গম্ উপদেজ্ 10:21 - Chakma Bible

²¹ গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 10:21 ပူးပေါင်းရင်းမြစ်များ

ইয়োব 23:12

তা উগুমানিত্তুন্ মুই সুরি ন-এজং; মর্ নিত্য খাইদে জিনিজোত্তুন্অ বেশ্ তা মুয়ো কধানি মুই বোউত্ দাম দুয়োং।

গীতসংহিতা 37:30

গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গম্ উপদেজ্ 1:29

তারা জ্ঞানানরে ঈচ্ গোজ্যন্ আর লগেপ্রভুরে ভোক্তিগুরিনে ন-দরান্।

গম্ উপদেজ্ 1:31

সেনত্তে তারার নিজোর কামর ফল পেবাক্, নিজো সল্লা গোজ্যে ফল্লোই পেট ভরা পুরিবো।

গম্ উপদেজ্ 1:32

ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

গম্ উপদেজ্ 10:11

গোজেন ভক্তগুনোর্ মুয়োনি জিংকানির পয়নালা ধোক্ক্যেন, মাত্তর্ পাজিগুনোর অত্যেচারি মনানি তারার মুয়ো কধানিলোই নাঢা যায়।

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:4

যে কধাগানে মান্‌জ্য জিংকানিত্ ভালেদি আনে সিয়েন জিংকানি-গাজ ধোক্ক্যেন্, মাত্তর্ ছলনা কধাগানিয়ে মান্‌জ্যর মনানি ভাঙি দে।

গম্ উপদেজ্ 15:7

জ্ঞানীগুনোর্ মুয়োনিয়ে জ্ঞান ছিদি দে, মাত্তর্ জ্ঞাননেইয়্যেগুনোর মনানি সিয়েনি ন-গরে।

গম্ উপদেজ্ 17:16

জ্ঞান পেবাত্তে বিবেচনা নেইয়্যে ভুল্ মান্‌জ্য আঢত্ টেঙা থেলে কি লাভ? তার দঅ বুদ্ধি নেই।

গম্ উপদেজ্ 5:12

তুই কবে, “হায়! মুই শাজন্ গরানাগান্ ঘিনেয়োং, মঅ মনানে বুদুলিবার কধাগান ঈচ্ গোজ্যে।

গম্ উপদেজ্ 5:2

সেক্কে তুই গম্-ভান্ন্যেই বুঝিবার খেমতাগান রোক্ষ্যে গুরি পারিবে, আর তঅ মুয়োনত্তুন্ জ্ঞানর কধা বার্ অবঅ।

গম্ উপদেজ্ 5:23

শাজনর্ অভাবে তে মুরি যায়; নিজোর্ অমকদ ভুলোর কারনে তে তা পথ্‌তানত্ থির্ ন-থায়।

গম্ উপদেজ্ 6:32

যে সিনেলী গরে তার বুদ্ধির অভাব আঘে; তে সিয়েনি গুরিনে নিজোরে ভস্ত গরে।

উপদেশক 12:11

জ্ঞানী মানুচ্চুনোর্ কধা গরগর্ লুদিগো ধোক্ক্যেন্। তারা কধানি এগত্তর্ গুরিলে মনে অয় যেন বেক্কুন্ দরমর গুরি বানেয়্যে জোলোই। সিয়েনি এক্কো গরগে দিয়্যে কধা।

যিশাইয় 5:13

সেনত্তে বুদ্ধির্ অভাবে মঅ মানুচ্চুনে অন্য দেজত্ বন্দি ওই থেবাক্। তারার্ মুরুব্বিগুনে পেট্ পরায় মুরিবাক্, আর তারার্ অন্য মানুচ্চুনোর্ বুগ্‌কুন্ পানি তিরেজে শুগেবাক্।‌

যিরমিয় 15:16

তঅ কধানি ফগদাং অলে পরেদি মুই সিয়েনি মনত্ গুজি ললুং; সে কধানি এলদে হুজির্ আর মঅ মনর্ সুগ, কিত্তে ও বেগত্তুন্ খেমতাবলা গোজেন লগেপ্রভু, মুই দঅ তরই।

যিরমিয় 3:15

সে পরেদি মুই তমারে মর্ মনে মন্‌‍‍যক্কাগুরি শাজন্‌গুরিয়্যে দিম; তারা জ্ঞান আহ্ বুদ্ধির সমারে তমারে চালেবাক্।

হোশেয় 4:6

গোজেন পৌইদ্যেনে জ্ঞানর্ অভাবে মঅ মানুচ্চুন ভস্ত ওই যাদন্। তুমি সেই জ্ঞানানরে এলাফেলা গোজ্য বিলি মুইয়ো মর্ ধর্মগুরু ইজেবে তমারে এলাফেলা গুরিলুং। তুমি তমার্ গোজেনর রীদি-সুদোম্ ভুলি যেইয়ো, সেনত্তে মুইয়ো তমা ঝি-পুয়োগুনোরে ভুলি যেইম্।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

১ পিতর 5:2

তমা ইধু যে গোজেনর্ পাল আঘে তুমি সিবের্ গরক্ অ। দেগাশুনো গরা পরিবো বিলিনে যে তারারে দেগাশুনো গুরিবে সিয়েন নয়, বরং নিজোর আওজে সিয়েন গরঅ, কিয়া গোজেনে তমা ইধু সিয়েনই চায়। লাভর্ আজায় এ কামান ন-গোজ্জ্য, মাত্তর্ আওজ্‌ গুরিনে গরঅ;