গম্ উপদেজ্ 11:28 - Chakma Bible

²⁸ যে তার ধন উগুরে বিশ্বেজ্ গরে তার পতন্ অবঅ, মাত্তর্ গোজেন ভক্ত মানুচ্চুনে য়েল্ গাজ পাদা ধোক্ক্যেন ফোত্‌ফোত্যে থেবাক্।

গম্ উপদেজ্ 11:28 ပူးပေါင်းရင်းမြစ်များ

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

গীতসংহিতা 62:10

তুমি অন্যেয় সুবিধে নিবাত্তে নির্ভর ন-গোজ্য; জুলুম গোজ্যে আয় উগুরে মিজে আশা ন-রাগেয়ো; বাড়েয়্যে ধন-সোম্বোত্তিলোই গুলোগুলি গুরি ন-থেয়ো।

গম্ উপদেজ্ 10:15

তাগোয়্যেগুনোর্ ধনানি তারার দেবাল-ঘিজ্যে শঅর্; নাঢা মানুচ্চুনোর অভাবপানি অল তারার দজা।

যিশাইয় 60:21

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

যিরমিয় 17:8

তে পানি পারত্ লাগেয়্যে গাজ ধোক্ক্যেন অবঅ যিবে গঙার্ পারত্ তা শিঙোরান মিলি দে। গরম এলে তে ন-দরায়; তার্ পাদানি নিত্য য়েল্ থায়। খরান্যেত্ তার কনঅ চিদে চজ্জা ন-অয় আর তে কনদিন্‌‌অ গুলোগুলি নেইয়্যে ন-অয়।

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

১ তীমথিয় 6:17

যিগুনে এ জগদত্ থাগোইয়্যে তারারে এ উগুমান দে যেন তারা দেমাগ্ ন-গরন আর কানগ্‌‌কন্ন্যে ধন উগুরে নির্ভর ন-গুরিনে গোজেন উগুরে নির্ভর গরন। তেয়ই ভোগ্ গুরিবাত্যে বেক্ জিনিস্‌‌চানি খুলো আঢে আমারে দান গরে।