গম্ উপদেজ্ 13:16 - Chakma Bible

¹⁶ উজিয়ারবলা মানুচ্ জ্ঞানদোই কাম গরন্, মাত্তর্ কান্ড জ্ঞান নেইয়্যে মানুচ্ তার ভুলানি ফগদাং গরে।

গম্ উপদেজ্ 13:16 ပူးပေါင်းရင်းမြစ်များ

গীতসংহিতা 112:5

যে দোয়্যে গরে আর উদোর্ দিইনে গমেডালে বেক কামানি গরে তার ভালেদি অয়।

গম্ উপদেজ্ 14:33

যিগুনোর বিচের বুদ্ধি আঘে তারার মনত্ জ্ঞানানি ঠান্দা গুরি থায়, মাত্তর্ জ্ঞান নেইয়্যেগুনে তারার জ্ঞানানি বাড়্ গুরিবাত্তে হিজে-হিস্যে বাজান্।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 18:2

বিবেচনানেইয়্যে মান্‌জ্যে গম্-ভান্ন্যেই বুঝোনা পৌইদ্যেনে কনঅ হুজি ন-পায়, মাত্তর্ নিজো কধাগান ফগদাং গুরিবাত্তে হজি পায়।

গম্ উপদেজ্ 21:24

বাড়্‌বো গুরিয়্যে আর অহংকারগুরিয়্যে মান্‌জ্যর নাঙান অলঅ “ঠাট্টা-মশ্‌কারিগুরিয়্যে”; তে অমকদ বাড়্‌বো গুরিনে কাম গরে।

উপদেশক 10:13

তা কধা কনার্ আরাম্ভত্ আগেদে ভুল্, যেরেদি আগেদে পুরোপুরি বিচেরবুদ্ধি নেইয়্যেগান্।

উপদেশক 10:3

এমন কি, পধেদি আঢিবার্ অক্তত্অ দেগা যায় ভুলোর্ বুদ্ধির অভাব আঘে; তে যে বেদমা সিয়েন্ বেক্কুনে বুঝি পারন্।

যিশাইয় 52:13

লগেপ্রভু কত্তে, “চাহ্, মঅ চাগর্‌বো সফল অবঅ। তারে অজলত্ তুলো অবঅ আর তে বাঈনী আর সন্মান পেবঅ। ‌‌

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

রোমীয় 16:19

তমা বাধ্যতার কধা বেক্কুনে শুন্ন্যন্, আর সেনত্তে মুই তমা উগুরে হুজী ওইয়োং। মুই চাং যেন তুমি গমানরে চিনিনে মানি লঅ আর বজঙত্তুন্ দূরোত্ থাগঅ।

১ করিন্হীয় 14:20

ভেইলগ্, চিগোন গুরো ধোক্ক্যেন আর চিন্তে ন-গোজ্জ্য। ভান্ন্যেয় পৌইদ্যেনে তমা মনানি চিগোন গুরো ধোক্ক্যেন সরল ওক্, মাত্তর্ চিন্তেলোই তুমি বুড়ো মান্‌জ্য ধোক্ক্যেন্ অ।

ইফিষীয় 5:17

সেনত্যে কং, তুমি বুদ্ধি-নেইয়্যে ন-ওইয়ো, বরং প্রভুর আওজ্‌‌‍চান কি সিয়েন বুঝি লঅ।

১ শমূয়েল 25:17

ইক্কিনে তুই কি গুরিবে সিয়েন ভাবি চাহ্, কিত্যে আমা গিরোজ্‌ আর তার বেক্‌ মানুচ্চুনোরে অমকদ ক্ষেতি গুরিবার সল্লা গরা অর্‌। মাত্তর্‌ আমা গিরোজ্‌সো এমন্‌ এক্কো রমচক্র মানুচ্‌, তে কারঅ কধা ন-শুনে।”

১ শমূয়েল 25:25

মর্‌ গিরোজ্‌সো যেনে সেই জঘন্য মান্‌জ্যর্‌, অত্তাৎ নাবলর্ কধানি ন-ধরে। তার্‌ নাঙান্‌ যেধোক্ক্যেন তেয়ো সেধোক্ক্যেন। তার্‌ নাঙানর্‌ ভেদ্‌তান্ একবুস্যে, আর সিয়েন ভিদিরে আঘে বানা একগেয়েমী। মর্‌ গিরোজ্‌সো যিদুক্কুন মানুচ্‌ পাদেয়্যে তারার্‌ লগে তর্‌ এই চাগরানীবোর্‌ দেগা ন-অয়।