গণাণা 6:12 - Chakma Bible

¹² আর সেই সমারে তাত্তুন্‌ নিজোরে আগঅ ধোক্ক্যেন্ লগেপ্রভুর আওজে যুদো গুরি রাগেবার্‌ শমক্‌ গরা পুরিবো। ইয়েন্‌বাদে দুষ-উৎসর্বত্তে তাত্তুন্‌ এক বজরর্‌ এক্কো ভেড়াছাগলর ছঅ আনা পুরিবো। ইয়েনর আগেন্দি যেদকদিন তে লগেপ্রভুর নাঙে যুদো ওই রোইয়্যে সেই দিনুন্‌ বাতিল ওই যেবঅ, কিত্যে সে সময়োত্‌ তে ফি-বলা ওইয়্যে।

গণাণা 6:12 ပူးပေါင်းရင်းမြစ်များ

যাত্রা 12:5

সে ছঅবুয়ো অবঅ ছাগল বা ভেড়া ছাগল ঝাগত্তুন্‌ বেঈ নেযেয়ে এক্কো এক বোজোজ্যে পাদা ছঅ। তা কিয়্যেত্‌ যেন কনজাগাত্‌ কনঅ তুদো ন-থায়্‌।

যিহিষ্কেল 18:24

মাত্তর্ যুনি এক্কো গম্ মানুচ্ তা সততাত্তুন্ ফিরিনে পাপ গরে আর পাজি মান্‌‌জ্য ধোক্ক্যেন জঘন্য কাম গরে সালে তে কি বাঁজিবো? তার কনঅ গম্ কাম সেক্কে মুই মনে ন-গুরিম। তার কনঅ গম্ কামানি সেক্কে মুই মনে ন-গুরিম। তার অবিশ্বেজ্ আর পাপত্তে তে মুরিবো।

লেবীয় 14:24

ধর্মগুরুবো দুষ-উৎসর্বর ভেড়াছাগল্লো আর উই‌ তেলান্‌ লোইনে দুলেয়ে-উৎসর্ব ইজেবে লগেপ্রভু মুজুঙোত্ দুলেব।

লেবীয় 5:6

সেক্কে সে অন্যেয়র্‌ জরিবানা ইজেবে তাত্তুন্‌ লগেপ্রভুর্ নাঙে পাপ-উৎসর্বত্তে এক্কো পাদি ভেড়াছাগল-ছঅ বা পাদিছাগল আনা পুরিবো, আর ধর্মগুরুবো তার্‌ অন্যেয়ানি ঢাগি দিবার্‌ বেবস্থা গুরিবো।

লেবীয় 5:7

যুনি তে পাদি ভেড়াছাগল-ছঅ‌ আনি ন-পারে, ছালে তার্‌ সে অন্যেয়র্‌ জরিবানা ইজেবে লগেপ্রভুর্ নাঙে তাত্তুন্‌ দ্বিবে কঅ‌ ন-অলে দ্বিবে কোদোর্‌ আনা পুরিবো। সিগুনো ভিদিরে এক্কো অবঅ পাপ-উৎসর্বত্তে আর অন্যবো পুজ্যে-উৎসর্বত্তে।

গণাণা 6:11

মরা মান্‌জ্যর কায়কুরে থেবার্‌ কারনে তে ফি-বলা ওইয়্যে বিলি তার্‌ ফি-বলাগান্‌ ঢাগি দিবাত্তে ধর্মগুরুবো এক্কো পেখ্‌কোই পাপ-উৎসর্ব আর অন্যবোলোই পুজ্যে-উৎসর্ব গুরিবো। সেদিন্যে তার্‌ মাঢাবোর্‌ চুলান্‌ তাত্তুন্‌ লগেপ্রভুর্‌ নাঙে নুয়ো গুরি রাগা পুরিবো,

গণাণা 6:13

লগেপ্রভুর নাঙে এক্কো নাসরীয়োর যুদো ওই থেবার্‌ সময়ান্‌ পার্‌ ওই যানার্‌ পরেদি এই অনুষ্ঠানান্‌ পালন গরা পুরিবো। তাত্তুন্‌ মিলন-তাম্বুলোর দোরান কায়কুরে যাহ্ পুরিবো।

মথি লেখ্যে গম্ হবর্ 24:13

মাত্তর্ যে থুম্ সং থির্ থেবঅ তে উদ্ধোর্ পেবঅ।

মথি লেখ্যে গম্ হবর্ 3:15

সেক্কে যীশু তারে কলঅ, “মাত্তর্ এবেরা এবাবোত্যে ওক্, কিয়া গোজেনর আওজ্‌চান এবাবোত্যেগুরি পূরোন্ গরানা উচিত।” সেক্কে যোহনে রাজী অলঅ।

যাকোব 2:10

যে মানুচ্চো বেক্ রীদি-সুদোমানি পালন গুরিনেয়ো বানা এক্কান পৌইদ্যেনে পাপ গরে তে বেক্‌ রীতি-সুদোমানি অমান্য গোজ্জ্যে বিলি কুয়ো অবঅ।

২ যোহন 1:8

তুমি সজাক্ থাগঅ, যেনে তমার কামর্ ফল ন-আরেইনে তুমি বক্‌শিজোর্ বেক্কান পেই পারঅ।