গম্ উপদেজ্ 14:11 - Chakma Bible

¹¹ পাজিগুনোর ঘরানি ভস্ত ওই যেবঅ, মাত্তর্ গম্ মানুচ্চুনোর তাম্বুলানি দাঙরত্তুন্ আরঅ দাঙর্ অবঅ।

গম্ উপদেজ্ 14:11 ပူးပေါင်းရင်းမြစ်များ

ইয়োব 15:34

গোজেন উগুরে ভোক্তিনেইয়্যেগুনোর কনঅ ঝি-পূঅ ন-থেবাক্‌; তারার্‌ ঘুষোর্‌ ঘরানি আগুনে গিলিবো।

ইয়োব 18:21

শদান মানুচ্চুনোর থেবার ঘরানি হামাক্কাই এবাবোত্যে অবঅ; যে গোজেনরে হবর্‌ ন-পায় তার্‌ দজাগান্‌ এবাবোত্যে অবঅ।”

ইয়োব 21:28

তুমি কত্তে, ‘ইক্কিনে কুদু গেলঅ সেই দাঙর্‌ মানুচ্চোর ঘরান্‌? কুদু গেল সে পাজি মানুচ্চোর তাম্বুলান্‌?’

ইয়োব 8:15

তে যুনি তা উগুরে ভর্‌ দে সালে সিয়েন্‌ ভাঙি পুরিবো, যুনি তে সিয়েন্‌ আজাবোদে ধরে সালে সিয়েনে তারে ধুরি রাগেই ন-পারিবো।

ইয়োব 8:22

যিগুনে তরে ঘিনান্‌ তারা লাজেবাক্‌; শদানুনোর্‌ থেবার্‌ ঘর্‌ আর ন-থেবঅ।”

ইয়োব 8:6

যুনি তুই খাটি আর গম্‌ ওই থাচ্‌, সালে ইক্কিনেয়ো তে তঅ পক্ষেদি কাম্‌ গত্তে রাজি অবঅ আর তর্‌ গম্‌ জাগানত্‌ আরঅ তরে বোজেব।

গীতসংহিতা 128:3

তঅ ঘর গুদি ভিদিরে তঅ মোক্কো গুলো গুলিয়ে ভরা আংগুর্ গাজ ধোক্ক্যেন অবঅ; তঅ হাইদ্যে টেবিলো চেরোকিত্তে তঅ পুয়ো-ছাগুন জলপাই গাজ চারা ধোক্ক্যেন্ অবাক্।

গীতসংহিতা 37:10

আর কয়েকদিন পরেদি পাজিগুনে শেজ্ ওই যেবাক্; তোগেলেয়ো তারার্ জাগায়ানিত্ পাহ্ ন-যেবঅ।

গম্ উপদেজ্ 11:28

যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 12:7

পাজি মানুচ্চুন্ ভস্ত ওই যান, তারার বংশগুন ন-থান, মাত্তর্ গোজেন ভক্ত মানুচ্চুনোর বংশগুন অদে অদে থান্।

গম্ উপদেজ্ 15:25

লগেপ্রভু বাড়্‌বো গুরিয়্যেগুনোর ঘরানি ভাঙি ফেলায়, মাত্তর্ তে রানিমিলে দুযিগান ঠিগ্ রাগায়।

গম্ উপদেজ্ 21:12

ন্যায়বলা গোজেনে পাজি পরিবার মানুচ্চুনোরে চোগে চোগে রাগায় আরে তে পাজিগুনোরে ভস্ত গরে।

গম্ উপদেজ্ 21:20

বুদ্ধিমান ঘরত্ মূল্যবান ধন আর তুম্বাজ্ তেল্ জমা থায়, মাত্তর্ সিয়েন যুনি বিবেচনা নেইয়্যে মান্‌জ্য ঘরত্ থায় সালে তে বেক্কানি শেজ্ গুরি ফেলায়।

গম্ উপদেজ্ 3:33

পাজি মান্‌জ্য ঘর উগুরে লগেপ্রভুর অভিশাব থায়, মাত্তর্ গোজেন ভক্তগুনোর্ ঘরানিরে তে বর্ দে।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”