গম্ উপদেজ্ 10:22 - Chakma Bible

²² লগেপ্রভু যিবেরে বর্ দে তেয়ই তাগোয়্যে; সেই আশিদ্‌বাদত্ কনঅ দুঘ্ দরদ ন-থায়।

গম্ উপদেজ্ 10:22 ပူးပေါင်းရင်းမြစ်များ

পত্থম 12:2

তরে দিইনে মুই এক্কো দাঙর্‌ জাদ্ বানেই দিম্‌। মুই তরে বর্‌ দিম্‌ আর এবাবোত্তে গুরিম্‌ যেনে তর গম্‌ হবরান চেরোকিত্তে ছিদি পড়ে আর তঅ মাধ্যমে যেনে মান্‌জ্যে বর্ পান।

পত্থম 13:2

অব্রামে জদবদে মাজন্‌ এলঅ। তার ভালোক্কুন য়েমান আর সনা রূবো এলঅ। পরেদি তে নেগেভত্তুন্‌ সুরি যাদে যাদে বৈথল সং গেলঅ। এধোক্ক্যেনগুরি তে বৈথেল আর অয়র সংমোধ্যে সে জাগানত্‌ যেইনে লুমিলো যিয়েনত্‌ তে আগেদি তাম্বুল তাঙেইয়্যে আর পত্তম ডালিপূজো বানেইয়্যে। সিয়েনত্‌ তে লগেপ্রভুরে তার যগাজ্যে সর্মান দিলো।

পত্থম 14:23

তর কনঅ জিনিস, এন্‌ কি, এক্কেনা সুদো বা টেঙর্‌ জদা-সেন্দেলর্ ফিটেয়ো মুই ন-নেযেম। এ শমত্‌‌তান্ মুই গরঙর্‌ যেনে তুই কোই ন-পারচ্‌, মঅ সোম্বোত্তিলোই অব্রামে মাজন্‌ ওইয়্যে।

পত্থম 24:35

মঅ গিরোজ্‌সোরে লগেপ্রভু বোউত্‌ বর্ দিয়্যে; এচ্চ্যে তে বোউত্‌ দাঙর্‌ মানুচ্‌। লগেপ্রভু তারে ভালোক্কুন্‌ গোরু-ভেড়া, সোনা-রূবো, চাগর-চাগরানী আর উট আর গাধা দিলো।

পত্থম 26:12

ইস্‌হাকে সে বজরত্ সেই দেজত্‌ চাষ্‌ গুরিনে একশঅ গুণ ফল্‌ পেলঅ। লগেপ্রভু তারে বর্ দিলো,

পত্থম 26:13

আর সেক্কে তে মাজন্‌ ওইনে উদিলো। তা অবস্‌তা দিন দিন গম্‌ অদে অদে যেরেন্দি তে এক্কান দাঙর্‌ সোম্বোত্তির্‌ গিরোজ্ অলঅ।

১ রাজাবলী 21:19

তুই তারে কঅ, লগেপ্রভু কত্তে, ‘তুই কি ইক্কো মান্‌জ্যরে মারে ফেলেইনে তা সোম্বোত্তিগানি গজক্ ন-গরচ্‌?’ সে পরেন্দি তারে কঅ, লগেপ্রভু কত্তে, ‘কুগুরুনে যিয়েনত্‌ নাবোতর্‌ লোগান লেইলেই হেইয়োন্‌ সিয়েনত্‌ তারা তঅ লোগান, অয় তর্‌ লোগান লেইলেই হেবাক্‌।’”

১ বংশধর 4:10

যাবেষ ইস্রায়েল গোজেনরে ডাগিনে কোইয়্যেদে, “তুই মরে বর্ দে আর মঅ সোম্বোত্তিগানি বাড়েই দে। তঅ বলান্‌ মঅ সমারে থোক্‌ আর দজাত্তুন্‌ তুই মরে রোক্ষ্যে গর্‌ যেনে মুই দুগ্‌ ন-পাং।” আর গোজেনে তার্‌ কোজোলিগান্‌ রোক্ষ্যে গুরিলো।

২ বংশধর 25:9

সেক্কে অমৎসিয় গোজেন মানুচ্চোরে কলঅ, “এই ইস্রায়েলীয় সৈন্যগুনোত্তে মুই যে তিন আজার নয়শঅ কেজি রূবো দুয়োং সিয়েনির্‌ কি অবঅ?” জোবত্‌ গোজেনর মানুচ্চো কলঅ, “গোজেনে তরে তাত্তুন্‌অ বেশ্‌ দি পারে।”

