গম্ উপদেজ্ 14:10 - Chakma Bible

¹⁰ যিবের মনান্ তিদে তে সিয়েন নিজে বুঝে; একজন মন হুজির ভাগি অন্যজনে ওই ন-পারে।

গম্ উপদেজ্ 14:10 ပူးပေါင်းရင်းမြစ်များ

পত্থম 42:21

সে পরেদি তারা একজন আরেকজনরে কলাক্, “ঘেচ্চেকগুরি আমা সে ভেইবো উগুরে আমি যিয়েন্‌ গোজ্যেই সিয়েন্দোই আমি দুষি। তে যেক্কে আমা মুজুঙোত্‌ কোজোলী গোজ্যে সেক্কে তা মনর্‌ দুঃখোগান্‌ দেগিনেয়ো আমি তা কধালোই কান ন-পাদিই। সেনত্তে আমা উগুরে এ দুঃখানি এচ্চ্যে।”

২ রাজাবলী 4:27

মাত্তর্‌ কর্মিল মুড়োবোত্‌ গোজেন মানুচ্চুনোর্‌ ইদু লুমিনে তে তার্‌ টেঙানি আজাবোদে ধুরিলো। গেহসি তারে সোরেই দিবাত্তে এলে গোজেন মানুচ্চো কলঅ, “তারে মানা ন-গোজ্য। তা মনত্‌ অমকদ দুখ্‌, মাত্তর্‌ লগেপ্রভু; মত্তুন্‌ সিয়েন্‌ লুগেই রাগেয়্যে, মরে নঅ-কয়।”

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 21:25

আরঅ কনজনে কনদিন্‌অ গমানি ভোগ্‌ ন-গরন্‌ তিদে পরাণদোই মুরি যান।

ইয়োব 7:11

সেনত্তে মুই আর্‌ জুরো গুরি ন-থেম্‌। মঅ মনত্‌ দুঘ্‌খো গুরিনে মুই কধা কোম্‌; মঅ তিদে পরাণে মুই তইদু দুঘ্‌খানি ফগদাঙ্‌ গুরিম্‌।

ইয়োব 9:18

তে মরে নিজেস্‌ নিবাত্তে ন-দে বরং তিদেলোই মঅ জিংকানিগান্‌ ভোরেই দে।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

গম্ উপদেজ্ 15:13

মনত্ হুজি থেলে মুয়োন্‌অ হুজি লাগে, মাত্তর্ মনত্ দুঘে মন ভাঙি যায়।

গম্ উপদেজ্ 18:14

অসুগো অক্তত্ মন বলানে মান্‌জ্যরে ধুরি রাগায়, মাত্তর্ ভাঙা মনান্ কন্না সোজ্য গুরি পারে?

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।

যোহন 14:18

মুই তমারে গায় গায় গুরি ফেলেইনে থোই ন-যেম্; মুই তমা ইধু এইম্।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

ফিলিপীয় 4:7

সিয়েনর কারনে, গোজেনর্ দিয়্যে যে শান্তির কধা মানুচ্ চিন্তে গুরিনেয়ো বুঝি ন-পারন, খ্রীষ্ট যীশুর্ মাধ্যমে সেই শান্তি তমা রিবেঙানিরে আর মনানিরে রোক্ষ্যে গুরিবো।

১ পিতর 1:8

যুনিয়ো তুমি খ্রীষ্টরে ন-দেগঅ তো তুমি তারে কোচ্‌পঅ; যুনিয়ো ইক্কিনে তুমি তারে ন-দেগর্ তো তুমি তা উগুরে বিশ্বেজ্ গরর্, আর যে হুজিগান কধাদি ফগদাং গরা ন-যায় আর যিয়েন স্বর্গীয় মহিমালোই ভরা, সেই হুজিলোই তুমি হুজি অর্;

ফগদাং পেইয়্যে 2:17

যিবের্ শুনিবার কান্ আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই লুগেইয়্যে মান্নাগানত্তুন্ কিজু মান্না আর এক্কো ধূব্ পাত্তর্ দিম। সেই পাত্তর্‌‌বো উগুরে এমন এক্কান নুয়ো নাঙ্ লেগা থেবঅ যিয়েন কেঅ কোই ন-পারন; বানা যে সিয়েনি পেবঅ তেয়ই সিয়েন কোই পারিবো।

১ শমূয়েল 1:10

মনত্‌ দুগে হান্না লগেপ্রভু ইদু অমহদ কানি কানি তবনা গরা ধুরিলো।

১ শমূয়েল 1:15

জোবত্‌ হান্না তারে কলদে, “ও মর্‌ প্রভু, সিয়েন নয়। মুই অমহদ দুঃখী; মুই আংগুর-রসও ন-খাং, মদঅ ন-খাং। মুই লগেপ্রভুর মুজুঙোত্‌ মর্‌ মনান্‌ ঢালি দুয়ঙর্‌।