ফিলীমন 1:7 - Chakma Bible

⁷ ভেই, তর্ কোচ্‌পানাগান দেগিনে মুই অমকদ হুজী ওইয়োং আর উচ্চোমি পেইয়োং, কিয়া তুই গোজেন মানুচ্চুনো মনত্ নূয়ো উচ্চোমি জাগেই তুল্ল্যচ্।

ফিলীমন 1:7 ပူးပေါင်းရင်းမြစ်များ

১ করিন্হীয় 16:18

তারা মর্ আর তমা মনত্ উচ্চোমি আন্ন্যন্। তুমি এবাবোত্যে মানুচ্চুনোরে সর্মান গোজ্জ্য।

২ করিন্হীয় 7:13

ইয়েনর্ মাধ্যমে আমি সান্তনা পেইয়্যেই। সেই সান্তনার্ লগে তীতর হুজি দেগিনে আমিয়ো হুজি ওইয়্যেই, কিয়া তমার্ বেক্কুনোত্তুন্ তে মনেদি খুব শান্তি পেইয়্যে।

২ করিন্হীয় 7:4

তমা উগুরে মর্ অমকদ বিশ্বেজ্ আঘে আর তমাত্যে মুই খুব দেমাগ্ গরঙর্। আমা বেক্ দুঘ্‌কানিত্ মর্ হুজি লাগের্ আর মুই খুব সান্ত্বনা পেইয়োং ।

১ থিষলনীকীয় 1:3

বিশ্বেজর্ কারনে তুমি যে কামানি গরর্, কোচ্‌পানার কারনে যে কামানি গরর্ আর আমার প্রভু যীশু খ্রীষ্ট উগুরে আজা রাগানার্ কারনে যে ধৈয্য ধরর্, সেই কধানি আমি নিত্য আমার বাবা আর গোজেন মুজুঙোত্ তবনা গুরিনে ইদোত্ তুলিই।

১ থিষলনীকীয় 2:13

আমি নিত্য গোজেনরে ভালেদি জানের্, কিয়া গোজেনর্ কধানি আমাত্তুন্ শুনিনে যেক্কে তুমি বিশ্বেজ্ গোজ্জ্য সেক্কে তুমি সিয়েন মান্‌জ্যর বিলিনে নয়, মাত্তর্ গোজেনর্ কধা বিলিনেই মানি লোইয়ো। আর ঘেচ্চ্যেকগুরি সিয়েন গোজেনর্ কধা। তুমি যিগুনে বিশ্বেজ্ গোজ্জ্য, তমা মনত্ সেই কধানিয়ে কাম গোজ্জ্যে।

১ থিষলনীকীয় 2:19

আমা প্রভু যীশু যেক্কে এবঅ সেক্কে তা মুজুঙোত্ তুমি কি আমার আজা, হুজী আর বাঈনী গুরিবার্ জিদেনার্ মালাছড়া ন-অবা?

১ থিষলনীকীয় 3:9

তমাত্যে গোজেন মুজুঙোত্ আমার যে হুজী, সিয়েনর্ বদলে কেধোক্ক্যেন গুরিনে যে তারে তমাত্যে ভালেদি জানেম সিয়েন আমি কোই ন-পারিই।

২ তীমথিয় 1:16

অনীষিফর ঘোর্‌‌‌‌‌বোগুনো উগুরে প্রভু দোয়্যে গোরোক্; তে ভালোক্ বার্ মরে তচ্‌তাজা গুরি তুল্যে, আর মুই জেল্ খাট্যে ওইয়োং বিলিনে তে ন-লাজায়।

ফিলীমন 1:20

ভেই, আমি প্রভুর্ ওইয়্যেই বিলি মুই চাংগে, তুই মর্ এক্কান উপকার গর্। বিশ্বেজি ভেই ইজেবে তুই মঅ মনত্ নূয়ো উচ্চোমি জাগেই তুল্।

২ যোহন 1:4

বাবা আমারে যে উগুমানি দিয়্যে সেই ধগে তর্ কয়েক্কো পুয়ো-ছা গোজেনর্ সত্যর্ পধেদি চলদন্ দেগিনে মুই ভারী হুজি ওইয়োং।