ওবদিয় 1:4 - Chakma Bible

⁴ যুনিয়ো তুই ঈগল পেগো ধোক্ক্যেন অজলত্ ঘর্ বানাচ্ আর তারাগুনো ভিদিরে ঘর বানাচ্ তো মুই সিয়েনিত্তুন তরে লামেই আনিম। মুই লগেপ্রভু এ কধাগান কঙর্।

ওবদিয় 1:4 ပူးပေါင်းရင်းမြစ်များ

যিশাইয় 10:14

যেধোক্ক্যেন্ গুরি মান্‌জ্যে পেগো বাহ্‌‌‌ত্ আঢ্ দুয়োন সেধোক্ক্যেন্ গুরি মুই জাদ্‌তুনোর ধন-সোম্বোত্তিগানিত্ আঢ্ দুয়োং। মান্‌জ্যে যেধোক্ক্যেন্ গুরি পড়ি থেইয়্যে বদাগুন তুবোন্ সেধোক্ক্যেন্ গুরি পিত্‌থিমীর বেক্ দেজ্‌‌‌‌ছানিরে মুই এগত্তর্ গোজ্যং। কনজনে ডুয়ো ন-লাড়ান্ বা কনজনে কিজিক্ কাজাক্ গুরিবাত্তে মুয়োন্ ন-খুলোন‌্।’ ”

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 51:53

বাবিলান যুনি আগাজত্ সংঅ লুমেগোই আর সিয়েনত্ দরমর ঘর্ তুলে, তো মুই তা বিরুদ্ধে ভস্তগুরিয়্যেগুনোরে পাধেই দিম্।”

আমোষ 9:2

তারা মরণ জাগানর্ গভীন সং খুড়িনে সিদু গেলেয়ো মঅ আঢ্‌‌‌তানিয়ে সিত্তুন্ তারারে আনিবো। তারা আগাজ সং উদিলেয়ো সিত্তুন্ তারারে লামেই আনিম।

হবক্‌‌‌‌কূক 2:9

জাদ্‌‌‌তুনে কবাক্‌, অভিশাব্ পোড়োক্ তার্, যে অন্যেয় গুরিনে লাভবান্ ওইনে তার্ থেবার ঘরান্ তুলে যেনে তে গমেডালে থেই পারে আর দযাত্তুন্ রোক্ষ্যে পায়।