গম্ উপদেজ্ 13:24 - Chakma Bible

²⁴ যে তার পুয়োবোরে সাজা ন-দে তে তারে কোচ্ ন-পায়, মাত্তর্ যে তারে কোচ্‌পায় তে তার শাজন ইন্দি মনযোগ দে।

গম্ উপদেজ্ 13:24 ပူးပေါင်းရင်းမြစ်များ

গম্ উপদেজ্ 19:18

তঅ পুয়োবোরে শামালা, কিত্তে সিয়েনত্ আজা আঘে; তা মরণান্ ঘোদেবাত্তে ন-চেয়ো।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

গম্ উপদেজ্ 29:15

সংশোধন কধা আর শাজন্‌ গুরিবার লুদিক্কো জ্ঞান দান গরে, মাত্তর্ যে পুয়োবোরে শাজন্‌ গরা ন-অয় তে তার মাবোরে লাজ্ দে।

গম্ উপদেজ্ 29:17

তঅ পুয়োবোরে শাজন্‌ গর্, সেক্কে তে তরে গমেডালে রাগেব আর তঅ পরাণানত্ হুজি দিবো।

গম্ উপদেজ্ 3:12

কিত্তে বাব্‌পো যেবাবোত্যেগুরি তা কোচ্‌পেয়্যে পুয়োবোরে অমকদ গেইল্ দে, ঠিগ্ সেবাবোত্যেগুরি লগেপ্রভু যিবেরে কোচ্‌পায় তারে গেইল্ দে।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

লূকে লেখ্যে গম্ হবর্ 14:26

যে মঅ ইধু এবঅ তে যেন নিজোর্ বাব্-মা, মোগ্ আর পুয়ো-ছা, ভেই-বোন, এমন্‌ কি, নিজোরেয়ো মত্তুন্ বেচ্‌ কম কোচ্‌‌পেইয়্যে বিলি মনে গরে। সিয়েন ন-অলে তে মঅ শিচ্চ্য ওই ন-পারে।

দ্বি’লম্বর বিররণ 8:5

এ কধাগান্‌ তমার মনত্‌ বানি রাগেয়ো, বাপ্পো যেধোক্ক্যেন পূঅবোরে শাজন গরে ঠিগ্ সেধোক্ক্যেনগুরি তমার গোজেন লগেপ্রভু তমারে শাজন গুরিবো।