ওবদিয় 1:7 - Chakma Bible

⁷ তর্ বেক সমাজ্যেগুনো-রেজ্যগানিত্ তর্ ধেই যেইয়্যে মানুচ্চুনোরে তারা দুযিত্ সোমেবাত্তে ন-দিবে। তঅ সমাজ্যেগুনে তরে ঠোগেবাক্ আর তরে ভিরেবাক্, যিগুনে তঅ হানা খান্ তারা তত্যেই ফাল্ ফাদিবাক্ মাত্তর্ তুই কিচ্চু বুঝি ন-পারিবে।”

ওবদিয় 1:7 ပူးပေါင်းရင်းမြစ်များ

গীতসংহিতা 41:10

মাত্তর্ তুই, ও লগেপ্রভু, মঅ উগুরে দোয়্যে গর্; মরে তুল্, যেনে মুই তারার উগুরে হেনা শুজি পারং।

গীতসংহিতা 41:9

এন্ কি, যে মর্ পরাণর দাংগু, যিবে উগুরে মর্ এদক্ বিশ্বেজ্, যে মর্ সমারে হানা-দানা গরে, তেয়ো মঅ বিরুদ্ধে টেঙ্ তুল্যে।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 20:10

মঅ চেরোকিত্তেদি অমকদ দর্, কিত্তে মুই এ কধানি বোউত্ মানজ্যে চুবে চুবে গুরি কধে শুনোং, “তা নাঙে আবিত্তি গরঅ; আমি তা নাঙে আবিত্তি গুরিই।”‌‌‍‍ মর্ বেক সমাজ্যেগুনে ইয়েন কোইনে মুই বিজিদি যেবাত্তে বাজ্জেই আগন, “অয়ত আমি তারে ঠোগেই পারিবোং, আর সেক্কে আমি তা উগুরে জিদিবোং আর হেনা সুজিবোং।”

যিরমিয় 30:14

তর্ বেক লাঙুনে তরে ভুলি যেয়োন; তারা তঅ পৌইদ্যেনে চিদে ন-গরন। মুই তরে শত্রুর আঘাত ধোক্ক্যেন আঘাত গোজ্যং আর চিৎ-কোল্জ্যে নেইয়্যে মান্‌জ্য ধোক্ক্যেন সাজা দুয়োং, কিত্তে তর্ অন্যেয়ান অমকদ বেশ্ আর তঅ পাপ্‌‌‌পান বোউত্।

যিরমিয় 38:22

যিহূদার রাজার রাজঘরর্ বাদবাগি মিলেগুনোরে বাবিল রাজার সেনাপতিবো ইধু নেযা অবঅ। সে মিলেগুনে তরে কবাক্, ‘তর্ লগে সমাজ্যেগুনে তরে ভান্ন্যেই পধেদি নেযেয়োন, তরে ওদেই দুয়োন্। ফুট্‌তোই তঅ টেঙানি গারা যেইয়্যে; তঅ সমাজ্যেগুনে তরে ফেলেই যেইয়োন।’

যিরমিয় 4:30

ও ভস্ত ওইয়্যে সেই শঅরান, তুই কি গুরিবে? কিত্তে রাঙা রংয়র কাবড় আর সোনার গহনা পিন্যচ্? কিত্তে চোগোত্ কাজল্ গুল্যচ্? তুই অনত্তক্ নিজোরে সাজেয়োজ্। তর্ লাঙুনে তরে ঘিনেবাক্, তারা তঅ পরাণান নিবার চেট্ট্যা গুরিবাক্।

যিরমিয় 49:7

ইদোমর পৌইদ্যেনে বেগত্তুন্ খেমতাবলা লগেপ্রভু কোইয়্যেদে, “তৈমনত্ কি জ্ঞান নেই? বুদ্ধিবলাগুনোত্তুন্ কি উপদেশ থুম্ ওই যেইয়্যে? তারার জ্ঞান কি ক্ষয় ওই যেইয়্যে?

আবিলেচ্ 1:19

মঅ লাঙেগুনোরে মুই ডাগিলুং মাত্তর্ তারা মল্লোই বেঈমানী গুরিলাক্। মর্ ধর্মগুরুগুন আর বুড়ো নেতাগুন নিজোরে বাঁজেই রাগেবাত্তে হানা তগাদে তগাদে শঅর ভিদিরে শেজ্ ওই গেলাক্।

হোশেয় 13:13

মিলেগুনোর্ পুয়ো-পুদোইদ্যে শূলোনী ধোক্ক্যেন্ তারে ধোজ্যে, মাত্তর্ তে দঅ বুদ্ধিনেইয়্যে গুরো; সময় এলে তে পেদ মুয়োত্ ন-এজে।

হোশেয় 7:11

ইফ্রয়িমে যেন এক্কো অঘা কোদোর্; তে এক্কুবারে বুদ্ধি নেইয়্যে। একবার তে মিসররে ডাগে আর একবার যায় আসিরিয়া ইধু।

যোহন 13:18

“মুই তমা বেক্কুনো কধা ন-কঙর্। মুই যিগুনোরে বেঈ লোইয়োং তারারে দঅ মুই হবর্ পাং। মাত্তর্ পবিত্র বোইবোর্ এ কধাগান্ পূরোণ উয়ো পরিবো, ‘যে মঅ সমারে হানা-দানা গরে, তেয়ো মঅ বিরুদ্ধে টেং তুল্ল্যে।’