ওবদিয় 1:5 - Chakma Bible

⁵ “ইস্‌, কি দযাগান্ তত্তেই বাজ্জেই আঘে! যুনি চুরুনে তইদু এজন্, ডাগেত্তুনে এজন্ রেদোত্, মাত্তর্ তারার্ যেত্তমান আওজ্ বানা সেত্তমান তারা চুর্ গুরিবাক্। আংগুর তুলিবার মানুচ্চুনে যুনি তইদু এজন্ সালে তারা তত্তেই কিজু আংগুর থোই যেবাক্।

ওবদিয় 1:5 ပူးပေါင်းရင်းမြစ်များ

২ শমূয়েল 1:19

“ও ইস্রায়েল, যিগুনে তর্‌ বাঈনী গরন্ তারা তর্‌ সেই অজল জাগানত্‌ মুরিনেই পড়ি রোইয়োন। হায়! কেধোক্ক্যেনগুরি বীর মানুচ্চুনে ভস্ত ওই গেলাক্!

যিশাইয় 14:12

ও শুকতারা, বেন্যেমাদানর্ পুয়োবো, তুই দঅ স্বর্গত্তুন্ পোজ্যস্। তুই একদিন জাদ্‌তুনোরে ওদেই দুয়োচ্ আর তরে ইক্কিনে পিত্‌‌‌থিমীত ফেলেই দিয়্যে ওইয়্যে।

যিশাইয় 17:6

তো কিজু শোজ্য পোজ্যে থেবঅ। যেবাবোত্যেগুরি জলপাই গাজ্‌চুন ঝাড়ানার্ পরেদি উগুরে ডেলাগুনোত্ দ্বিবে তিন্নো জলপাই থান্ আর যে ডেলাবোত্ বেশ্ গুরি গুলোগুলি ধরন সিয়োত্ চের্‌‍‍বো পাচ্চো গুলো থেই যান্, তারার্ অবস্থায়ো সেধোক্ক্যেন অবঅ।” ইস্রায়েলর গোজেন লগেপ্রভু এ কধাগান কোইয়্যে।

যিশাইয় 24:13

জলপাই গাজ্‌চুন ঝাড়া অলে পরেদি আর আংগুর তুলোনার পরেদি যেধোক্ক্যেন গাজত্ কম ফল থান্, পিত্‌থিমীর জাদ্‌তুনোর অবস্থা সেধোক্ক্যেন অবঅ।

যিরমিয় 49:9

যিগুনে আংগুর তুলোন্ তারা যুনি তইধু এজন্ সালে কি তারা কিজু আংগুর ন-থবাক্? চুরুনে যুনি রেদোত্ এজন সালে তারার যেত্তমান্ দরকার সেত্তমান্ বানা চুরি গুরিবাক্।

যিরমিয় 50:23

পুরো পিত্‌থিমীর আদুড়োবু কিবাবোত্যেগুরি ভাঙিনে কট্টা কট্টা ওই গেলঅ। বাবিল অবস্থাগান্ দেগিনে বেক্ জাদ মানুচ্চুনে কেধোক্ক্যেন আমক্ ওই যেইয়োন।

যিরমিয় 6:9

বেগত্তুন্ খেমতাবলা লগেপ্রভু কোইয়্যেদে, “আংগুর খেদত্তুন্ যেবাবোত্যেগুরি গমেডালে আংগুর ঝাড়ি ফেলা অয় সেবাবোত্যেগুরি শত্রুগুনে দেজত্তুন ইস্রায়েলীয়গুনোরে ঝাড়ি ফেলেবাক্। যে মানুচ্চো আংগুর তুলে তে যেবাবোত্যেগুরি আরঅ ডেলাত্ আঢ্ দে তারায়ো বাগি মানুচ্চুনো উগুরে সেবাবোত্যে গুরিবো।”

আবিলেচ্ 1:1

হায়! যে শঅরানত্ একদিন মানুজে সয়সাগোজ্যে এলাক্ সিয়েন কিবাবোত্যে গায় গায় পড়ি আঘে। যে শঅরানত্ একদিন জাদ ভিদিরেত্তুন্ নেতা এলঅ, সিয়েন ইক্কিনে রানি মিলে ধোক্ক্যেন ওইয়্যে। যিয়েন এলদে রেজ্যগানির রাণী সিয়েন ইক্কিনে ওইয়্যেদে চাগরানি।

ওবদিয় 1:9

ও তৈমন, তঅ যোদ্ধাগুনে অমকদ দোরেবাক্ আর এষৌর মুড়োগুনোর্ বেক্কুনোরে মারে ফেলা অবঅ।

মীখা 7:1

কি দযা মর্! মুই ওইয়োংগে তা ধোক্ক্যেন যে বেক্ ফলুন পাড়ি নেযেবার পরেদি আংগুর তুলোদে আর অন্য ফল পাড়িবাত্তে যায়, মাত্তর্ সিদু হেবাত্তে কনঅ আংগুরোর্ থুপ্ নেই, কনঅ পত্তমে পাক্যে ডোমোর্‌অ নেই যিগুন্ মঅ পরাণানে চায়।

সফনিয় 2:15

ইয়েনই সেই নিচিদে থেইয়্যে শঅর্ যিয়েন গমেডালে আঘে। তে মনে মনে কইদ্যে, “মুয়ই আগং, মুই বাদে আর কনজন নেই।” তে কিবাবোত্যেগুরি ভস্ত ওই গেলঅ, ঝার্‌বো য়েমানুনোর আশ্রয়র জাগা অলঅ! যিগুনে তা কায়কুরেদি যেবাক্ তারা ঠাট্টা-মশ্‌‌‌‌কারি গুরিবাক আর তারার্ বুজ্যে আঙুল্ দেগেবাক্।‌‌

দ্বি’লম্বর বিররণ 24:21

তমার আংগুর্‌ ক্ষেদর আংগুর্‌ তুলিবার অক্তত্‌ তুমি একই ডেলাত্তুন দ্বিবার্‌ আংগুর ন-তুল্য। যিগুন থেই যেবাক সিগুন বিদেশী বাসিন্দা, অসহায় আর রানিমিলেগুনোত্তে রাগেই দুয়ো।

ফগদাং পেইয়্যে 18:10

তারা তার্ যন্ত্রণা দেগিনে দরে দূরোত্ থিয়্যেই থেইনে কবাক্, “হায় বাবিল, হায়! সেই নাঙ্-গোজ্জ্যে শঅরান্, খেমতালোই ভরা সেই শঅরান্। এদক্ কম সময়ো ভিদিরে তর্ সাজা লুম্মেগি!”