গণাণা 35:33 - Chakma Bible

³³ তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

গণাণা 35:33 ပူးပေါင်းရင်းမြစ်များ

পত্থম 4:10

সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

১ রাজাবলী 2:31

সেক্কে রাজা বনায়রে এ উগুমান দিলো, “তে যিয়েনি কোইয়্যে সিয়েনোই গোরোক্‌। তারে মারে ফেলেইনে গোর্ দুয়ো। যোয়াবে যে নিদ্দুজি মান্‌জ্যরে লো ঝোরেয়্যে তার্ দুষ্‌ছানি তুই মর্‌ আর মঅ বাবর্‌ বংশত্তুন্‌ এবাবোত্যেগুরি দূর্ গুরি দে।

২ রাজাবলী 23:26

তো মনঃশি যে কামানি গুরিনে লগেপ্রভুরে অহুজি গোজ্যে সেনত্তে যিহূদার বিরুদ্ধে যে দর্‌গরেপারা রাগে লগেপ্রভু জুলি উঠ্যে সিয়েনত্তুন্‌ তে নঅ-ফিরিলো।

২ বংশধর 23:15

সেনত্তে তারা অথলিয়ারে ধুরিলাক্‌ আর রাজঘরর্‌ ঘোড়া-গেট্টোত্‌ সুমিবার্‌ পথ্‌তানত্‌ নেযেইনে তারে মারে ফেলেলাক্‌।

গীতসংহিতা 106:28

তারা পিয়োর মুড়োবোত্ বাল দেবেদা পুজোত্ যেইয়োন্ আর মরা মানুচ্চুনোর নাঙে উৎসর্ব গোজ্যে য়েরা হেলাক্।

গীতসংহিতা 106:38

তারা নিদ্দুযিগুনোর, অত্তাত্ তারার পুয়ো-ঝিগুনোর লো ঝোরেই দিলাক্। তারা কনান মূত্তিগুনোর নাঙে তারার ডালি দিলাক্, সেক্কে পুরো দেজ্‌ছান সে লো-লোই ফি বাঁজিলো।

যিশাইয় 24:5

পিত্‌থিমীগানরে তা মানুচ্চুনে কজরা গুরি ফেল্যন্। তারা সুদোমানি অমান্য গোজ্যন; তারা সুদোমানি ভাঙ্যন্ আর লগেপ্রভুর উমরর্ সুদোম মজিম্ ন-চলন্।

যিশাইয় 26:21

চঅ, জগদ মানুচ্চুনোরে পাপর্ সাজা দিবাত্তে লগেপ্রভু তা থেবার জাগানত্তুন্ নিগিলি এজের্। পিত্‌থিমীগান উগুরে যে লো যোজ্যে সিয়েনি ফগদাং গরা অবঅ; মারে ফেলেয়্যে তা মানুচ্চুনোরে আর্ তে লুগেই ন-রাগেব।‍ ‌

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 26:15

মাত্তর্ ইয়েন ঘেচ্চেকগুরি হবর্ পেবাদে যে, তুমি যুনি মরে মারে ফেল সালে নিদ্দুজিবোর্ লো ঝরানার অন্যেয়ান তুমি নিজো উগুরে আর এ শঅরান উগুরে আর যিগুনে ইধু বজত্তি গরন তারা উগুরে আনিবো; কিত্তে এই বেক কধানি তমারে শুনেবাত্তে ঘেচ্চেকগুরি লগেপ্রভু মরে পাদেয়্যে।”

লেবীয় 18:25

ইয়েনত্তে তারার্‌ দেজ্‌চানঅ ফি-বলা ওই যেইয়্যে। সেনত্তে অন্যেয়র্‌ কারনে দেজ্‌চানরে মুই সাজা দুয়োঙর্‌ আর দেজ্‌চানেয়ো তা মানুচ্চুনোরে উগুলিনে ফেলেই দিবাত্তে যার্‌।

মীখা 4:11

মাত্তর্ ইক্কিনে বোউত্ জাদে তঅ বিরুদ্ধে তুবেয়োন। তারা কদন্, “তারে অসিজি গরা ওক্; এজঅ, আমি সিয়োনর দুদ্দশা দেগিনে হুজি ওই।”

গণাণা 35:32

জিরেবার্‌-শঅরত্‌ ধেই যেইয়্যে কনঅ মান্‌জ্যরে টেঙার্‌ বদলে দাঙর্‌ ধর্মগুরুবোর্‌ মরাণার্‌ আগেন্দি তার্‌ জাগা-জোমিত্‌ ফিরি যেইনে বজত্তি গুরিবাত্তে দেনা ন-চুলিবো।

দ্বি’লম্বর বিররণ 19:10

তুমি ইয়েন গুরিবা যেনে সোম্বোত্তি ইজেবে যে দেজ্‌ছান তমার গোজেন লগেপ্রভু তমারে দিবাত্তে যার্‌ সে দেজ উগুরে নিদ্দুজি মানুচ্চুনোর লো ন-ঝরে আর লো ঝরানার দুষে তুমি দুষি ন-অ।

দ্বি’লম্বর বিররণ 19:13

তারে তুমি কনঅ দোয়্যে ন দেগেবা। তুমি ইস্রায়েলীয়গুনো ভিদিরেত্তুন্‌ নিদ্দুষী মানুচ্চুনোর লো-ঝরানার দুষ্‌চানি পুঝি ফেলেবা। সেক্কে তমার ভালেদি অবঅ।

দ্বি’লম্বর বিররণ 21:23

মাত্তর্‌ বেন্যেমাদান্ সং তার্‌ কিয়্যেগান গাজত্‌ টাঙেই রাগে ন-পারিবো। সেদিন্যে তারে গোর্ দিয়্যে পুরিবো, কিত্যে গাজত্‌ টাঙেই রাগাইদে মানুচ্চো গোজেনর অভিশাব পেইয়্যে। সোম্বোত্তি ইজেবে যে দেজ্‌ছান তমারে গোজেন লগেপ্রভু তমারে দিবাত্তে যার্‌ সিয়েন তুমি অসিজি ন-গুরিবা।

বিচের গুরিয়্যেগুন 9:24

গোজেনে নিজেই ইয়েন গুরিলো যেনে যিরুব্বালর সত্তুরজন পূঅর্ উগুরে লো ফেলানার যে অন্যেয়ানি গরা ওইয়্যে সিয়েনত্তেই তারার ভেই অবীমেলক উগুরে আর তারারে মারে ফেলানার কামত্‌ তার আর তারে বল্‌ দিয়্যেগুনোরে শিখিমোর মানুচ্চুনো উগুরে হেনা সুজো অয়।