গম্ উপদেজ্ 11:20 - Chakma Bible

²⁰ যিগুনোর মনানি কুজুরো লগেপ্রভু তারারে ঘিনেই, মাত্তর্ যিগুনে দোল্ জিংকানি কাদান তারা উগুরে তে হুজি অয়।

গম্ উপদেজ্ 11:20 ပူးပေါင်းရင်းမြစ်များ

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

গীতসংহিতা 101:4

মঅ মনানত্ মুই কুজুরোমিগানরে জাগা ন-দিম; ভান্ন্যেয় সমারে মর্ কনঅ মিজেমিজি কারবার্ নেই।

গীতসংহিতা 11:7

লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।

গীতসংহিতা 119:1

বর্ পেইয়্যে সেই মানুচ্চুন, যিগুনে দোল্ জিংকানি কাদান্ আর লগেপ্রভুর উগুম্ মজিম চলন্।

গীতসংহিতা 140:13

গম্ মানুচ্চুনে হামাক্কাই তরে বাঈনী গুরিবাক্, আর যিগুনে দোল্ মনর্ মানুচ্ তারা তঅ মুজুঙোত্ বজত্তি গুরিবাক্।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গম্ উপদেজ্ 11:21

তুমি হামাক্কায় হবর্ পঅ পাজিগুনে সাজা পেবাক্কে পেবাক্, মাত্তর্ গোজেন ভক্তগুনে কনঅ সাজা ন-পেবাক্।

গম্ উপদেজ্ 12:22

মিজেকধলোই ভরা মুয়োনরে লগেপ্রভু ঘিনাই, মাত্তর্ যে মানুচ্চুনে গমেডালে চলন্ তারা উগুরে তে হুজি অয়।

গম্ উপদেজ্ 13:6

গোজেন উগুরে ভোক্তি গম মানুচ্চুনোরে রোক্ষ্যে গরে, মাত্তর্ পাজি কামানিয়ে পাপিগুনোর দজা ঘদায়।

গম্ উপদেজ্ 14:9

বাজে-মন মানুচ্চুনে তারা দুষ্‌চানিলোই একজন আর একজন সমারে টানা টান্যে থান, মাত্তর্ গম্ মানুচ্চুনে টানা টান্যে থান্ ভালেদি গুরিবার আওজ্‌সোই।

গম্ উপদেজ্ 15:26

লগেপ্রভু বেক্ কুজুরোমিগানি ঘিনায়, মাত্তর্ ভালেদির কধাবাত্তানি তা চোগেদি দোল্।

গম্ উপদেজ্ 15:8

পাজিগুনোর উৎসর্বয়ানি লগেপ্রভু ঘিনেই, মাত্তর্ গম্ মানুচ্চুনোর তবনাগানি তে হুজি অয়।

গম্ উপদেজ্ 16:17

ভান্ন্যেয়ত্তুন্ সুরি যানাগান অলঅ গম্ মান্‌‌জ্যর জিংকানির পথ; যে মানুচ্চো তা জিংকানির পধ ইন্দি খিয়েল রাগায় তে তা পরাণান্ রোক্ষ্যে গরে।

গম্ উপদেজ্ 21:29

পাজি মান্‌জ্যর মুয়োদি কনঅ লাজাইদে ধোক্ক্যেন ন-লাগে, মাত্তর্ গম্ মান্‌জ্যে তা জিংকানি-পধেদি চলানা পৌইদ্যেনে বিশ্বেজ্ থায়।

গম্ উপদেজ্ 3:32

কিত্তে বেঙা পধেদি যেইয়্যে মানুচ্চুনোরে লগেপ্রভু ঈচ্ গরে, মাত্তর্ গম্ মন মানুচ্চুনো সমারে তে উদো লোলি রাগায়।

গম্ উপদেজ্ 6:14

বজং মনে নিত্য কুজুরোমি গরে আর যাগুলুক্ বাজায়।

গম্ উপদেজ্ 8:13

লগেপ্রভুরে ভোক্তি গুরিনে দরানা মানে পাজি কামানিরে ঘিনেনা; বার্‌বো গরানা, বার্‌বো কধা, বজং বেবহার আর বেঙা টেরা কধানি মুই ঘিনেং।

গম্ উপদেজ্ 9:7

ঠাট্টা-ঈচ্ গুরিয়্যেবোরে যে ঠিগ্ গুরিবাত্তে যায় তে অগমান অয়; পাজি মানুচ্চুনোর দুজ্‌ছানি যে দেগেই দে তারে সে পাজি মানুচ্চো দুষি বানায়।