গণাণা 6:5 - Chakma Bible

⁵ যেদকদিন সং তে নাসরীয় ইজেবে নিজোরে যুদো গুরি রাগেব বিলি শমক্‌ গোজ্যে সেদকদিন সং তার্‌ মাদাত্‌ ক্ষুর্‌ বাজেই ন-পারিবো। লগেপ্রভুর্‌ নাঙে যুদো ওই থেবার্‌ সময়োত্‌ তাত্তুন্‌ লগেপ্রভুর ওইনে থাহ্ পুরিবো। তার্‌ চুলান্‌ লাম্বা অবাত্তে সুযোগ দিয়া পুরিবো।

গণাণা 6:5 ပူးပေါင်းရင်းမြစ်များ

যিহিষ্কেল 44:20

তারা মাঢাগুনোর্ চুলানি তারা ন-মুড়েবাক্ বা চুল লাম্বা ন-রাগেবাক্ মাত্তর্ চুলানি বাদি গুরি কাবিবাক্। ‌

গণাণা 6:4

আজল্‌ কধা, তে যেদকদিন নাসরীয় থেবঅ সেদকদিন সং আংগুর ফলর কনঅ কিজু তে হেই ন-পারিবো, ইবের্‌ বিজিয়ো না বা খোজাগুনঅ না।

প্রেরিত্‌ 18:18

বেশ্ কয়েক দিন করিন্থ শঅরত্ কাদানার্ পরেদি পৌলে বিশ্বেজি ভেইয়ুনোত্তুন্ বিদেয় নিলো আর আকিলা আহ্ প্রিষ্কিল্লা সমারে পানি পধেদি সিরিয়া দেজত্ এলঅ। পৌলে এক্কান্ মানত্ গোজ্জ্যে বিলি লদ্ দিবার্ আগেদি কিংক্রিয়া বন্দরত্ তা মাধাবো মুরেল।

বিচের গুরিয়্যেগুন 13:5

তর্‌ যে পূঅবো অবঅ তুই তা মাধাবোত্‌ কনদিনঅ ক্ষুর্‌ ন-বাজেবে, কিত্যে জর্মত্তুন ধুরি পূঅবো গোজেনর্‌ নাঙে নাসরীয় অবঅ। পলেষ্টীয়গুনোর আঢত্তুন তেয়ই ইস্রায়েলীয়গুনোরে উদ্ধোর গুরিবার কামান আরাম্ভ গুরিবো।”

বিচের গুরিয়্যেগুন 16:17

সেনত্তেই তে তারে বেক্‌ কধানি ভাঙি কলঅ। তে কলদে, “মঅ মাদাবোত্‌ কনদিনঅ ক্ষুর্‌ দিয়্যে ন-অয়। জর্মত্তুন্‌ ধুরি মুই গোজেনর্‌ নাঙে এক্কো নাসরীয়। মঅ মাদাবোর্‌ চুলানি মুড়েলে মঅ বলানে মরে ছাড়ি যেবঅ। সেক্কে মুই অন্য যে কনঅ মান্‌জ্য ধোক্কেন্‌ বল্‌পোজ্যে ওইনে যেম্‌।”

বিচের গুরিয়্যেগুন 16:19

দলীলা শিম্‌শোনরে তা করত্‌ ঘুম্‌ নেযেল আর তার্‌ সাত্‌ বনা চুল কাবি ফেলেবাত্তে এক্কো মান্‌জ্যরে ডাগিলো। এধোক্কেন্‌ গুরিনে তে তারে দুগোত্‌ ফেলেল আর তা বলানেয়ো তারে ছাড়িনে গেলঅ।

১ শমূয়েল 1:11

তে লগেপ্রভুর ইদু মানত্ গুরিনে কলঅ, “ও দুনিয়ের গিরোজ্ লগেপ্রভু, তুই যুনি তর্‌ এই চাগরানীবোর মনত্‌ দুঘ্‌কান ইন্দি একবার চাজ্ আর মইন্দি মনযোগ দে আর মরে পুরি ন-ফেলেইনে যুনি তর্‌ এই চাগরানীবোরে এক্কো পূঅ দুয়োচ্‌ সালে সারা ঝিংকানিবর্‌ মুই তারে তর্‌ নাঙে দান গুরিম। তার মাদাবোত্‌ কনদিনঅ ক্ষুর বাজানা ন-অবঅ।”