গণাণা 35:31 - Chakma Bible

³¹ মরণান্‌ যিবের্‌ পাইদে সাজা এধোক্ক্যেন কনঅ খুনিরে টেঙালোই উদ্ধোর গুরি ন-পারিবো। তারে মারে ফেলাই পুরিবো।

গণাণা 35:31 ပူးပေါင်းရင်းမြစ်များ

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ শমূয়েল 21:4

জোবত্‌ গিবিয়োনীয়গুনে তারে কলাক্, “শৌল বা তা গুট্টিগুনোর ইদু আমার যে দাবি সিয়েন সোনা বা রূবোর্‌ বেপার নয় বা ইস্রায়েলীয়গুনোরে মারে ফেলেবার বেপার্‌অ নয়।” দায়ূদে পুযোর্‌ গুরিলো, “সালে তুমি মরে কঅ তমাত্তে কি গুরিম্‌?”

গীতসংহিতা 51:14

ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

যাত্রা 21:14

যুনি কনজনে আগেত্তুন্‌ ধুরি চিন্তে-ভাবনালোই আওজ্ গুরিনে অন্য কাররে মারে ফেলেইনে ডালিপূজোবো ইদু যেইনে আশ্রয় লয়, সালে সিয়োত্তুনো তারে ধুরি আনিনে মারে ফেলা পুরিবো।

যিহিষ্কেল 16:38

যে মিলেগুনে ব্যভিচের্ গরন আর যিগুনে লো ঝরান্ তারারে যে সাজাগান দিয়্যে অয় সেই সাজাগান মুই তরে দিম। মর্ রাগে আর মনর্ জ্বালাত্তে মুই তরে মরণর্ সাজা দিম।

লেবীয় 24:17

“যুনি কনজনে কাররে খুন গরন্‌ সালে তারেয়ো মারে ফেলা অবঅ।

গণাণা 35:17

যিয়েন্‌দোই মানুচ্ মারে ফেলা যায় এধোক্ক্যেন কনঅ পাত্তর্‌ যুনি কারঅ আদত্‌ থায়্‌ আর সিবেলোই যুনি তে কাররে আঘাত গরে আর সেক্কে তে মুরি যায় সালে তে খুুনী। সেই খুনীবোরে মারে ফেলা পুরিবো।

গণাণা 35:30

“সাক্ষীর কধা উগুরে নির্ভর গুরিনে খুনিবোরে মারে ফেলেই পারিবো। মাত্তর্‌ বানা এক্কো সাক্ষীর কধা উগুরে নির্ভর গুরিনে কনজনরে মারেই ফেলেই ন-পারিবো।

গণাণা 35:32

জিরেবার্‌-শঅরত্‌ ধেই যেইয়্যে কনঅ মান্‌জ্যরে টেঙার্‌ বদলে দাঙর্‌ ধর্মগুরুবোর্‌ মরাণার্‌ আগেন্দি তার্‌ জাগা-জোমিত্‌ ফিরি যেইনে বজত্তি গুরিবাত্তে দেনা ন-চুলিবো।

দ্বি’লম্বর বিররণ 27:24

সে মানুচ্চো অভিশাব খেইয়্যে, যে কাররে গুমুরোত্ খুন গরে। সেক্কে বেক্কুনে কবাক, আমেন।