গম্ উপদেজ্ 12:12 - Chakma Bible

¹² পাজিগুনে বজং মানুচ্চুনোর লুদেয়্যে জিনিস্‌চানি পেবাত্তে চান, মাত্তর্ গোজেন ভক্ত মানুচ্চুনোর জিংকানিত্ বর্ এজে।

গম্ উপদেজ্ 12:12 ပူးပေါင်းရင်းမြစ်များ

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 9:15

অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

গম্ উপদেজ্ 10:15

তাগোয়্যেগুনোর্ ধনানি তারার দেবাল-ঘিজ্যে শঅর্; নাঢা মানুচ্চুনোর অভাবপানি অল তারার দজা।

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 21:10

পাজি মান্‌জ্যে ক্ষতি গুরিবাত্তে চায়; তা পাড়াল্যেবো তাত্তুন্ কনঅ দোয়্যে ন-পায়।

যিশাইয় 27:6

এজেত্তে দিনুনোত্ যাকোবে শিঙোর্ বোজেব, ইস্রায়েলে বোল্ ধোরেইনে ফুল ফুদেব আর গুলো গুলিলোই পুরো সংসারান্ ভোরেই দিবো।”

যিশাইয় 37:31

যিহূদা-গুট্টির যে মানুচ্চুনে সেক্কেয়ো বাঁজি থেবাক্ তারা আর একবার ফোলেবাক্। তারা গাজ ধোক্ক্যেন্ তলেদি শিঙোর্ বোজেবাক্ আর উগুরেদি ফল ফোলেবাক্।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

যোহন 15:16

তুমি মরে বেঈ ন-লঅ, মাত্তর্ মুয়ই তমারে বেঈ লোইনে কামত্ লাগেয়োং যেন তমা জিংকানিত্ গুলো ধরন্ আর তমার্ সেই গুলোগুন্ যেন থিগি থায়। সালে মঅ নাঙে বাবা ইধু যিয়েনি মাগিবা সিয়েনি তে তমারে দিবো।

যোহন 15:5

মুয়ই আংগুর্ গাজ্, আর তুমি সিবের্ ডেলা-পাদা। যুনি কেঅ মঅ সমারে থায় আর মুই তা সমারে থাং সালে তা জিংকানিত্ সয়-সাগোজ্যে গুলোগুলি ধরে, কিয়া মরে বাদে তুমি কিচ্চু গুরি ন-পারঅ।

রোমীয় 6:22

মাত্তর্ ইক্কিনে তুমি পাপ আঢত্তুন্ ছড়ান্ পেইনে গোজেনর্ চাগর্ ওইয়ো। সিয়েনত্ লাভ্‌পান অলদে ইয়েন, তুমি পবিত্র গুরিনে বাড়ি উদোর্, আর সিয়েনর্ ফল অলঅ উমর জিংকানি।