গম্ উপদেজ্ 10:16 - Chakma Bible

¹⁶ গোজেন ভক্তগুনোর্ বেতন অলঅ দোল্ জিংকানি, মাত্তর্ পাজিগুনোর আয়লোই পাপ বেজ্ অয়।

গম্ উপদেজ্ 10:16 ပူးပေါင်းရင်းမြစ်များ

গম্ উপদেজ্ 11:30

গোজেন ভক্ত মানুচ্ অন্যগুনো ইদু জিংকানি গাজ ধোক্ক্যেন্; যে অন্যগুনোর মনানি জিদি লয় তে জ্ঞানি।

গম্ উপদেজ্ 21:21

যে মানুচ্চো আওজ্ গুরিনে সততা আর বিশ্বেজ্ পধেদি চলে তে জিংকানি, আশীদ্‌বাদ্ আর সর্মান পায়।

মথি লেখ্যে গম্ হবর্ 15:19

মনত্তুন্ ভান্ন্যেই চিন্তে, খুন, নানান্ বাবোত্যে বেভিচের্, চুর্, মিজে মাদানা আর ইংসে-নিন্দে নিগিলি এজে।

যোহন 6:27

মাত্তর্ যে হানাগান্ বর্‌বাদ্ ওই যায় সে হানাগানত্তে খিজেহিচ্চ্যে গুরিনে লাভ্ কি? যে হানাগান্ বর্‌বাদ্ ন-অয় বরং উমর্‌অ জিংকানি দান্ গরে সিয়েনত্যে খিজেহিচ্চ্যে গরঅ। সেই হানাগান্ মান্‌জ্যপুয়োবো তমারে দিবো, কিয়া বাবা গোজেনে প্রমাণ গুরি দেগেয়্যেদে যে, এ কামান্ গুরিবার অধিকার্ বানা তার্ আঘে।

রোমীয় 6:23

পাপ্‌পানে যে বেতন দে সিয়েন মরণ্, মাত্তর্ গোজেনে যিয়েন দান গরে সিয়েন আমা প্রভু যীশু খ্রীষ্টর্ মাধ্যমে উমর্ জিংকানি।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ তীমথিয় 3:13

মাত্তর্ পাজি মানুচ্চুনে আর ফক্করুনে দিন দিন আরঅ বজং অবাক্। তারা অন্যগুনোরে ভুল্ পধেদি নেযেবাক্ আর নিজেয়ো ভুল্ পধেদি চলিবাক্।

ইব্রীয় 6:10

গোজেনে দোল্ বিচেরক্; সেনত্যে তমা কামানি আর তা মানুচ্চুনোরে সেবা-যত্তন্ গুরিনে তুমি তারে যে কোচ্‌পানা দেগেয়ো আর দেগর্, সিয়েন তে ভুলি ন-যেবঅ।