২ বংশধর 32:27

হিষ্কিয়োর বোউত্‌ ধন-সোম্বোত্তি আর সর্মান এলঅ। তার্‌ সোনা-রূবো, মণি-মুক্তো, তুম্বাজ্‌ মজলা, ঢাল আর নানান্‌ বাবোত্যে মংগা পযাপিরা রাগেবাত্তে তে ধনভান্ডাল্‌ বানেল।

২ বংশধর 32:29

তে নিজোত্তে ভালোক্কানি আদাম আর শঅর্‌ বানেল। তার্‌ গোরু-ছাগল-ভেড়া ভালোক্কুন্‌ অলাক্‌, কিত্তে গোজেনে তারে বোউত্‌ ধন দিয়্যে।

গীতসংহিতা 107:38

তে তারারে আশিদ্‌বাদ গরে আর তারা জনেদি বোউত্ বাড়ন্; তে তারার য়েমান পালুন্ কমিবাত্তে ন-দে।

গীতসংহিতা 127:2

তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

গীতসংহিতা 37:22

লগেপ্রভু যিগুনোরে বর্ দে তারা দেজর্ ভাগ্ পেবাক্, মাত্তর্ যিগুনোরে তে অভিশাব দে তারারে ভস্ত গরা অবঅ।

গম্ উপদেজ্ 14:24

জ্ঞানীগুনোর্ বক্‌শিজ্ অলঅ তারার ধন, মাত্তর্ জ্ঞাননেইয়্যেগুনোর ভুলানি আরঅ ভুলোর জর্ম দে।

গম্ উপদেজ্ 20:21

বাবঅ সোম্বোত্তির ভাগ্ যুনি যাদিমাদি পাহ্ যায় সালে যেরেদি সিয়েনত্ আশীদ্‌বাদ্ পাহ্ ন-যেবঅ।

গম্ উপদেজ্ 28:22

যে মানুচ্চো লুভি তে তাগোয়্যে অবাত্তে হিজে-হিচ্চ্যে বাজায়, মাত্তর্ তে হবর্ ন-পায় অভাব্‌পানে তাত্তে বাজ্জেই আঘে।

গম্ উপদেজ্ 8:21

যিগুনে মরে কোচ্‌পান তারা ধন-সম্পদ পান; মুয়ই তারার ধনভান্ডালত্ ভোরেই দুয়োং।

দানিয়েল 1:15

দশ দিনোর শেজদি দেগা গেলঅ রাজার হানা হেইয়্যে গাবুজ্যে বেক্কুনোত্তুন্ তারা আরঅ দোল্ আর পক্তামক্তা ওইয়োন্।

সখরিয় 5:4

বেগত্তুন্ খেমতাবলা লগেপ্রভু কত্তে, ‘মুই সেই অভিশাব্‌পান্ পাদেম্ আর তা চুরুনো ঘরত্ আহ্ মঅ নাঙে মিজে শমক্ হেইয়্যেগুনোর্ ঘরত্ যেইনে সুমিবাক্ আর তারা ঘরত্ থেইনে তক্তা আর পাত্তর্ সুদ্ধো ভস্ত গুরি ফেলেবাক্।’ ”

দ্বি’লম্বর বিররণ 26:10

সেনত্যে ও লগেপ্রভু, তর্‌ দিয়্যে ভুইয়োর্ পত্তমে তুল্যে ফসল মুই তইদু আন্যং। ইয়েন কোইনে তমার গোজেন লগেপ্রভুর মুজুঙোত্‌ তুমি তমার লেইয়ুন রাগেবা আর মাদা নিগিরিনে তারে ভোক্তি জানেবা।

দ্বি’লম্বর বিররণ 28:11

যে দেজছান তমারে দিবো বিলিনে লগেপ্রভু তমার পুরোণি মানুচ্চুনো ইদু শমক্‌ গোজ্যে সেই দেজত্‌ তে তমারে বোউত দান গুরিবো, অত্তাৎ তে তমার গিরির্ বোউত ঝি-পূঅরে, য়েমান পালত্‌ ভালোক্কুন্‌ ছঅ আর ক্ষেদত্‌ ভালোক্কুন ফসল দিবো।

যিহোশূয় 6:18

মাত্তর্ যেদক্কানি জিনিস ভস্তর্ অভিশাবর্ তলে সিয়েনিত্তুন তুমি দূরোত্‌ থেবা যেনে সিয়েনিত্তুন কনঅ‌ কিজু নিজোত্তে নেযেইনে তুমি নিজো উগুরে দযা ডাগি ন-আনঅ‌। সিয়েন গুরিলে তুমি ইস্রায়েলীয়গুনোর তাম্বুলানি উগুরে দযা ডাগি আনিবা আরঅ তারারে দযাত্ ফেলেবা।