গণাণা 35:34 - Chakma Bible

³⁴ তুমি যে দেজত্‌ থেবা মুইয়ো সিদু থেম্‌ বিলি সেই দেজ্‌ছান ফি-বলা গুরি ন-পারিবা। মুই লগেপ্রভু ইস্রায়েলীয়গুনো ভিদিরে বজত্তি গরঙর্‌।”

গণাণা 35:34 ပူးပေါင်းရင်းမြစ်များ

১ রাজাবলী 6:13

মুই ইস্রায়েলীয়গুনোর ইদু বজত্তি গুরিম আর মঅ মানুচ্‌ ইস্রায়েলীয়গুনোরে মুই ন-ছাড়িম্‌।”

গীতসংহিতা 132:14

তে কোইয়্যেদে, “ইয়েনই মর্ জনমত্তে জিরেবার জাগা; মুই ইয়োদোই বজত্তি গুরিম, কিত্তে মুই সিয়েনই চেয়োং।

গীতসংহিতা 135:21

লগেপ্রভু, যিবে যিরূশালেমত্ বজত্তি গরে, তারে বাঈনী গরানা সিয়োনত্তুন্ ধুরি আরাম্ভ ওক্। লগেপ্রভুরে নাঙ্ গিনে ওক্।

যাত্রা 25:8

ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।

যিশাইয় 57:15

যিবে মহান আর বাঈনী গরানালোই বর্ পুনোং, যিবে উমরত্তে জেদা, যিবে নাঙান্ পবিত্র, তে কত্তে, “মুই অজল্ আর সুদ্ধো-সাংগ জাগাত্ বজত্তি গরং, মাত্তর্ যিবের মনান্ নম্র, যিবের্ মনান্ ভাঙিনে কট্টা কট্টা ওইয়্যে মুই তা সমারেয়ো বজত্তি গরং যেনে নম্রগুনোর আর মন ভাঙি যেইয়্যে মানুচ্চুনোর্ মনানি মুই নূয়ো গুরিনে ঠিগ্ গুরি পারং।

যিশাইয় 8:12

“এ মানুচ্চুনে যিয়েনিরে কুজুরোমি কন্ তুমি সিয়েনির কনগানরে কুজুরোমি ন-কোয়ো। তারা যিয়েন দরান্ তুমি সিয়েন ন-দোরেয়ো; সিয়েন দর্‌গরেপারা বিলিনে মনে ন-গোজ্য।‍

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিহিষ্কেল 35:10

“‘মুই লগেপ্রভু যুনিয়ো ইস্রায়েল আর যিহূদাত্ এলুং তো তুই কোইয়োচ্, এ দ্বি’দেজ মানুচ্চুন আর তারা দেজ্‌চান তমার্ অবঅ আর তুমি সিয়েন অধিকার গুর‌‌‌িবা।

হোশেয় 9:3

তারা লগেপ্রভুর দেজত্ ন-থেবাক্; ইফ্রয়িমে মিসরত্ ফিরি যেবঅ আর আসিরিয়ার অসিজি হানা হেবঅ।

গণাণা 16:3

তারা মোশি আর হারোণর বিপক্ষে দল বুদি এইনে কলাক্, “তুমি অমকদ বাড়াবাড়ি গরর্‌। গোদা ইস্রায়েলীয় সমাজ্‌সো পত্তিজনই লগেপ্রভুর নাঙে যুদো গোজ্যে আর লগেপ্রভুয়ো তারা সমারে আঘে। মাত্তর্‌ তুমি কিত্তে লগেপ্রভুর মানুচ্চুনো উগুরে নিজোরে তুলি ধোজ্য?”

গণাণা 5:3

তে মিলেমানুচ্‌ ওক্‌ বা মরদ্‌পূঅ ওক্‌ তারে সোরেই দিয়া পুরিবো। এবাবোত্যে মানুচ্চুনে যেনে তাম্বুলান ফি-বলা ন-গরন্‌ সেনত্তেই তাম্বুলোত্তুন্‌ তারারে বারেন্দি সোরেই দিয়া পুরিবো, কিত্যে সিয়েনত্‌ মুই ইস্রায়েলীয়গুনো ভিদিরে বজত্তি গরং।

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

দ্বি’লম্বর বিররণ 21:8

ও লগেপ্রভু, তর্‌ উদ্ধোর গোজ্যে ইস্রায়েলীয়গুনোরে তুই ক্ষেমা গর্‌। এ মানুচ্চোর্‌ লো-ঝড়ানাত্তে তুই তর্‌ মানুচ্চুনোরে দায়ী ন গুরিচ্‌। ইয়েনত্‌ সে লো-ঝড়ানার্ দুষছানি ক্ষেমা গরা অবঅ।

দ্বি’লম্বর বিররণ 6:15

কিত্যে তমা ভিদিরে তমার্‌ যে গোজেন লগেপ্রভু আঘে তে তার্‌ পাওনা ভোক্তি পৌইদ্যেনে অমকদ খুজি; দেব-দেবেদাগুনোর্‌ পিজেন্দি গেলে তমার বিরুদ্ধে তার্‌ রাগর্‌ আগুনান্‌ জুলি উদিবো, আর তে পিত্‌থিমীগান উগুরেত্তুন্‌ তমারে ভস্ত গুরি ফেলেব।

ফগদাং পেইয়্যে 21:27

অসিজি কনঅ কিজু বা জঘন্য কাম গরে বা মিজে কধা কয় এমন কনঅ মানুচ্ সিয়েনত্ সোমেই ন-পারিবাক্; যিগুনোর নাঙানি ভেড়া-ছবোর্ জিংকানি বোইবোত্ লেগা আঘে তারা বানা সিয়েনত্ সোমেই পারিবাক্।

ফগদাং পেইয়্যে 21:3

সে পরেদি মুই একজনরে সেই সিংহাসনত্তুন্ জোরে এ কধাগান কধে শুনিলুং, “ইক্কিনে মান্‌জ্য ভিদিরে গোজেনর্ থেবার জাগা ওইয়্যে। তে মান্‌জ্য সমারে থেবঅ আর তারা তা মানুচ্‌ অবাক্। তে নিজেই মান্‌জ্য সমারে থেবঅ আর তারার্ গোজেন অবঅ।