ওবদিয় 1:3 - Chakma Bible

³ তুই পাত্তরর্ মুড়ো ফাদা সেরে বজত্তি গর্ আর অজল্ অজল্ জাগাত্ থাগ্ আর মনে মনে কঅ, কন্না মরে মাদিত্ লামেই পারিবো? মাত্তর্ তঅ মনর্ অহংকারানে তরে ঠোগেয়্যে।

ওবদিয় 1:3 ပူးပေါင်းရင်းမြစ်များ

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

২ রাজাবলী 14:7

অমৎসিয় নুন-কলগত্ দশ আজার ইদোমীয়রে মারে ফেলেল আর যুদ্ধো গুরিনে সেলা গজক্ গুরিনে তা নাঙান্‌ রাগেল যক্তেল; সে নাঙান্‌ এজঅ আঘে।

২ বংশধর 25:11

অমৎসিয় মনত্‌ সাহস নিইনে নুন্‌ কিজিঙোত্‌ তার্‌ সৈন্যদল্লোরে পরিচালনা গুরিলো। সিয়েনত্‌ তে সেয়ীরোর্‌ দশ আজার মান্‌জ্যরে মারে ফেলেল।

২ বংশধর 25:12

যিহূদার সৈন্যগুনে আরঅ দশ আজার মান্‌জ্যরে জেদা ধুরিনে মুড়ো উগুরে নেযেইনে সিয়েনত্তুন্‌ তলেন্দি ফেলেই দিলাক্‌। সেক্কে তারা বেক্কুনে কট্টা কট্টা ওই গেলাক্‌।

ইয়োব 20:6

তা সর্মানান্‌ যুনিয়ো আগাজ্‌ সং লুমেগোই আর মাধাবো আগাজত্‌ বাজে,

গম্ উপদেজ্ 16:18

বাড়্‌বোগানে ভস্ত গরে আর বাড়্‌‌বো মনানিয়ে পতন্ আনে।

গম্ উপদেজ্ 18:12

মান্‌জ্যর মনর্ বাড়্‌বো গরানাগানে ভস্ত অনা ডাগি আনে, মাত্তর্ নম্রগানে সর্মান আনে।

গম্ উপদেজ্ 29:23

বাড়্‌বো গরানাগানে মান্‌‌‌‌‌‌জ্যরে তলে ফেলায়, মাত্তর্ নম্র স্বভাবর মান্‌‌জ্যে সর্মান পান্।

যিশাইয় 16:6

আমি মোয়াবর দেমাগর্ কধা শুন্ন্যেই, তে অমকদ দেমাগ্। তার বাড়্‌বো কধা, নিজোরে দাঙর্ গুরিবার কধা আর বেক দেমাগর্ কধানি শুন্ন্যেই, মাত্তর্ তার বেক বাড়্‌বো গরানাগানি মিজে।

যিরমিয় 21:13

ও যিরূশালেম, যুনিয়ো তুই কলগ উগুরে পাত্তর সংজাগাত্ আগচ্ তো মুই তঅ বিরুদ্ধে। তুই কোই থাচ্, তমা বিরুদ্ধে কনজনে এই ন-পারিবাক্, কনজনে তমা আশ্রয়ে সোমেই ন-পারিবাক্;

যিরমিয় 37:9

“ ‘তুমি এ কধাগান ভাবিনে নিজোরে ন-ঠোগেয়ো যে, বাবিলীয়গুনে ঘেচ্চেকগুরি তমারে ছাড়িনে ন-যেবাক্। না, তারা ন-যেবাক্।

যিরমিয় 48:28

ও মোয়াবর আদাম্মেগুন, তুমি শঅরান ছাড়িনে মুড়োত্ যেইনে বজত্তি গরঅ। তুমি এমন কোদোর ধোক্ক্যেন অ, যে মুড়োমুড়ি গাদ মুয়োত্ তা ঘরান বানায়।

যিরমিয় 49:16

ও পাত্তর ফাদামারাত্ বজত্তি গুরিয়্যে মুড়োমুড়ির অজল্ জাগানর গিরোজ্, তুই দর্‌‍‍‌গরেপারা বিলিনে তঅ মনর্ যে বাড়্‌বোগানে তরে ছলনা গোজ্যে। যুনিয়ো তুই ঈগল ধোক্ক্যেন অজল্ জাগাত্ তঅ ঘরান বানাচ্ তো সিয়েনত্তুন্ মুই তরে তলেদি লামেই অনিম।

যিরমিয় 49:4

কিত্তে তুই তর্ বোল্‌‌‌বোল্যে কলগ্‌‌‌কানিলোই বাড়্‌বো গরর্? ও অবিশ্বেজি মিলে, তঅ ধন-সম্পদ উগুরে নির্ভর গুরিনে তুই কত্তে, ‘কন্না মরে আক্রমণ গুরিবো?’

যিহিষ্কেল 28:16

তর্ বোউত্ বেবসার কারনে তুই অত্যেচারি ওইনে পাপ গুরিলে। সেনত্তে গোজেনর মুড়োবোত্তুন্ মুই তরে অসিজি অবস্থায় ধাবেই দিলুং। ও রোক্ষ্যেগুরিয়্যে করূব, মুই তরে আগুনো ধোক্ক্যেন চক্‌‌‌‌‌‌চক্ গোজ্যে পাত্তর ভিদিরেত্তুন্ সোরেই দিলুং।

মালাখি 1:4

ইদোমে অয়ত কবঅ, “আমারে কট্টা কট্টা গরা অলেয়ো আমি ভস্ত ওইয়্যে জাগায়ানি আরঅ তুলিবোং।” মাত্তর্ বেগত্তুন্ খেমতাবলা লগেপ্রভু কত্তে, “তারা তুলি পারন্ মাত্তর্ মুই ভাঙি ফেলেম। তারারে কুয়ো অবঅ, ‘পাজি দেশ’ আর ‘যে জাদ্‌তো নিত্য লগেপ্রভুর রাগর্ তলে রোইয়্যে ।’