গম্ উপদেজ্ 1:28 - Chakma Bible

²⁸ “ভুল্ মানুচ্চুনে সেক্কে মরে ডাগিবাক্ মাত্তর্ মুই শমক্ ন-দিম; তারা মরে তোগেবাক্ মাত্তর্ মরে তোগেইনে ন-পেবাক্।

গম্ উপদেজ্ 1:28 ပူးပေါင်းရင်းမြစ်များ

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

ইয়োব 27:9

তারা উগুরে দুঘ্ এলে গোজেনে কি তারার কানা-কুদিগানি শুনে?

ইয়োব 35:12

মানুচ্চুনে যেক্কে কানন্ সেক্কে তে জোব্ ন-দে, কিত্যে তারা বাড়্‌‌বো আর পাজি।

গীতসংহিতা 18:41

তারা বল্ পেবাত্তে রঅ ছাড়দন্, মাত্তর্ কনজনে তারারে রোক্ষ্যে গুরিবাত্তে ন-এজন্। তারা লগেপ্রভু ইদু রঅ ছাড়দন্, মাত্তর্ তেয়ো তারারে জোব্ ন-দে।

গীতসংহিতা 18:42

বোইয়্যেরে উড়ে নেযেয়্যে ধূল্যা ধোক্ক্যেন্ মুই তারারে নিগুজ্ গোজ্যং, পদ পেক্কো-মাদি ধোক্ক্যেন্ তারারে ফেলেই দুয়োং।

গীতসংহিতা 66:18

মঅ মনত্ যুনি মুই কুজুরোমিগান পুজিদুং সালে মঅ কধাগান প্রভু ন-শুনিদো।

গম্ উপদেজ্ 15:29

লগেপ্রভু পাজিগুনোত্তুন্ দূরোত্ থায়, মাত্তর্ তে গোজেন ভক্তগুনোর্ তবনাগানি শুনে।

গম্ উপদেজ্ 8:17

যিগুনে মরে কোচ্‌পান মুইয়ো তারারে কোচ্‌পেম; যিগুনে মনদিইনে মরে তগান্ তারা মরে পান্।

পরমগীত 5:6

মঅ পরাণ্যেত্তে মুই দোরান্ খুলিলুং, মাত্তর্ মঅ পরাণ্যে ন-এলঅ, যেয়েগোই। তে যেক্কে কধা কোইয়্যে সেক্কে দুঘে মঅ মনান্ গুলি যেইয়্যে। মুই তারে তোগেলুং, মাত্তর্ ন-পেলুং; মুই তারে ডাগিলুং, মাত্তর্ তে শমক্ ন-দিলো।

যিশাইয় 1:15

তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।

যিরমিয় 11:11

সেনত্তে মুই লগেপ্রভু কঙর্, মুই তারা উগুরে এন্ দজা আনিম যিয়েনত্তুন্ তারা ধেই ন-পারিবাক্। যুনিয়ো তারা মঅ মুজুঙোত্ কানিবাক্ তো মুই তারা কধানি ন-শুনিম।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

হোশেয় 5:15

যেদক্ বিলোন্ সং তারা তারার্ দুষচানি স্বীগের্ ন-গরন আর মঅ ইন্দি মনযোগ ন-দুয়োন সেদক্ বিলোন্ সং মুই মর্ নিজো জাগাত্ ফিরি যেইনে সিয়েনত্ থেইম। তারার্ দুঘোত্ তারা আওজ্ গুরিনে মইধু ফিরি এবাক্।”

হোশেয় 5:6

তারার্ ভেড়া আর গোরু পাল নিইনে লগেপ্রভু ইধু গেলে তারা তারে ন-পান্; তারাত্তুন্ তে নিজোরে সোরেই নেযেয়্যে।

আমোষ 8:12

মান্‌‌জ্যে লগেপ্রভুর কধা শুনিবাত্তে পূগেত্তুন্ ধুরি পোজিমেদি আর উত্তোরেত্তুন্ ধুরি দোগিণেদি যাদে যাদে ঘুরি বেড়েবাক্, মাত্তর্ সিয়েন ন-পেবাক্।

মীখা 3:4

সময় এজের্ যেক্কে তুমি লগেপ্রভু ইধু কানাকুদি গুরিবা, মাত্তর্ তে তমারে জোব্ ন-দিবো। সে অক্তত্ তে তমাত্তুন্ নিজো মুয়োন্ ফিরেই রাগেব, কিত্যে তুমি ভান্ন্যেই কাম গোজ্য।

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

দ্বি’লম্বর বিররণ 1:45

তুমি ফিরি এইনে লগেপ্রভু ইদু কানিলা, মাত্তর্‌ তে তমার্‌ কাঁনানিগানি ন শুনিলো; তে কানান্‌ ঢিবেই দি রাগেল।

যাকোব 4:3

তুমি মাগিনেয়ো ন-পঅ, কিয়া তুমি ভান্ন্যেই উদ্দেশ্যে মাগি থাগঅ, যেন তমার কামনা-বাসনা ঈল্ অয়।

১ শমূয়েল 8:18

সেদিন্যে তুমি তমার চেই নেযেয়্যে রাজাবোত্তে কাঁনিবে, মাত্তর্‌ সেক্কে লগেপ্রভু তমার ডাগানালোই শমত্ ন-দিবো।”