গম্ উপদেজ্ 11:24 - Chakma Bible

²⁴ যে কনজনে গম্ মনে দান গরে তে আরঅ বেশ্ পায়; আরঅ যে কনজনে যগাজ্যেগুরি খরচ্ গুরিবাত্তে অস্বিগের্ গরে তে অভাবত্ পড়ে।

গম্ উপদেজ্ 11:24 ပူးပေါင်းရင်းမြစ်များ

২ বংশধর 31:10

সেক্কে সাদোকর্‌ বংশর অসরিয় নাঙে আজল্‌ ধর্মগুরুবো জোবত্‌ কলদে, “লগেপ্রভুর ঘরত্‌ মানুচ্চুনে যেক্কে তারার্‌ দানুন্‌ আনদে আরাম্ভ গুরিলাক্‌ সেক্কেত্তুন্‌ ধুরি আমা খানাগানিয়ো যেধোক্ক্যেন যগাজ্যে ওইয়্যে সেধোক্ক্যেন বেশ্‌অ আঘে বোউত্‌, কিত্যে লগেপ্রভু তা মানুচ্চুনোরে আশিদ্‌বাদ গোজ্যে, আর এ বেক্‌ জিনিসছানি ভালোক্কানি উগুজ্যে।”

গীতসংহিতা 112:9

তে গম মনে নাদা মানুচ্চুনোরে দান গোজ্যে; তার গম কামানি উমরত্যে থিদেবর্ গোজ্যে। তার খেমতা আর সর্মানান বাড়িবো।

গম্ উপদেজ্ 11:18

পাজি মান্‌জ্যে যিয়েনি আয় গরন্ সিয়েনি মিজে, মাত্তর্ যে গোজেন ভোক্তির বীজ ফেলায় তে ঘেচ্চেক্‌‌গুরি তা খেত্-খেত্তিগানি কাবিবো।

গম্ উপদেজ্ 11:23

গোজেন ভক্তবোর মন আওজ্‌চানে ভালেদি আনে, মাত্তর্ পাজি মানুচ্চুনোর আজার বদলে বানা গোজেন রাগ্‌কান লামি এজে।

গম্ উপদেজ্ 11:25

যে খুলো আঢে দান গরে তার ভালেদি অয়; যে অন্যরে সাহায্য গরে তে নিজেয়ো সাহায্য পায়।

গম্ উপদেজ্ 13:7

কেউ নিজোরে তাগোয়্যে দেগান্ মাত্তর্ তার কিচ্চু নেই; আরঅ কেউ নিজোরে নাঢা মানুচ্ দেগান মাত্তর্ তার বোউত ধন আঘে।

গম্ উপদেজ্ 19:17

যে মান্‌জ্যে নাঢা মান্‌জ্যরে দোয়্যে গরে তে লগেপ্রভুরে উদোর্ দে; লগেপ্রভু তার সে উপকারর ফল্ দিবো।

গম্ উপদেজ্ 28:27

যে মানুচ্চো নাঢা মান্‌‌জ্যরে দান গরে তার অভাব ন-অয়, মাত্তর্ যে তারারে দেগিনেয়ো ন-দেগেত্তে দগ্ থায় তে বোউত অভিশাব্ কুড়োয়।

গম্ উপদেজ্ 28:8

যে কনঅ বাবোত্যে সুদি টেঙালোই যে মানুচ্চো তার ধনান্ বাড়ায়, তে সিগুন এমন একজনত্তে তুবোই যে নাঢাগুনো উগুরে দোয়্যেলু।

উপদেশক 11:6

তঅ বীজিগুন্ বেন্যেমাদান্ ফেলা, বেল্যে মাদান্অ তঅ আঢ্‌তানিরে সে কামানি গুরিবাত্তে দিচ্, কিত্তে কন্ সময়োত্ কামানি গম্ অবঅ না কি দুনোগান্ সং সং গুরি গম্ অবঅ, সিয়েন্ দঅ তুই হবর্ ন-পাজ্।

হগয় 1:6

তুমি বোউত্ লাগেয়ো, মাত্তর্ কম্ কাপ্প্য। তুমি হেই থাগঅ, মাত্তর্ কনদিন্‌অ ঈল্ ন-অয়। তুমি আংগুর-রস হেই থাগঅ, মাত্তর্ যদেষ্ট ন-পঅ। তুমি কাবর-চুগোর্ কিয়্যেনত্ দুয়ো, মাত্তর্ সিয়েনিলোই কিয়্যে উমুম্ ন-অয়। তুমি বেতন পেইনে কানা থৈল্যেত্ রাগঅ।

মালাখি 3:8

মান্‌‌জ্যে কি গোজেনরে ঠোগেবাক্? মাত্তর্ তুমি দঅ মরে ঠগর্। তো তুমি কত্তে, ‘আমি তরে কেধোক্ক্যেন্‌গুরি ঠোগের্?’ দশমাংশ আর দান পৌইদ্যেনে তুমি মরে ঠগর্।

লূকে লেখ্যে গম্ হবর্ 6:38

দান্ গরঅ, সেক্কে গোজেনেয়ো তমারে দিবো, বোউত্ বেশ্ গুরি, চাপি চাপি, ঝাগেরে ঝাগেরে, উগুরি পড়েদে ধোক্ক্যেন্ গুরি তমারে দিয়্যে অবঅ, কারন যেবাবোত্যেগুরি তুমি মাবি দুয়ো সেবাবোত্যেগুরি তমাত্তে মাবা অবঅ।”

দ্বি’লম্বর বিররণ 15:10

মনত্‌ আওজ্‌নেইয়্যে ভাব ন রাগেইনে সুদো আঢ্‌তোই তারে দিবা; সালে তমা গোজেন লগেপ্রভু তমার বেক্‌ কামানিত্‌ আশিদ্‌বাদ গুরিবো আর তুমি যিয়েনত্‌ আঢ্ দুয়ো সিয়োদোই আশিদবাদ পেবা।