গম্ উপদেজ্ 10:20 - Chakma Bible

²⁰ গোজেন ভক্তগুনোর্ জিলানি আজল্ রূবো ধোক্ক্যেন, মাত্তর্ পাজিগুনোর মনানি দাম কম।

গম্ উপদেজ্ 10:20 ပူးပေါင်းရင်းမြစ်များ

পত্থম 6:5

লগেপ্রভু দেগিলোদে পিতথিমীত্‌ মান্‌জ্যর্ ভান্ন্যেইয়ানি অমকদ বাড়ি যেইয়্যে, আর তারা মনর্ বেক্‌ চিদে-সজ্জানি নিত্য বানা ভান্ন্যেইয়ন্দি লুঙি পোজ্যে।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

গীতসংহিতা 37:30

গোজেন ভক্তগুনোর্ মুয়োনিয়ে জ্ঞানর কধা ফগদাং গরে; তারার্ জিলানিয়ে ন্যায়বিচেরর্ কধা কয়।

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 15:4

যে কধাগানে মান্‌জ্য জিংকানিত্ ভালেদি আনে সিয়েন জিংকানি-গাজ ধোক্ক্যেন্, মাত্তর্ ছলনা কধাগানিয়ে মান্‌জ্যর মনানি ভাঙি দে।

গম্ উপদেজ্ 16:13

সত্য কধা কোইয়্যে মুয়োনিয়ে রাজাগুনোরে ফুত্তি দে; যে মানুচ্চো সত্য কধা কয় রাজাগুনে তারে কোচ্‌‌পান।

গম্ উপদেজ্ 20:15

সনা আঘে, মংগা পাত্তর্‌অ বোউত্ আঘে, মাত্তর্ যে মুয়োনে জ্ঞানর্ কধা কয় তা দামান সিত্তুনো বেশ্।

গম্ উপদেজ্ 23:7

কিয়া তে এমন্ মানুচ্ যে নিত্য তা হানাগানর দামান কধা ভাবে। তে তরে কয়, “হানা-দানা গর্,” মাত্তর্ তে মনেদি-মুয়োদি এক নয়।

গম্ উপদেজ্ 8:19

সনাত্তুন্‌অ বেশ্, এন্ কি, খাটি সনাত্তুন্‌অ বেশ্ মর্ দিয়্যে ফলুন গম্; মুই যিয়েনি দুয়োং সিয়েনি বেঈ লোইয়্যে রূবোত্তুন্‌অ বেশ্ খাটি।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।