গণাণা 5:25 - Chakma Bible

²⁵ পত্তমে ধর্মগুরুবো মিলেমানুচ্চোর্‌ আদত্তুন্‌ সন্দেহর্‌ কারনে আন্যে সেই শোজ্য-উৎসর্ব লোইনে লগেপ্রভুর মুজুুঙোত দুলেইনে সিবে পূজোবো ইদু নেযেব।

গণাণা 5:25 ပူးပေါင်းရင်းမြစ်များ

যাত্রা 29:24

ইয়েনি বেক্কানি হারোণ আর তার্‌ পূঅগুনোর্‌ আদত্‌ দিইনে দোলন-উৎসর্ব ইজেবে লগেপ্রভুর্‌ মুজুঙোত্‌ সিয়েনি দুলেবাক্‌।

লেবীয় 8:27

সিয়েনি বেক্কানি তে হারোণ আর তার্‌ পূঅগুনোর্‌ আঢত্ দিইনে দোলন-উৎসর্ব ইজেবে সিয়েনি লগেপ্রভুর্ মুজুঙোত্ দুলেল।

গণাণা 5:18

মিলেমানুচ্চোরে লগেপ্রভুর্‌ মুজুঙোত্‌ থিয়্যেই রাগেবার্‌ পরেদি ধর্মগুরুবো তার্‌ চুলান্‌ খুলি দিবো আর অন্যেয়ানি তুলি ধুরিবাত্তে আন্যে উৎসর্বর জিনিস্‌চানি, অত্তাৎ সন্দেহর্‌ কারনে শোজ্য-উৎসর্বর জিনিস্‌চানি তা আদত্‌ দিবাক। ধর্মগুরুবো তার্‌ নিজোর্‌ আদত্‌ রাগেব অভিশাব আন্যে তিদে পানিগান।

গণাণা 5:24

অভিশাবর্‌ সেই তিদে পানিগান্‌ তে মিলেমানুচ্চোরে হাবানার্‌ পরেদি সেই পানিগান্‌ তার্‌ পেদথ্‌ যেইনে তারে অমহদ দুখ্‌ দিবো।

গণাণা 5:26

ধর্মগুরুবো যেরেন্দি পুরো উৎসর্বর বদলে সিয়োত্তুন্‌ এক মুঠ্‌ তুলি নেযেইনে পূজোবো উগুরে পুড়ি ফেলেব। পরেদি তে সেই পানিগান্‌ মিলেমানুচ্চোরে হেবাত্তে দিবো।