গম্ উপদেজ্ 10:19 - Chakma Bible

¹⁹ বেজ্ কধা ভিদিরে ভান্ন্যেই কিজু থায়, মাত্তর্ যে তা মুয়োন দোঙেই রাগায় তে বুদ্ধবলা।

গম্ উপদেজ্ 10:19 ပူးပေါင်းရင်းမြစ်များ

ইয়োব 11:2

এই বেক্‌ কধানির্‌ কি জোব্‌ দিয়্যে ন-অবঅ? কধা রাজাগুনোর্‌ কধানি কি ঠিগ্‌ বিলিনে প্রমান অবঅ?

গীতসংহিতা 39:1

মুই কলুং, “মর্ আঢি যানা পৌইদ্যেনে মুই উজিয়ার থেম্, যেনে জিলান্দোই মুই পাপ ন-গরং; যেদক্কন্ পাজিগুনে মঅ মুজুঙোত্ থেবাক্ সেদক্কন্ সং মর্ মুয়োন্ মুই বানি রাগেম।”

গম্ উপদেজ্ 11:12

যে আদাম্মেগুনোরে ঈচ্ গরে তার বুদ্ধির অভাব আঘে, মাত্তর্ যিবের বিচের বুদ্ধি আঘে তে তা জিলান্ সামালায়।

গম্ উপদেজ্ 11:13

যে পররে সজ্জায় তে গুমুড়ো কধানি কোই দে, মাত্তর্ বিশ্বেজি মান্‌জ্যে কধানি গুমুড়োত রাগান্।

গম্ উপদেজ্ 12:23

উজিয়ারবলা মানুচ্ যিয়েনি হবর্ পায় সিয়েনি কোই কোই ন-বেড়ায়, মাত্তর্ বিবেচনা নেইয়্যে মানুচ্চুনে তারা কধালোই বুদ্ধি নেইদ্যেগান ফগদাং গরন।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

উপদেশক 5:1

গোজেন ঘরত্ যেবার অক্তত্ তঅ টেঙানি উজিয়ারে ফেলেচ্। যিগুনে নিজো অন্যেয়ানি ন-বুঝোন্ সে ভুল্ মানুচ্চুনো ধোক্ক্যেন্ উৎসর্বর অনুষ্ঠান গুরানাত্তুন্ বরং গোজেনর্ বাধ্য অনা গম্।

উপদেশক 5:2

তঅ মুয়োনে যাদিমাদি গুরিনে কধা ন-হোক্; গোজেন ইদু যাদিমাদি গুরিনে কনঅ কধা ন-কোচ্। গোজেনে স্বর্গত্ আঘে আর তুই আগচ্ পিত্‌থিমীত, সেনত্তে তঅ কধাগান্ যেন কম অয়।

উপদেশক 5:3

চিদে-চজ্জা বেশ্ থেলে মান্‌জ্যে যেধোক্ক্যেন্ স্ববন্ দেগন্ সেধোক্ক্যেন্ বেশ্ কধা কলে ভুলানি নিগিলি এজে।

যাকোব 1:19

মর্ কোচ্‌‌পেইয়্যে ভেইয়ুন্, মর্ এ কধাগান খিয়েল্ গরঅ-তুমি বেক্কুনে শুনিবাত্যে আওজি অ, মাত্তর্ যাদিমাদি গুরি কধা কবাত্যে ন-যেয়ো বা রাগ ন-গোজ্জ্য;

যাকোব 3:2

আমি বেক্কুনে নানান্ ধগে অন্যেয় গুরি থেই। যুনি কেঅ কধালোই অন্যেয় ন-গরে সালে তে নিদ্দুজি; তার্ পুরো কিয়্যেগানরে তে সামেলেই পারে।