গণাণা 35:6 - Chakma Bible

⁶ “তুমি যেদক্কানি আদাম আর শঅর্‌ লেবীয়গুনোরে দিবা সিয়েনি ভিদিরে ছগান অবঅ জিরেবার-শঅর। কেউ কাররে মারে ফেলেলে সেই জিরেবার-শঅরর্‌ যে কনঅ এক্কানত্‌ তে ধেই যেই পারিবো। ইয়েনি বাদে তুমি তারারে আরঅ বিয়াল্লিশ্‌ছান্‌ আদাম দিবা।

গণাণা 35:6 ပူးပေါင်းရင်းမြစ်များ

গীতসংহিতা 9:9

যিগুনে অত্যেচারত্ পড়ি আগন্ লগেপ্রভু যেন তারার্ আশ্রয় অয় আর দুঘোত্ ঘর ধোক্ক্যেন অয়।

যাত্রা 21:13

মাত্তর্‌ খুন গুরিবার্‌ সল্লা যুনি তার্‌ ন-থায়্‌, যুনি ইয়েন্‌ অদাদৎ ঘুদি যেইয়্যে কনঅ‌ ঘটনা অয়্‌ যেনে মুই মানা ন-গরং, মাত্তর্‌ তে এন্ এক্কান জাগাত্‌ ধেই যেই পারিবো যিয়েন মুই তমাত্যেই ঠিগ্ গুরি দিম্‌।

যিশাইয় 4:6

ইয়েন দিনো রোদ্‌তানত্তুন্ ছাবা পেবাত্তে এক্কান তাম্বুল্ আর ঝর্ বোইয়্যেরত্তুন্ রোক্ক্যে পেবাত্তে এক্কান আশ্রয়র্ জাগা অবঅ।‍‍‍‍‍‍

গণাণা 35:5

পত্তি আদাম বা শঅরানি সংমোধ্যেন্দি রাগেইনে সিয়েনির্‌ বারেন্দি উত্তোরে আর দোগিণে দ্বিআজার্ আর পূগ্‌ আর পোজিমেন্দি দ্বি আজার্ আত্‌ মাবি দিবা। এই জাগায়ানি তারা তারার্‌ আদাম্‌ বা শঅরর্‌ য়েমান চোড়েবার্‌ মাদ্ ইজেবে পেবাক্।

মথি লেখ্যে গম্ হবর্ 11:28

“তুমি যিগুনে অরান্ ওইয়ো আর ভুধি বুগিনে বেড়র্, তুমি বেক্কুনে মইধু এজঅ; মুই তমারে জিরেবাত্তে দিম্।

ইব্রীয় 6:18

গোজেনর্ এগেম্ আর শমথ্‌তান কনদিন্অ ন-বদলায়। গোজেন, যিবের্ পৌইদ্যেনে মিজে মাঢানা সম্ভব নয়, তেয়ই এ এগেমান্ আর শমথ্‌তান গোজ্জ্যে, যেনে আমা মুজুঙোত্ যে আজাগান আঘে সিয়েন গমেডালে ধুরিবাত্যে ধাবা দিবাত্যেই আমি বোউত্ উচ্চোমি পেই।

যিহোশূয় 21:13

সেনত্তেই হিব্রোণ, লিব্‌না, যত্তীয়, ইষ্টমোয়, হোলোন, দবীর, ঐন, যুটা আর বৈৎ-শেমশ আর সিয়েনির লগে এ্যমান চোড়েবার খলা ধর্মগুরু হারোণর বংশধরুনোরে দিয়্যে অলঅ‌। ইয়েন ভিদিরে হিব্রোণান্‌ এলদে খুনি আজামীর্ আশ্রয়-শঅর্‌। এ দ্বিবে গুট্টির জাগাত্তুন্‌ এ নঅ‌গান আদাম আর শঅর্‌ তারারে দিয়্যে অলঅ‌।

যিহোশূয় 21:21

ইফ্রয়িম-গুট্টির মুড়ো-মুড়ি চাগালা ভিদিরে শিখিম, গেষর, কিবসয়িম আর বৈৎ-হোরোণ নাঙে চেরান আদাম আহ্‌ শঅর্‌ আর সিয়েনির লগে য়েমান চোড়েবার খলা তারারে দিয়্যে অলঅ‌। ইয়েন ভিদিরে শিখিমান এলদে খুনি আসামীর আশ্রয়-শঅর্‌।

যিহোশূয় 21:27

মনঃশি-গুট্টির অদ্দেক্‌ মান্‌জ্যর্‌ জাগানত্তুন্‌ বাশন দেজর্‌ গোলন আর বীষ্টরা নাঙে দ্বিয়েন আদাম আর সিয়েনির লগে এ্যমান চোড়েবার খলা লেবি-গুট্টির গের্শোনীয়গুনোরে দিয়্যে অলঅ‌। ইয়েন ভিদিরে গোলনান্‌ এলদে খুনি আজামীর্ আশ্রয়-শঅর্‌।

যিহোশূয় 21:3

সেনত্তেই লগেপ্রভুর্‌ উগুম মজিম ইস্রায়েলীয়গুনে তারার্‌ নিজোর সোম্বোত্তিত্তুন্‌ কয়েক্কান আদাম আর এ্যমান চোড়েবার খলা লেবীয়গুনোরে দিলো।

যিহোশূয় 21:32

নপ্তালি-গুট্টির জাগানত্তুন্‌ তারারে দিয়্যে অলঅ গালীলর কেদশ, হম্মোৎ-দোর আর কর্তন নাঙে তিনেন্‌ আদাম আর সিয়েনির লগে য়েমান চোড়েবার খলা। ইয়েন ভিদিরে কেদশছান্‌ এলদে খুনি আজামীর্ আশ্রয়-শঅর্‌।

যিহোশূয় 21:36

ইয়েনবাদে রূবেণ-গুট্টির জাগানত্তুন্‌ এ্যামান্ চোড়েবার খলা সহ তারারে দিয়্যে অলঅ‌ বেৎসর, যহস, কদেমোৎ আর মেফাৎ নাঙে চেরান আদাম।

যিহোশূয় 21:38

গাদ-গুট্টিগুনোর্‌ জাগানত্তুন্‌ তারারে দিয়্যে অলঅ গিলিয়দর রামোৎ, মহনয়িম, হিষ্‌বোন আহ্‌ যাসর নাঙে চেরান আদাম্‌ আর সিয়েনির লগে য়েমান চোড়েবার খলা। ইয়েনি ভিদিরে রামোৎতান্‌ এলদে খুনি আজামীর্‌ আশ্রয়-শঅর্‌।