গম্ উপদেজ্ 1:23 - Chakma Bible

²³ মর্ শাজন কধালোই যুনি তুমি শুনিদা, সালে মঅ আত্মাগান মুই তমা উগুরে ঢালি দিদুং, মঅ মনঅ কধানি তমারে জানেদুং।

গম্ উপদেজ্ 1:23 ပူးပေါင်းရင်းမြစ်များ

গীতসংহিতা 145:1

ও মর্ গোজেন, ও রাজা, মুই তর্ গুণগান গুরিম; মুই জিংকানিবর্ তরে নাঙ্ গিনিম।

গম্ উপদেজ্ 1:25

তুমি যেক্কে মর্ বেক উপদেজ্‌ছানি এলাফেলা গুরিলে, দুষ্ দেগেই দিলেয়ো সিয়েনি শুনিবাত্তে ন-চেলা,

গম্ উপদেজ্ 1:30

সেনত্তে মঅ উপদেজ্‌ছান তারা ন-শুনোন্, আর ঠিগ গুরিবাত্তে মুই যিয়েনি কোইয়োং সিয়েনি ঈচ্ গোজ্যন্;

গম্ উপদেজ্ 10:17

যে শাজন্ মানে তে জিংকানির পধেদি আঢে, মাত্তর্ যে বুঝোপারা গুরিবার কধা এলাফেলা গরে তে বজং পধেদি যায়।

গম্ উপদেজ্ 12:1

যে মানুচ্চো শাজন্ গমপায় তে জ্ঞান গম পায়, মাত্তর্ যে মানুচ্চো সংশোধনর কধা ঘিনেই তে য়েমান ধোক্ক্যেন্।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

গম্ উপদেজ্ 6:23

কিত্তে এ উগুমানি চেরাগ ধোক্ক্যেন, এ শিক্ষ্যেগানি পহর্ ধোক্ক্যেন্, আর অমকদ গেইল্ দিইনে শাজন্ গরানা অলঅ জিংকানির পথ্‌তান।

যিশাইয় 45:8

ও আগাজ্‌‌‌ছান, তুই ভালেদি গুরিবাত্তে ঝড় ফেলাচ্; মেঘ্‌কানে ভালেদি ঢালি দোক্। পিত্‌‌‌‌‌থিমীর বুগ্‌‌‌‌‌কান খুলি যেইনে উদ্ধোরান ভাজি উদোক্ আর সিয়েন সমারে বাড়ি উদোক্ গম্ জিনিস্‌‌‌‌‌চান। মুই লগেপ্রভু ইয়েনর্ বেবস্থা গোজ্যং।

যিরমিয় 3:14

মুই লগেপ্রভু আরঅ কঙর্, ও ভান্ন্যেই পধেদি যেইয়্যে মানুচ্চুন, ফিরি এজঅ, কিত্তেই মুই তমার নেক্। মুই তমা ভিদিরেত্তুন্ পত্তি শঅরত্তুন্ একজন আর পত্তি বংশত্তুন্ দ্বিজনরে বেঈ নেযেইনে সিয়োনত্ আনিম্।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

হোশেয় 14:1

ও ইস্রায়েল মানুচ্চুন, তমা গোজেন লগেপ্রভু ইধু তুমি ফিরি এজঅ। তমার পাপত্তে তুমি ফেলা যেইয়্যে ওইয়ো।

যোয়েল 2:27

সেক্কে তুমি হবর্ পেবা, মুই ইস্রায়েলীয়গুনো ভিদিরে আগং আর মুয়ই তমার্ গোজেন লগেপ্রভু, অন্য কনজন নয়; মঅ মানুচ্চুনে আর কনদিন্‌অ ন-লাজেবাক্।

যোয়েল 2:28

সে পরেদি মুই বেক্ মানুচ্চুনো উগুরে মঅ আত্মাগান ঢালি দিম। সেক্কে তঅ পুয়োগুনে আর ঝিগুনে ভাববাদী ইজেবে গোজেন কধা কবাক্, তমা বুড়ো মানুচ্চুনে স্ববন দেগিবাক্ আর তমা গাবুজ্যেগুনে দর্শন পেবাক্।

যোয়েল 3:1

শুনো, সেদিন্যে আর সেই অক্তত্ যেক্কে মুই যিহূদা আর যিরূশালেমর অবস্থাগান ফিরেম,

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

লূকে লেখ্যে গম্ হবর্ 11:13

সালে তুমি বজং অলেয়ো যুনি তমা ঝি-পুয়োগুনোরে গম্ গম্ জিনিস দিবাত্তে জান, মাত্তর্ যিগুনে স্বর্গর্ বাবঅ ইধু চান্, তে যে তারারে পবিত্র আত্মাগান্ দিবো ইয়েন কত্তমান্ ঘেচ্চেক্‌গুরি নয়!”

যোহন 7:39

যীশু উগুরে বিশ্বেজ্ গুরিনে যিগুনে পবিত্র আত্মাগানরে পেবাক্ সেই পবিত্র আত্মাগান পৌইদ্যেনে যীশু এ কধাগান কলঅ। পবিত্র আত্মাগানরে সেক্কেয়ো দিয়্যে ন-অয় কিয়া সেক্কেয়ো যীশু তা মহিমাগান্ ফিরি ন-পায়।

প্রেরিত্‌ 26:20

যিগুনে দামেস্কত্ আঘন্ পত্তমে তারা ইধু, সে পরেদি যিগুনে যিরূশালেমত্ আর গোদা যিহূদিয়া রেজ্যত্ আঘন্ তারা ইধু আহ্ অযিহূদীগুনো ইধুয়ো মুই প্রচার গোজ্জ্যং, পাপত্তুন্ মনানি ফিরেইনে গোজেন ইন্দি তারার্ ফিরেনা উচিত্, আর এমন্‌ কাম্ গরানা উচিত্ যিয়েন্দোই প্রমাণ পায় যে, তারা মনানি ফিরেয়োন্।

প্রেরিত্‌ 3:19

ইয়েনত্যে তুমি পাপত্তুন্ মনানি ফিরেইনে গোজেন ইন্দি ফিরো যেন তমা পাপ্পানি পুযি ফেলা অয়;