গম্ উপদেজ্ 12:1 - Chakma Bible

¹ যে মানুচ্চো শাজন্ গমপায় তে জ্ঞান গম পায়, মাত্তর্ যে মানুচ্চো সংশোধনর কধা ঘিনেই তে য়েমান ধোক্ক্যেন্।

গম্ উপদেজ্ 12:1 ပူးပေါင်းရင်းမြစ်များ

গীতসংহিতা 119:27

তর্ সুদোমর উগুমানি মরে বুঝোনার খেমতাগান দে; সালে মুই তর্ আমক্ অবার কামানি পৌইদ্যেনে চিন্তে গুরি পারিম।

গীতসংহিতা 141:5

এক্কো গোজেনভক্ত মান্‌জ্যে মরে আঘাত্ গোরোক্, সিয়েন অবঅ বিশ্বেজর্ কাম। তে মরে গেইল্ দোক্, সিয়েন অবঅ মঅ মাঢাত্ তেল দেদে ধোক্ক্যেন্; মঅ মাঢাবো সিয়েনরে এলাফেলা ন-গোরোক্। তো মর্ তবনাগানি নিত্য অন্যেইগুরিয়্যেগুনো কামানির বিরুদ্ধে থেবঅ।

গীতসংহিতা 32:9

তুমি ঘোড়া বা গাধা ধোক্ক্যেন ন-ওয়ো যিগুনোর বুঝিবার খেমতা নেই; মুয়োত্ লাগাম আর দুড়িলোই তারারে দোঙেই রাগা পড়ে, সিয়েনি ন-দিলে তারা তমা ইদু ন-এবাক্।

গীতসংহিতা 50:17

তুই দঅ মর্ শাজনান্ ঘিনেচ্ আর মঅ কধানির ধারান্ ন-ধারেচ্।

গীতসংহিতা 92:6

যিবের মনান্ বাজে তে সিয়েন হবর্ ন-পায়; যিবের মনত্ বিবেচনা নেই তে সিয়েন বুঝি ন-পারে।

গম্ উপদেজ্ 10:8

যিবের্ মনত্ জ্ঞান আঘে তে উগুম মানে, মাত্তর্ বেশ্ কধা কোইয়্যে বাজে মানুচ্চুন ভস্ত ওই যেবাক্।

গম্ উপদেজ্ 11:31

এ জগদত্ যুনি গোজেন ভক্তগুনোর্ পাওনা পেবাত্তে অয়, সালে পাজি আর পাপিগুনে হামাক্কায় তারার পাওনা পেবাক্।

গম্ উপদেজ্ 12:2

গম্ মান্‌জ্যে লগেপ্রভু ইত্তুন্ দোয়্যে পায়, মাত্তর্ যে কুজুরোমি গরে লগেপ্রভু তারে দুষি বিলিনে ঠিগ্ গরে।

গম্ উপদেজ্ 15:10

যিগুনে গম্ পথ্‌তান ছাড়দন্ তারাত্তে দরমর সাজাগানে বাজ্জেই আঘে; যে মানুচ্চো সংশোধন কধা ঘিনেই তে মুরিবো।

গম্ উপদেজ্ 18:1

যে মানুচ্চো নিজোরে সমাজত্তুন্ ফারগ্ গুরি রাগায় তে নিজো আওজ্‌চান পূরেবাত্তে চায়, আরে সিয়েনি বুদ্ধিগোজ্যে সল্লানির উল্লোমি অয়।

গম্ উপদেজ্ 30:2

ঘেচ্চেক্‌‌গুরি মুই মানুচ্ অলেয়ো মঅ বুদ্ধিগান য়েমান ধোক্ক্যেন্; মান্‌‌জ্যর যে বিচের বুদ্ধিগান আঘে সিয়েন্‌অ মর্ নেই।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

গম্ উপদেজ্ 8:32

“মঅ পুয়োগুন, ইক্কিনে মঅ কধাগান শুনো; যিগুনে মঅ পধেদি চলন্ তারা সুগি।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

যিশাইয় 1:3

গোরুবো তা গিরোজ্‌ছোরে চিনে, গাধাবোয়ো তা গিরোজ্‌ছোর ঘাস খাজাবো চিনে; মাত্তর্ ইস্রায়েলে তা গিরোজ্‌ছোরে ন-চিনে, মঅ মানুচ্চুনে মরে ন-বুঝোন্।”

২ থিষলনীকীয় 2:10

আর ভস্তর্ পধেদি উজেই যেইয়্যে মানুচ্চুনোরে থোগেইবার নানান্ বাবোত্যে পাজি ছলনার্ ভিদিরে। এ মানুচ্চুনে ভস্ত অবাক্, কিয়া পাপত্তুন্ উদ্ধোর্ পেবাত্যে তারা সত্যগানরে কোচ্‌ ন-পান্ আর সিয়েন মানিয়ো ন-লন্।