ফিলীমন 1:22 - Chakma Bible

²² আর এক্কান কধা কঙর্-গর্‌বাগুনো ঘরান মত্যে যুক্কোল্ থঅ, কিয়া মুই আজা গরঙ্ যে, তমা তবনা গরানার ফলে মরে তমা ইধু ফিরেই দিয়্যে অবঅ।

ফিলীমন 1:22 ပူးပေါင်းရင်းမြစ်များ

প্রেরিত্‌ 27:24

‘পৌল, ন-দোরেচ্। তত্তুন্ সম্রাট কৈসর মুজুঙোত্ থিয়্যে পরিবো। এ জাহাজ্‌‌চানত্ যিগুনে তঅ সমারে যাদন্ তারার্ বেক্কুনো জিংকানি গোজেনে দোয়্যে গুরিনে দান গোজ্জ্যে।’

প্রেরিত্‌ 28:23

তারা পৌল সমারে এগত্তর্ অবাত্যে এক্কো দিন ঠিগ্ গুরিলাক্। পৌলে যিধু থেদঅ সিধু তারা বাদে আরঅ ভালোক্জনে এলাক্। সেক্কে পৌলে বেন্ন্যেত্তুন্ ধুরি সাজোন্যে অয় সং গোজেন রেজ্যর্ পৌইদ্যেনে তারারে জানেল আর বুঝেল। মোশির আইন-কানুন্ আর ভাববাদীগুনোর্ বোইয়ো ভিদিরেত্তুন্ যীশু পৌইদ্যেনে দেগেইনে তা পৌইদ্যেনে তারারে বিশ্বেজ্ গোরেবাত্তে চেষ্টা গুরিলো।

রোমীয় 15:24

সেনত্তে ইক্কিনে স্পেইন দেজত্ যেবার্ পধত্ মুই তমা ইধু যেবাত্তে চাঙর্। মুই আজা গরং, সেই পধেদি যেবার্ অক্তত্ তমা ইধু যেই পারিম্ আর তমা সমারে খানক্‌কন্ হুজীয়ে কাদানার্ পরেদি তুমি মরে স্পেইন দেজত্ যেবার্ বেবস্থা গুরি দিবা।

২ করিন্হীয় 1:11

আর তুমিয়ো আমাত্যে তবনা গুরিনে আমারে সাহায্য গোজ্জ্য। সালে ভালোক্ জনর্ তবনা গরানার্ ফলে আমি যে আশিদ্‌বাদ পেবং সিয়েনর্ কারনে আমাত্যে ভালোক্‌জনে গোজেনরে ভালেদি জানেবাক্।

ফিলিপীয় 1:19

কিয়া মুই কোই পারং, মঅ উগুরে যিয়েন ঘোট্যে সিয়েনর্ শেষ্ ফল অবঅ মর্ উদ্ধোর্; আর সিয়েন তমার তবনালোই আর যীশু খ্রীষ্টর্ আত্মার সাহায্যলোই অবঅ।

ফিলিপীয় 2:24

মাত্তর্ মুই প্রভু উগুরে এ বিশ্বেজ্‌চান রাগাং যে, যাদিমাদি মুইয়ো এই পারিম্।

ইব্রীয় 13:19

মাত্তর্ মুই তমারে বিশেষ গুরি তবনা গুরিবাত্যে কোজোলি গরঙর্, যেন মুই আরঅ যাদিমাদি তমা সমারে এগত্তর্ ওই পারং।

ইব্রীয় 13:23

মুই তমারে জানেবাত্যে চাং, আমার্ ভেই তীমথিয় ছড়ান্ পেয়্যে। তে যুনি যাদিমাদি এজে সালে তারে সমারে লোইনে তমারে চেবাত্যে য়েম্।

যাকোব 5:16

ইয়েনত্যে তুমি একজন আরেকজন ইধু পাপ স্বীগের্ গরঅ আর একজন আরেক জনত্যে তবনা গরঅ, যেন তুমি গম ওই পারঅ। গোজেনর্ আওজ্ মজিম যে চলে তার তবনাগানির্ জোর্ আঘে বিলিনে সিয়েনে ফল দে।

২ যোহন 1:12

যুনিয়ো তমা ইধু মর্ ভালোক্কানি কধা লিগিবার্ এলঅ তো কাগোজ্ আর কালিলোই সিয়েনি লিগিবাত্যে ন-চাং। তাত্তুন্ মুই তমা ইধু যেইনে মুজুঙোমুজুঙি ওইনে কধা কবার্ আজা গরং, যেন আমার হুজিগান ভুরি যায়।

৩ যোহন 1:14

আজা গরং যাদিমাদি তরে দেগিম্, আর সেক্কে মুজুঙোমুজুঙি ওইনে আমি কধা কোই পারিবোং।