গম্ উপদেজ্ 11:13 - Chakma Bible

¹³ যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্‌জ্যে কধানি গুমুড়োত রাগান্।

গম্ উপদেজ্ 11:13 ပူးပေါင်းရင်းမြစ်များ

গম্ উপদেজ্ 10:19

বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 11:12

যে আদাম্মেগুনোরে ঈচ্ গরে তার বুদ্ধির অভাব আঘে, মাত্তর্ যিবের বিচের বুদ্ধি আঘে তে তা জিলান্ সামালায়।

গম্ উপদেজ্ 12:23

উজিয়ারবলা মানুচ্ যিয়েনি হবর্ পায় সিয়েনি কোই কোই ন-বেড়ায়, মাত্তর্ বিবেচনা নেইয়্যে মানুচ্চুনে তারা কধালোই বুদ্ধি নেইদ্যেগান ফগদাং গরন।

গম্ উপদেজ্ 14:5

বিশ্বেজি সাক্ষি মিজে কধা ন-কয়, মাত্তর্ অবিশ্বেজি সাক্ষি মিজে কধা কয়।

গম্ উপদেজ্ 19:11

যে মানুচ্চোর বুদ্ধি আঘে সে বুদ্ধিগানে তারে সহজে রাগ গুরিবাত্তে ন-দে; তা বিরুদ্ধে কনজনে দুষ্ গুরিলে সিয়েন ন-ধরানা তা পক্ষে বাঈনী গরে পারা।

গম্ উপদেজ্ 20:19

যে ইংসে-নিন্দে গুরিনে বেড়ায় তে গুমর কধানি ফগদাং গুরি দে; সেনত্তে যে বেশ্ কধা কয় তা সমারে ন-মিজেয়ো।

গম্ উপদেজ্ 25:9

পাড়াল্যে বিরুদ্ধে যুনি মাম্‌‍লা গরচ্ সালে অন্যগুনোর গুমুরো কধানি ফগদাং গুরি ন-দিচ্;

যিরমিয় 38:27

রাজার চাগরুনে বেক্কুনে যিরমিয় ইধু যেইনে পুযোর্ গুরিলে রাজা তারে যে কধানি কবাত্তে উগুম গোজ্যে যিরমিয় তারারে সে কধানি কলঅ। সেক্কে তারা তারে আর কিচ্চু ন-কলাক্, কিত্তে রাজা লগে তার কধাবাত্তানি কনজনে ন-শুনোন্।

লেবীয় 19:16

কাররে ইংসে-নিন্দে গুরি বেড়ানা ন-চলিবো। কনঅ মান্‌জ্যর্‌ পরাণানর্‌ ক্ষোতি ওই পারে এধোক্ক্যেন কিজু গরানা ন-চলিবো। মুই লগেপ্রভু।

১ তীমথিয় 5:13

ইয়েন বাদে তারা ঘরে ঘরে বেড়েইনে আল্‌‍সি অদে শিগোন্। তারা যে বানা আল্‌‍সি অন্ সিয়েন নয়, মাত্তর্ বাজে কধা কদে আর পর বেপার্‌‍লোই কধা কবাত্যে শিগোন্ আর যিয়েন তারাত্তুন্ কনা উচিত নয় সেই কধানি কন্।

যিহোশূয় 2:14

এ কধানি শুনিনে সে দ্বিজনে তারে কলাক্‌, “আমি যুনি আমা কধামজিম্‌ কাম্‌ ন-গুরিই সালে তমা বদলে আমার পরাণানি যোক্‌। তুমি যুনি আমার এ কধানি ফগদাং গুরি ন-দুয়ো সালে লগেপ্রভু যেক্কে এ দেজ্‌চান আমারে দিবো সেক্কে আমি তমা লগে গম্‌ বেবহার গুরিবোং আর তমা উগুরে বিশ্বেজি থেবং।”

যিহোশূয় 2:20

মাত্তর্ যুনি তুই আমা এ বেক কধানি ফগদাঙ্‌ গুরি দুয়োচ্‌ সালে তুই আমারে দিইনে যে শমক্‌ গুরি নেযেয়োচ্‌ সিয়েনত্তুন আমি উদ্ধোর্‌ অবং।”