গম্ উপদেজ্ 13:19 - Chakma Bible

¹⁹ মন-আওজ্ পুরেলে রিবেঙানত্ ঈল্ পুদে, মাত্তর্ কান্ড-জ্ঞান নেইয়্যেগুনে ভান্ন্যেয়ানিত্তুন্ দূরোত্ সুরি যেবাত্তে ঘিনেন্।

গম্ উপদেজ্ 13:19 ပူးပေါင်းရင်းမြစ်များ

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 34:14

ভান্ন্যেই কামত্তুন্ দূরোত্ থাগ, গম্ কাম গরঅ; শান্তিত্তে আওজি অ আর তার্ পিজেদিগান্ ন-ছাজ্য।

গীতসংহিতা 37:27

ভান্ন্যেয়ানি ছাড়ি দুয়ো আর গম্ কাম গরঅ, সেক্কে জিংকানিবর্ বাঁজি থেবে।

গম্ উপদেজ্ 13:12

আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

গম্ উপদেজ্ 13:18

যে মানুচ্চো শাজনান্ এলাফেলা গরে তে অভাবত্ পড়ে আর লাজ্ পায়, মাত্তর্ যে মানুচ্চো সংশোধন কধানি শুনে তে সর্মানিত অয়।

গম্ উপদেজ্ 13:20

জ্ঞানীগুনো সমারে যে আঢাউদো গরে তে জ্ঞানী অয়, মাত্তর্ যে মানুচ্চো কান্ড-জ্ঞান নেইয়্যেগুনোর সমাজ্যে তার ক্ষতি অয়।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 16:6

বিশ্বেজ্ আর সততালোই অন্যেয়ানি দূর্ গরা যায়; লগেপ্রভু উগুরে ভোক্তিবলা দরে মান্‌‌জ্যে ভান্ন্যেয়ত্তুন্ সুরি যান।

গম্ উপদেজ্ 29:10

যিগুনে লো ঝরান্ তারা নিদ্দুযি মান্‌‌জ্যরে ঈচ্ গরন আর গম মান্‌‌জ্যরে মারে ফেলেবার চেট্ট্যা গরন।

গম্ উপদেজ্ 29:27

গোজেন ভক্ত মানুচ্চুনে অন্যেয় গুরিয়্যেবোরে ঈচ্ গরন্, আর যে মানুচ্চো সোজা পধেদি যায় পাজিগুনে তারে ঈচ্ গরন্।

গম্ উপদেজ্ 3:7

তঅ নিজো চোগেদি জ্ঞানি ন-ওচ্; লগেপ্রভুরে ভোক্তিগুরিনে দোরেচ্, ভান্ন্যেই কামত্তুন্ দূরোত্ যাহ্।

পরমগীত 3:4

তারারে ফেলেইনে উজেই যাদে মুই মর্ পরাণর্ কোচ্‌পানাগানরে দেগিলুং। তারে ধুরিনে মর্ মাবো ঘরত্ ন-আনানা সং মুই তারে ন-ছাড়িলুং; যিবে মরে পেদত্ রাগেয়্যে মুই তা ঘরত্ তারে আনিলুং। ‌‌‌‌‌‌‌‌‌

২ তীমথিয় 2:19

তো গোজেনর্ গাড়েইয়্যে দরমর গড়াগান থিয়্যেই আঘে, আর সিয়েন উগুরে সীলমাজ্যে ধোক্ক্যেন গুরি এ কধানি লেগা আঘে, “প্রভু কোই পারে, কনা তার্”, আর “যে কেঅ খ্রীষ্টরে প্রভু বিলিনে ডাগে তে বেক্‌ পাপ্পানিত্তুন্ দূরোত্ যোক্।”