মঅ সমাজ্যেগুনো ইদু মুই এক্কো আজিবার্‌ মানুচ্‌ ওইয়োং; গম্‌ আর নিদ্দুযি অলেয়ো মুই ইক্কিনে আজিবার্‌ মানুচ্‌ বাদে আর কিচ্ছু নয়।

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 112:1

লগেপ্রভুরে নাঙ্ গিনে ওক্। যে লগেপ্রভুরে ভোক্তিপূর্ণ দরায় আরে তা উগুমে যে অমকদ হুজি অয় সিবে বর্ পেইয়্যে।

গীতসংহিতা 25:21

মর্ গম আর ন্যায় কামানিয়ে মরে রোক্ষ্যে গোরোক্, কিত্যে মুই তঅ উগুরে মর্ আজাগান রাগেয়োং।

গম্ উপদেজ্ 11:12

যে আদাম্মেগুনোরে ঈচ্ গরে তার বুদ্ধির অভাব আঘে, মাত্তর্ যিবের বিচের বুদ্ধি আঘে তে তা জিলান্ সামালায়।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 19:1

যে বিবেচনা নেইয়্যে মানুচ্চো বেঙা-টেরা কধা কয় তাত্তুন্ সেই নাঢা মানুচ্চো গম্ যে গমেডালে আঢাউদো গরে।

গম্ উপদেজ্ 2:15

আর যিগুনে বেঙা আহ্ বজং পধেদি চলন্।

গম্ উপদেজ্ 28:6

যে তাগোয়্যে মানুচ্চো বেঙা পধেদি যায় তাত্তুন্ বরং সে নাঢা মানুচ্চো গম্ যে গমেডালে আঢাউদো গরে।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

লূকে লেখ্যে গম্ হবর্ 10:16

যীশু তা শিচ্চ্যগুনোরে কলঅ, “যিগুনে তমা কধানি শুনোন্ তারা মঅ কধায়ো শুনোন্। যিগুনে তরে এলাফেলা গরন্ তারা মরেয়ো এলাফেলা গরন্। যিগুনে মরে এলাফেলা গরন্, যিবে মরে পাধেয়্যে তারা তারেই এলাফেলা গরন্।”

লূকে লেখ্যে গম্ হবর্ 16:14

এ বেক্‌ কধানি শুনিনে ফরীশীগুনে যীশুরে ঠাট্টা গরা ধল্ল্যাক্, কিয়া তারা টেঙা-পৌইজ্যে বেশ্ কোচ্‌পেদাক্।

প্রেরিত্‌ 10:22

সেই মানুচ্চুনে কলাক্, “সেনাপতি কর্ণীলিয় আমারে পাধেয়্যে। তে এক্কো ধার্মিক মানুচ্‌ আর তে গোজেনরে ভোক্তি গরে। বেক্‌ যিহূদীগুনে তারে নাঙ্ গিনোন্। গোজেনর্ এক্কো দূত্ তারে উগুম দিয়্যে যেন তে তরে তা ঘরত্ ডাগি নেযেইনে তঅ কধা শুনে।”

প্রেরিত্‌ 10:35

পত্তি জাদত্তুন্ যিগুনে তারে ভোক্তি গরন্ আর চোগেদি যিয়েনি থিক্ সিয়েনি গরন্ তে তারারে মানি লয়।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।