গম্ উপদেজ্ 12:26 - Chakma Bible

²⁶ গোজেন ভক্ত মানুচ্ তা আদাম্মেবোরে পথ দেগায়, মাত্তর্ পাজিগুনে এন্ পধেদি চলন যিয়েনিয়ে তারারে ভান্ন্যেই পধেদি নেযায়।

গম্ উপদেজ্ 12:26 ပူးပေါင်းရင်းမြစ်များ

গীতসংহিতা 16:3

পিত্‌‌থিমীর্ যিদুক্কুন মানুচ্ গোজেনর, তারা দাঙর্; তারারে নিইনে মর্ হুজি।

গম্ উপদেজ্ 12:13

বজং মানুচ্ তা পাপে ভরা কধাবাত্তালোই ফালত্ পড়ে, মাত্তর্ গোজেন ভক্ত মানুচ্ দুঘোত্তুন্ রেহাই পান্।

গম্ উপদেজ্ 12:25

বাজে চিদে-চজ্জালোই মান্‌জ্যর মনানি ভাঙি পড়ে, মাত্তর্ এক্কেনা উচ্চোমির কধাগানে তারে ফুত্তি আনি পারে।

গম্ উপদেজ্ 12:27

আল্‌সি মান্‌জ্যে নিজে হেবাত্তে শিগের গুরিবাত্তেয়ো ন-যায়, মাত্তর্ মান্‌জ্যর বেগত্তুন্ মংগা সোম্বোত্তি অলঅ কাম্য অনা।‍ ‍

গম্ উপদেজ্ 14:22

যিগুনে বজং কাম গুরিবাত্তে ফন্দি গরন্ তারা কি ভান্ন্যেই পধেদি ন-যান? মাত্তর্ যিগুনে বজং কাম গুরিবাত্তে সল্লা গরন তারার বিশ্বেজ্ আর সততাগান্ আঘে।

গম্ উপদেজ্ 16:29

অত্যেচারী মান্‌‌জ্যর জিংকানিগান দেগিনে অন্যগুনে লুভোত্ পড়ন্, আর বজং পধেদি যান।

গম্ উপদেজ্ 17:27

বুদ্ধিবলা মান্‌জ্যে নিজোরে দোঙেই রাগেইনে কধা কয়; যে মানুচ্চোর বিচেরবুদ্ধি আঘে তা মাঢাবো ঠান্ডা।

১ যোহন 2:26

যিগুনে তমারে ভান্ন্যেই পধেদি নেযেবার চেট্ট্যা গত্তন্ তারা পৌইদ্যেনে মুই তমা ইধু ইয়েনি বেক্কানি লিগিলুং।

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 13:14

সেই পত্তম য়েমান্নোর্ ওইনে যেদক্কানি আমক্ কাম গুরিবাত্যে তারে খেমতা দিয়্যে ওইয়্যে তে সিয়েনি গুরিনে মানুচ্চুনোরে ভুল্ পধেদি নেযা ধুরিলো। পত্তম যে য়েমান্নো ছুড়ির্ আঘাত্ পেইনেয়ো বাঁজি এলঅ, দ্বিলম্বর য়েমান্নোয়ো মানুচ্চুনোরে কলঅ যেন তারা তার্ এক্কো মূত্তি বানান্।