ফিলীমন 1:24 - Chakma Bible

²⁴ ইয়েন বাদে মার্ক, আরিষ্টার্খ, দীমা আর লূক-মর্ এ সমাজ্জ্যে গুনেয়ো তরে ভালেদি জানাদন্।

ফিলীমন 1:24 ပူးပေါင်းရင်းမြစ်များ

প্রেরিত্‌ 12:12

এ কধাগান বুঝি পারিনে তে যোহনর মা মরিয়ম ঘরত্ গেলঅ। এই যোহনরে মার্ক বিলিনেয়ো ডাগা অদঅ। সেই ঘরত্ ভালোকজনে এক সমারে এগত্তর্ ওইনে তবনা গত্তন্।

প্রেরিত্‌ 12:25

ইন্দি বার্ণবা আর শৌলর কামান্ থুম্ অনায় তারা যোহনরে সমারে লোইনে যিরূশালেমত্ ফিরি গেলাক্। এ যোহনরে মার্ক নাঙেয়ো ডাগা অদঅ।

প্রেরিত্‌ 13:13

ইয়েনর্ পরেদি পৌল আর তা সমাজ্যেগুনে পাফো ফেলেইনে জাহাজত্ গুরি পাম্‌ফুলিয়া রেজ্যর্ পর্গা শঅরত্ গেলাক্। যোহনে সেক্কে তারারে ফেলেইনে যিরূশালেমত্ ফিরি গেলঅ।

প্রেরিত্‌ 19:29

আর দেগদে ন-দেগদে গোদা শঅরান্ যাগুলুগে ভুরি গেলঅ। গাইয় আর আরিষ্টার্খ নাঙে ম্যাসিডোনিয়ার যে দ্বিজন মানুচ্‌ সেক্কে পৌল সমারে যাদন্ মানুচ্চুনে তারারে ধুরিলাক্ আর বেক্কুনে একসমারে তেম্মাঙত্ গেলাক্।

প্রেরিত্‌ 27:2

আমি আদ্রামুত্তীয় বন্দরর্ এক্কান্ জাহাজত্ উদিনে লদ্ দিলোং। এশিয়ার্ নানান্ বন্দরত্ যেবাত্যে জাহাজ্‌চান্ যুক্কোল্ ওই এলঅ। ম্যাসিডোনিয়া রেজ্যর্ থিষলনীকী শঅরর্ আরিষ্টর্খ আমা সমারে এলঅ।

২ করিন্হীয় 8:23

তীত পৌইদ্যেনে মর্ যিয়েন কবার্ আঘে সিয়েন এই-তে মর্ সমাজ্জ্যে আর মঅ লগে তে তমাত্যে কাম্ গরের্। আর অন্য ভেইয়ুনো পৌইদ্যেনে মর্ যিয়েন কবার্ আঘে সিয়েন এই-মন্ডলীগুনে তারারে বেঈ লোইনে পাধাদন্। এ ভেইয়ুনোর্ মাধ্যমে খ্রীষ্টরে বাঈনী গরা অয়।

ফিলিপীয় 2:25

মুই ইপাফ্রদীতরে তমা ইধু পাধানা দরকার্ মনে গুরিলুং। তে মর্ বিশ্বেজি ভেই। আমি এক সমারে কাম গুরিই আর খ্রীষ্টত্যে যুদ্ধো গুরিই। সেবাগুরিয়্যে ইজেবে মর্ দর্‌কার কাদেবাত্যে তারে তুমি মঅ ইধু পাধেইয়ো।

ফিলিপীয় 4:3

আর মর্ আজল্ সমাজ্জ্যে, মুই তরেয়ো কোজোলি গরঙর্-তুই এই মিলেগুনোরে সাহায্য গর্। তারা খ্রীষ্টর্ পৌইদ্যেনে গম হবরত্যে মঅ লগে আর ক্লীমেন্ত আর মর্ অন্য সমাজ্জ্যেগুনো সমারে দুঘ্ গোজ্জ্যন্। ইগুনোর্ নাঙানি জিংকানি-বোইবোত্ লেগা আঘে।

কলসীয় 4:10

মঅ সমারে বন্দী ভেই আরিষ্টার্খ আর বার্ণবার কুদুম্মো মার্কয়ো তমারে পাত্তুরু তুরু জানার্। মার্কর পৌইদ্যেনে তুমি দঅ আগেদি উগুম পেয়ো, তে যুনি তমা ইধু এজে সালে তারে আদর্ গুরিনে মানি লোইয়ো।

কলসীয় 4:14

কোচ্‌পেইয়্যে ডাক্তর্ লূক আর দীমা তমারে পাত্তুরু তুরু জানাদন্।

১ পিতর 5:13

গোজেনে তমা সমারে যিগুনোরে বেঈ লোইয়্যে বাবিলর সেই মন্ডলীর্ মানুচ্চুনে তমারে পাত্তুরু তুরু জানাদন্, আর মর্ পুয়োবো মার্কেয়ো তমারে পাত্তুরু তুরু জানার্।

৩ যোহন 1:8

সেনত্যে এবাবোত্যে মানুচ্চুনোরে এজাল্ দেনা আমার উচিত, যেন গোজেনর্ সত্যগানত্যে আমিয়ো তারার্ কামঅ সমাজ্জ্যে ওই।