গণাণা 4:33 - Chakma Bible

³³ ইয়েনই অলঅ মিলন-তাম্বুলোর কামত্‌ মরারীয় বংশগুনোর দায়িত্বো। তারার্‌ কামানি দেগাশুনো গুরিবার্‌ দায়িত্বো থেবঅ ধর্মগুরু হারোণর পূঅ ঈথামর উগুরে।”

গণাণা 4:33 ပူးပေါင်းရင်းမြစ်များ

যাত্রা 38:21

থেবার্‌-তাম্বুল, অত্তাৎ সাক্ষ্য-তাম্বুলান বানাদে যেদক্কানি পযাপিরা লাক্ক্যে মোশির্‌ উগুম মজিম্ পোইল্যেত্তুন্‌ ধুরি ধর্মগুরু হারোণর্‌ পূঅ ঈথামরর্‌ পরিচালনায়্‌ লেবীয়োগুনে সিয়েনর্‌ ইজেপ্পান্‌ রাগেয়োন্‌।

যিশাইয় 3:6

মান্‌জ্যে নিজো বংশর একজনরে ধুরিনে কবাক্, “তর্ কাবড় আঘে, তুই আমার শাজন্‌গুরিয়্যে অ, এই ভস্ত ওই যেইয়্যে দেজর্ ভারান্ লঅ।”

গণাণা 4:28

মিলন-তাম্বুলোত্‌ গের্শোনীয় বংশগুনোর্‌ ইয়েনই অলঅ কাম্‌। তারার্‌ কামর দেগাশুনো গুরিবার্‌ দায়িত্বো থেবঅ ধর্মগুরু হারোণর পূঅ ঈথামর উগুরে।

গণাণা 4:32

ইয়েন্‌বাদে, চেরোকিত্তে উদোনর্‌ বেক্‌ টেং-টক্কুন্ সহ খুঁদো, তাম্বুলোর খুঁদো, উদোন পর্দাগানর্‌ দুড়িগান্‌ আর সিয়েনির বেক্‌ মেশিনানি আর সিয়েনি কামত্‌ লাগেবার্‌ বেক্‌ লাগেদে পজা-পিরানিয়ো তারাত্তুন বুয়োই নেযা পুরিবো। কন্না কি বুয়োই নেযেব সিয়েনি তুমিই তারারে ঠিগ্ গুরি দিবে।

গণাণা 4:34

বংশ আর পরিবার মজিম মোশি, হারোণ আর ইস্রায়েলীয় নেতাগুনে কহাতীয়গুনোরে গুণি নেযেলাক্।

গণাণা 7:8

আর মরারীয়গুনোর্‌ কাম্‌ মজিম তে তারারে চেরান্‌ গাড়ি আর আস্‌তোবুয়ো বলদ গোরু দিলো। ইয়েনি বেক্কুনোর্‌ দেগাশুনোর্‌ ভারান্ এলঅ ধর্মগুরু্‌ হারোণর্‌ পূঅ ঈথামর উগুরে।

যিহোশূয় 3:6

পরেন্দি তে ধর্মগুরুগুনোরে কলঅ‌, “তুমি সাক্ষ্য-সুন্দুক্কো তুলি নেযেইনে মানুচ্চুনোর আগে আগে গাঙান্‌ পার্‌ ওই যঅ‌।” সেনত্তেই তারা সাক্ষ্য-সুন্দুক্কো তুলি নেযেইনে মানুচ্চুনোর আগে আগে যাহ্ ধুরিলাক্‌।