গম্ উপদেজ্ 12:13 - Chakma Bible

¹³ বজং মানুচ্ তা পাপে ভরা কধাবাত্তালোই ফালত্ পড়ে, মাত্তর্ গোজেন ভক্ত মানুচ্ দুঘোত্তুন্ রেহাই পান্।

গম্ উপদেজ্ 12:13 ပူးပေါင်းရင်းမြစ်များ

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

২ শমূয়েল 4:9

জোবত্‌ দায়ূদে বেরোতীয় রিম্মোণর পূঅ রেখব আর তা ভেই বানারে কলঅ, “যিবে বেক্‌ দজাত্তুন্‌ মরে উদ্ধোর্ গোজ্যে সে জেদা লগেপ্রভুর নাঙে কঙর্‌,

১ রাজাবলী 2:23

ইয়েনর্ পরেন্দি রাজা শলোমন লগেপ্রভুর নাঙে শমক্‌ খেইনে কলদে, “এ কোজোলিগানত্তে যুনি আদোনিয়র পরাণান নেযা ন-অয় সালে লগেপ্রভু যেনে মরে সাজা দে, আর সিয়েন জদবদেগুরিনে দে।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 34:20

তার্ বেক্ আড়ুন্ তেয়ই রোক্ষ্যে গরে, সিগুনোর্ এক্কোয়ো ভাঙা ন-অবঅ।

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 59:12

তারার মুয়ো পাপ্পোই আর ঠুদো কধালোই যে অভিশাপ্পান্ আর মিজে কধানি আঘে, সিয়েনত্তে তারার বার্‌বোগানিলোই তারা ধরা পোড়োদোক্।

গীতসংহিতা 59:13

তুই রাগে তারারে ভস্ত গর্, ভস্ত গর্ যেনে তারা আর্ ন-থান; ইয়েন্দোই পিত্‌থিমীর শেজ্ দুযি সং বেক্কুনে হবর্ পেবাক্, গোজেনে যাকোবর বংশবো উগুরে রাজাগিরি গুরিবো।

গীতসংহিতা 64:8

তারার জিলান্‌দোই তারা নিজোর দজাগান্ ডাগি আনিবাক্; তারারে চেইনে বেক্কুনে ঈচ্ গুরিনে মাঢা লাড়েবাক্।

গম্ উপদেজ্ 10:8

যিবের্ মনত্ জ্ঞান আঘে তে উগুম মানে, মাত্তর্ বেশ্ কধা কোইয়্যে বাজে মানুচ্চুন ভস্ত ওই যেবাক্।

গম্ উপদেজ্ 11:8

গোজেন ভক্ত মানুচ্ দুঘোত্তুন্ উদ্ধোর পায়, মাত্তর্ সে দুঘ্‌কান পাজি মানুচ্চুনো উগুরে এইনে পড়ে।

গম্ উপদেজ্ 15:2

জ্ঞানী মান্‌জ্যর মুয়োনে জ্ঞানান্ গমেডালে বেবহার গরে, মাত্তর্ জ্ঞাননেইয়্যে মুয়োনিত্তুন্ ভুল্-বেদমা গঙার ধোক্ক্যেন নিগিলি এজে।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

গম্ উপদেজ্ 21:23

যে তার মুয়োন আর জিলান্ উজিয়ারে রাগায় তে দজাত্তুন্ নিজোরে রোক্ষ্যে গরে।

গম্ উপদেজ্ 6:2

যিয়েনি কোইয়োচ্ যুনি তা ফালত্ পড়চ্, যুনি তঅ মুয়ো কধালোই ধরা হাচ্,

উপদেশক 7:18

এ দ্বিয়েন্ উবদেশ্ ধুরি রাগেচ্, কন গানরে ছাড়ি ন-দিচ্; যে মানুচ্চো গোজেনরে ভোক্তিগুরিনে দরায় তে কনকিজু বেশ্ ন-গরে।

দানিয়েল 6:24

যে মানুচ্চুনে ইংসে গুরিনে দানিয়েলরে দুষ দুয়োন্ রাজার উগুমে তারারে আনা অলঅ আর মোগ্ আহ্ ঝি-পুয়ো সুমুত্তো তারারে সেই সিংহ গাদত্ ফেলেই দিয়্যে অলঅ। তারা সেই গাদত্ পত্তে ন-পত্তে সিংহগুনে তারারে আক্রমণ গুরিনে তারার্ আড়্‌গোড়াগুন সং নিগুজ্ গুরি দিলাক্।

মথি লেখ্যে গম্ হবর্ 27:25

জোবত্ মানুচ্চুনে বেক্কুনে কলাক্, “আমি আর আমা পুয়ো-ছাগুনে তা লো-গানর্ দায়ী অবং।”

২ পিতর 2:9

ইয়েনিত্তুন্ দেগা যেদঅ, যিগুনে প্রভুরে ভোক্তি গরন্ তারারে তে দজাত্তুন্ রোক্ষ্যে গুরি জানে। ইগুনবাদে যিগুনে গোজেনভক্ত নয়, বিশেজ্‌গুরি যিগুনে তারার্ পাপ-খাচ্চ্যদর্ ভান্ন্যেই আওজ্ মজিম চলন্ আর শাসনানি তুচ্চো গরন্, তে তারার্ সাজা পেবাত্যে বিচেরর্ দিন্নো সং থোই জানে।