গম্ উপদেজ্ 1:32 - Chakma Bible

³² ভুল মানুচ্চুনোর ভান্ন্যেই পধেদি যানাগান তারার মরণর দযা অবঅ, জ্ঞান নেইয়্যেগুনোর চিদেচজ্জা নেইয়্যে মনভাব্‌পানি তারারে ভস্ত গুরিবো;

গম্ উপদেজ্ 1:32 ပူးပေါင်းရင်းမြစ်များ

গীতসংহিতা 69:22

তারার হানার পরব্‌পুন ফাল্ ওক্, আর গমেডালে থেবার মনভাব্‌পান তারার জালর ফাল্ ওক্।

গম্ উপদেজ্ 1:22

ভুল্ মানুচ্চুন, আর কয়দিন তুমি তমার ভুলো কামানি গম্‌পেবা? যিগুনে ঈচ্ গরন তারা আর কয়দিন তারা ইদু রঙ্গ-ফুত্তি পেবাক্? যিগুনোর চিদে চজ্জা নেই তারা আর কয়দিন জ্ঞানানরে ঘিনেবাক্?

গম্ উপদেজ্ 10:21

গোজেন ভক্তগুনোর্ মুয়োনিয়ে ভালোক্ জনরে পালায়, মাত্তর্ বুদ্ধির অভাবে বাজে মানুচ্চুনে মুরি যান্।

গম্ উপদেজ্ 14:16

জ্ঞানি মান্‌জ্যে ভান্ন্যেয়ানরে দোরেইনে সিয়েনত্তুন্ সুরি যান, মাত্তর্ জ্ঞান নেইয়্যে মান্‌জ্যে নিজো উগুরে বেশ্ বিশ্বেজ্ গুরিনে দুঘ্ সাহসী অন।

গম্ উপদেজ্ 2:18

তুই তা ঘরত্ সোমেলে মরণ পধেদি উজেই যেবে, তা লগে মিজেলে মরাগুনো ইদু লুমিবে।

গম্ উপদেজ্ 5:22

পাজি মানুচ্চো তা ভান্ন্যেই কামর ফালত্ পড়ে, তে নিজো পাপ দুড়িত্ বানা হায়।

গম্ উপদেজ্ 8:36

মাত্তর্ যে মরে ন-পায় তে নিজোরে ক্ষতি গরে; যিগুনে মরে ঘিনেন্ তারা বেক্কুনে মরণানরে গমপান্।”

গম্ উপদেজ্ 8:5

ভুল্ মানুচ্চুন, চালাগ্ অবাত্তে বুদ্ধি গরঅ; জ্ঞাননেইয়্যে মানুচ্চুন্, বিচেরবুদ্ধি শিগো।

গম্ উপদেজ্ 9:18

মাত্তর্ তারা হবর্ ন-পান, মরা মানুচ্চুনে সিয়েনত্ থান; সেই মিলেবোর ভাত্যেয়্যে মানুচ্চুনে মরণ জাগাত্ থান্।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিরমিয় 2:19

তর্ পাজি কামানিয়ে তরে সাজা দিবো; তর্ ভান্ন্যেই পধেদি যানাগানে তরে দুষি গুরিবো। সালে এবেরা চিদে গর্ আর বুঝি চাহ্, তুই যেক্কে তর্ গোজেন লগেপ্রভুরে ছাড়ি যাচ্ আর তারে ন-দরাচ্ সেক্কে সিয়েন তত্তে কত্তমান বজং আর তিদে অয়। এ কধাগান মুই বেগত্তুন্ খেমতাবলা প্রভু লগেপ্রভু কঙর্।

আমোষ 6:1

অভিশাব্ পোড়োক তমার্! তুমি দঅ সিয়োনত্ আরামে বজত্তি গরর্ আর শমরিয়ার মুড়োবোত্ নিজোরে নিরাপদ মনে গরর্। তুমি বেগত্তুন্ আজল্ জাদ্ ইস্রায়েলর নাঙ্-গোজ্যে মানুচ্ আর তমা ইধু ইস্রায়েলর্ মানুচ্চুনে এজন্।

যোহন 3:36

যে কেঅ পুয়োবো উগুরে বিশ্বেজ্ গরে তে সেক্কে উমর্‌অ জিংকানি পায়, মাত্তর্ যে পুয়োবোরে অমান্য গরে তে সেই জিংকানিগান্ কনদিন্‌অ ন-পেবঅ, বরং গোজেন রাগ্‌কান্ তা উগুরে থেবঅ।

দ্বি’লম্বর বিররণ 28:17

তমা ফসলর কাল্লোঙুন্‌ আর ময়দে থবার পিলেগুনে অভিশাব্ পেবাক।

ইব্রীয় 12:25

উজিয়ার্! যিবে কধা কর্ তা কধানি এলাফেলা ন-গোজ্জ্য। মোশি গোজেনর্ উজিয়ার কধা পিত্‌থিমীত্ জানানার্ পরেদি মানুচ্চুনে তা কধানি এলাফেলা গোজ্জ্যন বিলিনে যেক্কে খেমা ন-পান্, সেক্কে যিবে স্বর্গত্তুন্ আমারে উজিয়ার্ গরের্ তা কধানি এলাফেলা গুরিলে আমি যে কনঅ বাবদে খেমা ন-পেবং সিয়েনত্ কনঅ সন্দেহ নেই।

ইব্রীয় 12:8

পত্তি পুয়োরে শাসন গরা অয়। তুমি যুনি শাসন ন-পেইনে থাগঅ সালে দঅ তুমি জার্‌বো, ঘেচ্চ্যেকগুরি পুয়ো নয়।

যাকোব 5:5

এই পিত্‌থিমীত্ তুমি ভারী আরামে দিন কাদেয়ো আর বে-ইজেবি গুরি চলর্। মুরিবার দিন্নোত্যে তুমি নিজোরে বানা তাজা গোজ্জ্য।