গম্ উপদেজ্ 1:24 - Chakma Bible

²⁴ মুই যেক্কেনে ডাগিলুং সেক্কেনে তুমি মরে এলাফেলা গুরিলে, আত্ বাবেলেয়ো কনজনে সেক্কে মরে শমক্ ন-দিলে।

গম্ উপদেজ্ 1:24 ပူးပေါင်းရင်းမြစ်များ

২ বংশধর 33:10

লগেপ্রভু মনঃশি আর তার মানুচ্চুনো লগে কধা কদঅ মাত্তর্‌ তারা সিয়েনি কান্‌ ন-পাদিদাক্‌।

২ বংশধর 36:16

মাত্তর্‌ গোজেনর পাদেয়্যে মানুচ্চুনোরে তারা ঘিনেদাক্‌, তা কধানি তুচ্ছো গুরিদাক্‌ আর তার্‌ ভাববাদীগুনোরে ঠাট্টা-তামাজা গুরিদো। যেরেন্দি লগেপ্রভুর রাগ্‌কান তার্‌ মানুচ্চুনোর্‌ বিরুদ্ধে জাগি উদিলো; তারার্‌ রোক্ষ্যে পেবার্‌ আর কনঅ পথ ন-এলঅ।

ইয়োব 33:14

আসলে গোজেনে নানান্ বাবোত্যে গুরিনে কধা কয় যুনিয়ো মান্‌জ্যে সিয়েনি বুঝি ন-পারন।

গীতসংহিতা 31:20

তুই তারারে তর্ চোগো আন্দলত্ রাগেইনে মান্‌জ্যর্ কুজুরোমিত্তুন্ লুগেই রাগা; কোল্-কোজ্যেত্তুন্ তর্ আশ্রয়লোই তারারে সোরেই রাগা।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 50:2

মুই এজানার্ পরেদি কনজনে সিয়েনত্ ন-এলঅ কিত্তে? মুই ডাগানার্ পরেদি জোব্ দিবাত্তে কনজন ন-এলঅ কিত্তে? তমারে উদ্ধোর্ গুরিবাত্তে মঅ আঢ্‌‌‌তান কি বেশ্ বাদি? তমারে উদ্ধোর্ গুরিবাত্তে মর্ কি খেমতার্ অভাব ওইয়্যে? বানা ধমক্ দিইনে মুই সাগরান শুগেই ফেলাং আর গাঙানি ধূল্যেচর গুরি দুয়োং; সিদুগোর মাছ্‌‌‌‌চুন পানি অভাবে পুযি যান আর পানি তিরেজে মুরি যান।

যিশাইয় 65:12

মুই তমা ভাগ্যগান ঠিগ্ গুরিম তলোয়ারলোই, আর তুমি বেক্কুনে কাবা হেবাত্তে মাঢা নিগিরিবে। ইয়েনর্ কারনান্ অলঅ, মুই তমারে ডাক্যং মাত্তর্ তুমি জোব্ ন-দুয়ো, মুই কধা কোইয়োং মাত্তর্ তুমি ন-শুনো। মঅ চোগেদি তুমি ভান্ন্যেই কাম্ গোজ্য আর যেনে মুই হুজি অং সেনত্তে বেঈ নেযেয়োং।”

যিশাইয় 65:2

একবুস্যে মানুচ্চুনো ইন্দি মুই সারা দিন মঅ আঢ্‌তান বাবেই রাগেয়োং। তারা নিজো নিজো কল্পনার পিজেদি যেইনে ভান্ন্যেই পধেদি চলন্।

যিশাইয় 66:4

সেনত্তে মুইয়ো তারা উগুরে সাজার্ বেবস্থাগান্ বেঈ নেযেম্ আর তারা যিয়েনি দরান্ সিয়েনি তারা উগুরে আনিম, কিত্তে মুই ডাগিলে কনজনে জোব্ ন-দুয়োন, মুই কধা কলে কনজনে ন-শুনোন্। মঅ চোগেদি যিয়েনি ভান্ন্যেই সিয়েনি তারা গোজ্যন্, আর মরে যিগুনে অহুজি গরন সেনত্তে তারা বেঈ লোইয়োন।”

যিরমিয় 35:17

“সেনত্তে মুই ইস্রায়েলর গোজেন বেগত্তুন্ খেমতাবলা লগেপ্রভু কঙর্, ‘শুন, মুই যিহূদা আর যিরূশালেমত্ বজত্তি গুরিয়্যে পত্তিজনর বিরুদ্ধে যেদক্কানি দজার্ কধা কোইয়োং সিয়েনির এক এক্কান মুই তারা উগুরে ঘোদেম্। মুই তারারে কোইয়োং, মাত্তর্ তারা ন-শুনোন্; মুই তারারে ডাক্যং, মাত্তর্ তারা জোব্ ন-দুয়োন।’ ”

যিরমিয় 44:16

“তুই লগেপ্রভুর নাঙে যেদক্কানি কধা আমা ইধু কোইয়োচ্ সিয়েনি আমি ন-শুনিবোং।

যিরমিয় 7:13

তুমি এ পাপ্‌পানি গোজ্য, অত্তাৎ মুই তমারে বার বার কলেয়ো তুমি ন-শুনো আর তমারে ডাগিলেয়ো জোব্ ন-দুয়ো।‌

যিরমিয় 9:6

তুই ছলনার সংমোধ্যে বজত্তি গরর্। তঅ মানুচ্চুনে ছল্ ধোজ্জ্যন্; তারা মইধু নিজোরে গোজেই ন-দুয়োন।”

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

সখরিয় 7:13

মুই ডাগিলে তারা ন-শুনোন্, সেনত্তে তারা ডাগিলে মুই বেগত্তুন্ খেমতাবলা গোজেন লগেপ্রভু ন-শুনোং।

প্রেরিত্‌ 4:30

তঅ আঢ্‌তানি বাবেই দে যেন তর্ পবিত্র চাগর্ যীশুর নাঙে তারা মানুচ্চুনোরে গম্ গুরি পারন্ আর আমক্ অইদ্যে কাম্ আহ্ চিহ্নো-কাম গুরি পারন্।”

রোমীয় 10:21

মাত্তর্ ইস্রায়েলীয়গুনো পৌইদ্যেনে তে কোইয়্যেদে, “অবাধ্য আর একবুচ্চ্যে মানুচ্চুনো ইন্দি মুই গোদা দিন্নো মঅ আঢ্‌‌‌তানি বাবেই রাগেয়োং।”

১ শমূয়েল 28:6

তে কি গুরিবো সিয়েন লগেপ্রভুর ইত্তুন্‌ জানিবাত্তে চেলঅ, মাত্তর্‌ লগেপ্রভু তারে কনমতেই জোব্ ন-দিলো-স্ববনেয়ো ন-দিলো, ঊরীম দিইনেয়ো নয় বা ভাববাদী দিইনেয়ো নয়।