গম্ উপদেজ্ 13:12 - Chakma Bible

¹² আজা পুরেবাত্তে দেরি অলে মনান্ ভাঙি পড়ে, মাত্তর্ আওজ্ পুরোনাগান জিংকানি গাজ ধোক্ক্যেন্।

গম্ উপদেজ্ 13:12 ပူးပေါင်းရင်းမြစ်များ

পত্থম 46:30

পরেদি ইস্রায়েলে যোষেফরে কলঅ, “তুই এজঅ বাঁজি আগচ্‌ সিয়েন্‌ মুই নিজো চোগেদি দেগিলুং। ইক্কিনে মুই মুরিলেয়ো অসুবিদে নেই।”

নহিমিয় 2:2

সেনত্তেই রাজা মরে কলদে, “তর্‌ দঅ অসুখ্‌ ন-অয়, সালে তঅ মুয়োন্‌ এদক্‌ সুদোমু দেগা যার্‌ কিত্তে? ইয়েন্‌ দঅ মনত্‌ দুগ্‌ বাদে আর কিচ্ছু নয়।” এ কধাগান শুনিনে মুই অমকদ দোরেলুঙ্‌,

গীতসংহিতা 143:7

ও লগেপ্রভু, তুই মরে যাদিমাদি জোব্ দে, কিত্তে মঅ পরাণানে যেন নিগিলি যাত্তে ধোক্ক্যেন্; মইদু তঅ মুয়োন ফিরেই ন-রাগেচ্, গোরত্ যিগুনোরে লামাদন্ মুই তারা ধোক্ক্যেন্ যেন ন-অং।

গীতসংহিতা 17:15

মাত্তর্ মুই যেন নিদ্দুজি ওইনে তঅ মুজুঙোত্ থেই পারং, যেন মরণত্তুন্ জাগি উদিনে তরে দেগিনে মুই হুজি অং।

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 13:11

কাম ন-গোজ্যে গুরি যে টেঙাগুন্ পাহ্ যায় সিগুন কুমি যান্, মাত্তর্ যে মানুচ্চো কাম গুরিনে টেঙা থুবোয় তা টেঙাগুন্ বাড়ন্।

গম্ উপদেজ্ 13:13

যে মানুচ্চো গোজেন কধানি বাজে মনে গরে তে নিজো দজাগান্ ডাগি আনে, মাত্তর্ যে মানুচ্চো গমেডালে দোরেইনে গোজেন উগুমানি মানে তে তার পাওনা পায়।

গম্ উপদেজ্ 13:19

মন-আওজ্ পুরেলে রিবেঙানত্ ঈল্ পুদে, মাত্তর্ কান্ড-জ্ঞান নেইয়্যেগুনে ভান্ন্যেয়ানিত্তুন্ দূরোত্ সুরি যেবাত্তে ঘিনেন্।

গম্ উপদেজ্ 3:18

যিগুনে তারে ধরন তারা ইদু সিয়েন জিংকানি গাজ ধোক্ক্যেন্; যিগুনে তারে আক্‌সোনে ধুরি রাগান তারা বর্ পান।

পরমগীত 5:8

ও যিরূশালের্ মিলেগুন্, মুই তমারে কোজোলি গরঙর্, যুনি তুমি মঅ পরাণ্যেরে দেগঅ সালে তারে কোই দুয়ো, মুই প্রেমত্ পোজ্যং।

যোহন 16:22

সেবাবোত্যেগুরি তুমিয়ো ইক্কিনে দুঘ্-কষ্ট পর্; মাত্তর্ আরঅ তমা লগে মর্ দেগা অবঅ, আর সেক্কে তমা মনানি হুজীয়ে ভুরি উদিবো আর সেই হুজীগান্ কেঅ তমাত্তুন্ কারি ন-লবাক্।

ফগদাং পেইয়্যে 2:7

যিবের্ শুনিবার কান আঘে তে শুনোক্, পবিত্র আত্মাগানে মন্ডলীগুনোরে কি কর্। যে জিদিবো তারে মুই গোজেনর্ পরমদেজর্ জিংকানি-গাজর্ ফল হেবাত্যে দিম।