গম্ উপদেজ্ 1:7 - Chakma Bible

⁷ লগেপ্রভুরে ভোক্তি গুরিনে দরানা অলঅ জ্ঞানর গড়াগান্, মাত্তর্ যিগুনোর চিদে চজ্জা বাজে ধরনর তারা গম বুদ্ধি আর শিক্ষ্যেনি ঈচ্ গরন।

গম্ উপদেজ্ 1:7 ပူးပေါင်းရင်းမြစ်များ

ইয়োব 28:28

সে পরেদি তে মানুচ্চুনোরে কলঅ, ‘প্রভু উগুরে ভোক্তিবলা দরান্ অলঅ জ্ঞান, আর ভান্ন্যেয়ত্তুন্ সুরে যানাগানই অল বুদ্ধি।’ ”

গীতসংহিতা 111:10

লগেপ্রভু ইদু ভোক্তিপূর্ণ দরান অলঅ জ্ঞানান্; যিগুনে সে ইজেবে কাম গরন্ তারা গম্ বুদ্ধি পান্। লগেপ্রভুর নাঙ্ গিনেনাগান্ উমরত্তে থিদেবর্।

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 15:32

যে মান্‌জ্যে শাজন্ এলাফেলা গরে তে নিজোরে তুচ্চো গরে, মাত্তর্ যে মান্‌জ্যে সংশোধন কধানি শুনে তে বুদ্ধি পায়।

গম্ উপদেজ্ 15:33

লগেপ্রভু উগুরে ভোক্তিবলা দর্ মান্‌জ্যরে জ্ঞান শিগেয়, আর নম্রতাগানে সর্মান আনে।

গম্ উপদেজ্ 15:5

বাজে মান্‌জ্যে তা বাব শাজনানরে তুচ্চো গরে, মাত্তর্ উজিয়ার বলা মান্‌জ্যে সংশোধনর কধানি শুনে।

গম্ উপদেজ্ 18:2

বিবেচনানেইয়্যে মান্‌জ্যে গম্-ভান্ন্যেই বুঝোনা পৌইদ্যেনে কনঅ হুজি ন-পায়, মাত্তর্ নিজো কধাগান ফগদাং গুরিবাত্তে হজি পায়।

গম্ উপদেজ্ 2:5

সালে লগেপ্রভু উগুরে ভোক্তিবলা দরানাগান্ কি, সিয়েন তুই বুঝি পারিবে আর গোজেন পৌইদ্যেনে জ্ঞান পেবে;

গম্ উপদেজ্ 23:9

বিবেচনা নেইয়্যে মান্‌জ্য ইদু কধা ন-কোইয়ো; তঅ কধাগানত্ যে জ্ঞানান্ আঘে সিয়েন তে ঈচ্ গুরিবো।

গম্ উপদেজ্ 9:10

লগেপ্রভু উগুরে ভোক্তিবলা দরান্ অলঅ গম্ বুদ্ধির গড়াগান্; সেই পবিত্র মানুচ্চোরে জানি পারিলে বিচেরবুদ্ধি পায়।

উপদেশক 12:13

ইক্কিনে বেক্কানি দঅ শুনো অলঅ; মাত্তর্ শেজ্ কধাগান্ ইয়েন্, গোজেনরে ভোক্তিগুরিনে দোরেবার্ আর তা উগুমানি পালানার্ মাধ্যমে মান্‌জ্যর্ বেক কামানি পালা অয়।

রোমীয় 1:28

এবাবোত্যেগুরি মানুচ্‌ গোজেনরে মানিবাত্তে ন-চান্ বিলি গোজেনেয়ো পাপ্পোই ভরা মনঅ আঢত্ তারারে ইরি দিয়্যে, আর সেনত্তে মানুচ্‌ ভান্ন্যেই কাম্ গুরি থান্।

দ্বি’লম্বর বিররণ 4:6

ইয়েনি পালন গরানার মাধ্যমে অন্য জাদর্‌ মানুচ্চুনো মুজুঙোত্‌ তমার্‌ জ্ঞান আর বুদ্ধিগানি ফগদাং পেবঅ। তারা এ বেক্‌ সুদোমানি পৌইদ্যেনে শুনিনে কবাক, জাদ ইজেবে ইগুনে হামাক্কায় দাঙর্‌ আর জ্ঞানী, বুদ্ধিবলা।