গণাণা 4:47 - Chakma Bible

^47-48 ত্রিশত্তুন্‌ ধুরি পঞ্চাশ বজর্‌ বয়জ্‌ সং যিদক্কুন্‌ মান্‌জ্যর্‌ মিলন-তাম্বুলোত্‌ সেবার্‌ কাম্‌ আর পজা-পিরা ববার কাম্‌ গুরিবাত্তে এবার্‌ কধা তারার্‌ বেক সোংখ্যেগুনে অলাক আস্টো আজার্ পাঁচশ আশি।

গণাণা 4:47 ပူးပေါင်းရင်းမြစ်များ

১ বংশধর 23:27

দায়ূদোর যের উগুমান্‌ অনুসারে কুড়ি বজরত্তুন্‌ ধুরি আরাম্ভ গুরিনে তাত্তুন্‌ বেজ্ বয়জর্‌ লেবীয়গুনোরে গণা ওইয়্যে।

১ বংশধর 23:3

যিদুক্কুন্‌ লেবীয় মরদ ত্রিশ বা তাত্তুন্‌ বেশ্‌ বয়জর্‌ এলাক্‌ তারারে গুণিনে দেগা গেলদে তারা জনেন্দি আত্রিশ আজার্।

গণাণা 4:15

“হারোণ আর তার্‌ পূঅগুনে যেক্কে এই বেক্‌ পবিত্র পজা-পিরানি আর পবিত্র তাম্বুলোর পজা-পিরানি নাঢি দেনা শেজ্ গুরিবাক আর মানুচ্চুনে তাম্বুলান বুদিনে যেবাত্তে যুক্কোল্‌ অবাক্‌ সেক্কে কহাতীয়গুনে এই বেক্কানি বুয়োই নেযেবাত্তে এবাক। মাত্তর্‌ কনঅ পবিত্র জিনিজোত্‌ তারার্‌ আত্‌ বাজেই ন-পারিবাক্। বাজেলে তারা মুরি যেবাক। মিলন-তাম্বুলোত্‌ যেদক্কানি জিনিস থেবঅ কহাতীয়গুনোর্‌ সিয়েনি বুয়োই নেযা পুরিবো।

গণাণা 4:3

ত্রিশ বজত্তুন্‌ ধুরি পঞ্চাশ বজর্‌ বয়জর্‌ যে কহাতীয় মরত্তুনে মিলন-তাম্বুলোত কাম্‌ গুরিবাত্তে এবাক্‌ বানা তারার্‌ সোংখ্যেগুন গুণিবা।

গণাণা 4:30

ত্রিশত্তুন্‌ ধুরি পঞ্চাশ বজর বয়জর্‌ যে মরারীয় মরত্তুনে মিলন-তাম্বুলোত্‌ কাম্‌ গুরিবাত্তে এবাক্‌ বানা তারার্‌ সোংখ্যেগুন গুণিবে।

গণাণা 4:37

ইগুনোই এলাক্‌ সেই বেক্‌ কহাতীয় বংশগুনোর্‌ বেক্কুন। মোশিরে দিইনে লগেপ্রভুর দিয়া উগুম মজিম মোশি আর হারোণে তারার্‌ সোংখ্যেগুন গুণি নেযেয়োন।

গণাণা 4:46

মোশি, হারোণ আর ইস্রায়েলীয় নেতাগুনে ইঙিরিনে বংশ আর পরিবার্‌ মজিম বেক্‌ লেবীয়গুনোরে গুণি ললাক্।