গণাণা 36:2 - Chakma Bible

² তারা কলাক্, “ইস্রায়েলীয়গুনো ভিদিরে দেজর্‌ জাগা-জোমিগানি চাম্বা চেইনে ঠিগ্‌ গুরিবার্‌ উগুম্‌ দিবার্‌ অক্তত্ লগেপ্রভু আমা গিরোজ্‌সোরে কোইয়্যেদে আমার ভেই সলফাদর সোম্বোত্তিগানি যেনে তা ঝিগুনোরে দিয়্যে অয়।

গণাণা 36:2 ပူးပေါင်းရင်းမြစ်များ

ইয়োব 42:15

ইয়োবর ঝিগুনো ধোক্ক্যেন দোল্ দেজ ভিদিরে আর্ কনঅ জাগাত্ তোগেইনে পাহ্ ন-যেদঅ। তারা বাপ্পো তারার ভেইয়ুনো সমারে তারারেয়ো সোম্বোত্তি ভাগ দিলো।

গণাণা 33:54

তুমি চাম্বা চেইনে নানান্‌ বংশর জাগায়ানি ঠিগ গুরি নিবা। বংশর জনসোংখ্যেগুন বেশ্‌ অলে বেশ্‌ জাগা আর কম অলে কম্‌ জাগা দিয়্যে পুরিবো। চাম্বা চেইনে যে বংশর্‌ জাগায়ানি যিয়েনত্‌ পুরিবো সেই বংশবত্তুন সিয়োদোই জাগা নেযা পুরিবো। গুট্টির নানান্‌ বংশগুনে গুট্টির চাগালা ভিদিরেত্তুনই জাগা পেবাক্।

গণাণা 36:3

মাত্তর্‌ ইস্রায়েলীয়গুনোর অন্য গুট্টির মানজ্য সমারে যুনি এই মিলেগুনোর মেলা অয় সালে আমার পুরোণি মানুচ্চুনোর সোম্বোত্তিত্তুন্‌ তারার্‌ সোম্বোত্তিগানি নিগিলি যেইনে মিজেব তারার্‌ নেক্কুনো গুট্টির্‌ সোম্বোত্তিত্‌, আর সেক্কে আমা গুট্টির্‌ সোম্বোত্তির্‌ ভাগত্তুন্‌ কয়েক ভাগ যেবগোই।