গণাণা 8:19 - Chakma Bible

¹⁹ ইস্রায়েলীয়গুনো ভিদিরে এই লেবীয়গুনোরে মুই হারোণ আর তার্‌ পূঅগুনোরে দান গোজ্যং, যেনে তারা ইস্রায়েলীয়গুনোর্‌ ওইনে মিলন-তাম্বুলোত্‌ কাম্‌ গরন্‌ আর তারার্‌ পাপ্পানি ঢাগিবার্‌ বেবস্থা গরন্‌। সিয়েনত্যে ইস্রায়েলীয়গুনে পবিত্র তাম্বুলো ইদু গেলেয়ো তারা উগুরে কনঅ দজা লামি ন-এবঅ।”

গণাণা 8:19 ပူးပေါင်းရင်းမြစ်များ

যাত্রা 12:50

লগেপ্রভু মোশি আর হারোণরে যে উগুমান্‌ দিয়্যে ইস্রায়েলীয়গুনে ঠিগ সেধোক্ক্যেনই গুরিলাক্‌।

গণাণা 1:50

সাক্ষ্য-তাম্বুলর সাজ-গুজোর জিনিসচানি আর তার্‌ বেক্কানি দেগাশুনোর দায়িত্তো তুই তারা উগুরে দিবে। তারার্‌ কাম অবঅ থেবার-তাম্বুল আর তার্‌ বেক্‌ সাজ-গুজ্‌চানি বুয়োই নেযানা। ইয়েনর দেগাশুনোর্‌ ভারান তারাত্তুনো নেযা পুরিবো আর তারাত্তুনো ইয়েনর চেরোকিত্তে তাম্বুল-বানেইনে থাহ্ পুরিবো।

গণাণা 1:53

যেনে ইস্রায়েলীয়গুনো উগুরে লগেপ্রভুর সাজা লামি ন-এজে সেনত্তে সাক্ষ্য-তাম্বুলর্‌ চেরোকিত্তে লেবীয়গুনে তাম্বুল বানেইনে থাহ্‌ পুরিবো। সাক্ষ্য-তাম্বুলোর দেগাশুনোত্তে লেবীয়গুনেই দায়ী থেবাক্।”

গণাণা 16:46

সে পরেদি মোশি হারোণরে কলঅ, “তর্‌ পৌইরেগর্ কদরাবো লোইনে সিয়েনত্‌ পূজোবোত্‌ আগুন ভোরেইনে তা উগুরে পৌইরেগ্ দিচ্‌ আর যাদিগুরি সেই মানুচ্চুনো ইদু যেইনে তারার্‌ পাপ্পানি ঢাগিবার্‌ বেবস্থা গর্‌। লগেপ্রভুর রাগ্‌‌কান্ ফগদাং অলঅ, ভানাপিড়ে আরাম্ভ ওই গেলঅ।।”

গণাণা 8:18

পত্তম জোর্মেয়ে সেই বেক্‌ ইস্রায়েলীয় পূঅগুনোর্‌ জাগানত্‌ মুই ইক্কুনি লেবীয়গুনোরে গুজি লোইয়োং।

গণাণা 8:20

লগেপ্রভু লেবীয়গুনো পৌইদ্যেনে মোশিরে যেদক্কানি উগুম্‌ দিয়্যে মোশি, হারোণ আর অন্য বেক্‌ ইস্রায়েলীয়গুনে লেবীয়গুনোরে লোইনে সিয়েনোই গুরিলাক্।

১ শমূয়েল 6:19

বৈৎ-শেমশর কিজু মানুচ্ লগেপ্রভুর সুন্দুক্কো ভিদিরে খুলিনে চেইয়োন বিলি লগেপ্রভু তারারে মারে ফেলেল। তে সেক্কে সে জাগানর্‌ পঞ্চাশ আজার সত্তুর জন মান্‌জ্যরে মারে ফেলেল। তে এই জদবদে আঘাত্তান্‌ গোজ্যে বিলি মানুচ্চুনে আবিলেচ্‌ খা ধুরিলাক্।