ফিলীমন 1:19 - Chakma Bible

¹⁹ মুই পৌল নিজো আঢে লেগঙর্, মুই সেই কজ্জগুন শুজি দিম্। খালিক্ এ কধাগান মর্ কবার দরকার নেই, খ্রীষ্ট উগুরে বিশ্বেজ্ পৌইদ্যেনে তুই নিজেই মইধু কজ্জ তলাত্ আঘচ্।

ফিলীমন 1:19 ပူးပေါင်းရင်းမြစ်များ

পত্থম 43:9

মুই নিজে তাত্তে জাবিন্দার অলুং। তাত্তে তু‌ই মরে দায়ী গুরিচ্‌। মুই যুনি তারে তঅ মুজুঙোত্‌ ফিরেই আনি ন-পারং সালে জিংকানিবর্‌ মুই তঅ মুজুঙোত্‌ দুষি ওই থেম্‌।

রোমীয় 16:22

মুই, তর্তিয়, পৌলর্ এ চিধিয়ান লেগঙর্। খ্রীষ্টর্ মানুচ্ ইজেবে মুইয়ো তমারে ভালেদি জানাঙর্।

১ করিন্হীয় 4:15

খ্রীষ্ট পৌইদ্যেনে শিক্ষ্যে দিবার্ মানুচ্‌ অয়ত তমার্ আজার আজার থেই পারন, মাত্তর্ বাপ্ তমার ভালোক্কুন্ নেই; মুয়ই গম হবরর্ মাধ্যমে খ্রীষ্টীয় জিংকানিত্ তমার বাপ্ ওইয়োং।

২ করিন্হীয় 10:1

খ্রীষ্টর্ চিদে আর দোয়্যেলু মনর্ কধা ইদোত্ রাগেইনে মুই পৌল নিজেই তমারে কোজোলি গরঙর্। মান্‌জ্যে কন্, মুই যেক্কে তমা কুরে থাং সেক্কে নাকি দোরে দোরে কাদাং, মাত্তর্ যেক্কে ন-থাং সেক্কে সাহসী অং।

২ করিন্হীয় 3:2

আমা রিবেঙ ভিদিরে লেগা তুমি দঅ আমার চিধি। সেই চিধির্ কধা বেক্কুনে কোই পারন্ আর বেক্কুনে সিয়েন পোজ্জ্যন্।

২ করিন্হীয় 9:4

সিয়েন ন-অলে ম্যাসিডোনিয়ার মানুচ্চুনে যুনি মঅ সমারে যেইনে দেগন্-দে, তুমি যুক্কোল্ নয় সালে তমা উগুরে আমার্ এদক্ বিশ্বেজত্যে আমি লাজেবং।

গালাতীয় 5:2

মুই পৌল তমারে কঙর্, শুনো-যুনি তমার চুনু মাঢা কাবানা অয় সালে তমা ইধু খ্রীষ্টর্ কনঅ দাম নেই।

গালাতীয় 6:11

চঅ, কত্তমান্ দাঙর্ দাঙর্ অক্ষর্‌লোই মুই নিজো আঢে তমা ইধু লেগঙর্।

১ তীমথিয় 1:2

বিশ্বেজি ইজেবে মর্ আজল্ পুয়ো তীমথিয় ইধু মুই এ চিধিগান লেগঙর্। আমা বাবা গোজেন আর আমা প্রভু খ্রীষ্ট যীশু তরে দোয়্যে, মেয়্যে আর শান্তি-দান গোরোক্।

তীত 1:4

খ্রীষ্ট উগুরে বিশ্বেজ্ গুরিনে যে মঅ সমারে এক ওই যেয়্যে, মর্ সেই আজল্ পুয়োবো তীত ইধু মুই এ চিধিগান লেগঙর্। বাবা গোজেন আর আমার্ উদ্ধোর্ গুরিয়্যে খ্রীষ্ট যীশু তরে দোয়্যে গোরোক্ আর শান্তি দান গোরোক্।

ফিলীমন 1:18

যুনি তে তর্ কনঅ ক্ষতি গুরি থায় বা তইধু কনঅ পৌইদ্যেনে কজ্জতলাত্ থায় সালে সিয়েন মর্ কজ্জ বিলিনে ধুরিচ্।