গণাণা 35:20 - Chakma Bible

^20-22 যুনি কারর্‌ মনত্‌ কনঅ ইংসেলোই কাররে ধাক্কা মারন্‌ বা আওজ গুরিনে তাইদু কিজু ঢলা মারন্‌ বা শত্রু ভাবিনে তারে ঘুষি মারন্‌ আর ইয়েনির কনঅ এক্কান্দোই তে মুরি যায়, সালে যে মাজ্যে তে খুনী; তারে মারে ফেলা পুরিবো। খুন ওইয়্যে মানুচ্চোর্‌ লুয়োর্‌ হেনা সুজিবার কধা, খুনীবোরে দেগিলে তে যেনঅ তারে মারে ফেলায়।

গণাণা 35:20 ပူးပေါင်းရင်းမြစ်များ

পত্থম 4:5

মাত্তর্ কয়িন আর তা উৎসর্বয়ানি গুজি ন-ললঅ। ইয়েনত্যে কয়িনোর অমকদ রাগ্‌ অলঅ আহ্ তে মু কালা গুরি থেলঅ।

পত্থম 4:8

ইয়েন পরেদি একদিন্যে মাদত্‌ থেবার অক্তত্‌ কয়িনে তার ভেই হেবল লগে কধা কোইয়্যে, আহ্ সেক্কে তে হেবলরে আক্রমণ গুরিনে মারে ফেলেল।

২ শমূয়েল 13:22

অবশালোমে অম্নোনরে গম্‌-বজং কিচ্ছু ন-কলঅ। তা বোন্নো তামরর ইজ্জোদ্‌তান্‌ বর্‌বাদ্ গোজ্যে বিলিনে তে অম্নোনরে ঈচ্ গরা ধুরিলো।

২ শমূয়েল 20:10

যোয়াব আঢত্‌ যে সে ছুরিগান এলঅ সিন্দি অমাসা খিয়েল্‌ ন-গরে। যোয়াবে সে ছুরিগান তা পেদথ্‌ ভোরেই দিলো। সেক্কে তার্‌ আদুরি নিগিলিনে মাদিত্‌ পড়িলো। অমাসারে আর্ আঘাত্‌ গুরিবার দরকার ন-অলঅ। তে মুরি গেলঅ। ইয়েনর্‌ পরেন্দি যোয়াবে আর তা ভেই অবীশয় বিখ্রির পূঅ শেবের পিজেন্দি লোড়েইনে গেলঅ।

২ শমূয়েল 3:27

অব্‌নের হিব্রোণত্‌ ফিরি এজানার্‌ পরেন্দি যোয়াবে তা লগে গুমুরো কধা কবার্‌ ছলনা গুরিনে শঅরর্‌ গেদো ভিদিরে নেযেল। সে পরেন্দি তা বুগুদ গুদো মারিনে তারে মারে ফেলেল। এধোক্ক্যেন গুরিনে তে তা ভেই অসাহেলর লো ঝরানার্‌ হেনাবো সুজিলো।

গীতসংহিতা 11:2

কিত্তে কত্তে, “মনেদি যিগুনে খাটি আন্ধারত্তুন্ তারারে সেল্ মারিবাত্তে পাজি মানুচ্চুনে তারার্ ধনুগানি লোঙেয়োন্ আর সিয়েনত্ সেল্লো বোজেয়োন”?

যাত্রা 21:14

যুনি কনজনে আগেত্তুন্‌ ধুরি চিন্তে-ভাবনালোই আওজ্ গুরিনে অন্য কাররে মারে ফেলেইনে ডালিপূজোবো ইদু যেইনে আশ্রয় লয়, সালে সিয়োত্তুনো তারে ধুরি আনিনে মারে ফেলা পুরিবো।

গম্ উপদেজ্ 26:24

ঈচ্ গুরিয়্যেবো মুয়োদি ভান্ গরে, মাত্তর্ মন ভিদিরে ছলনা।

গম্ উপদেজ্ 28:17

যে মানুচ্চো খুন্ গুরিনে চিদে গত্তে গত্তে দুখ্ পার্ ন-মরানা সং তে ধেই ধেই বেড়ায়; কনজনে তারে সাহায্য ন-গোরোক্।

গণাণা 35:19

খুন ওইয়্যে মানুচ্চোর লুয়োর্‌ হেনা সুজিবার্‌ কধা তাত্তুনোই সেই খুনীবোরে মারে ফেলা পুরিবো; দেগিলে তে যেনে তারে মারে ফেলায়।

মার্ক 6:19

ইয়েনত্তে যোহন উগুরে হেরোদিয়ার্ খুব্ রাগ্ এলঅ। তে যোহনরে মারে ফেলেবাত্তে চেইয়্যে,

লূকে লেখ্যে গম্ হবর্ 4:29

তারা উদিনে যীশুরে আদাম বারেদি ধাবেই দিইনে নেযেলাক্, আর তারে তলেদি ফেলে দিবাত্তে তারা আদামান যে মুড়ো উগুরে এলঅ সেই মুড়ো উগুরে তারে নেযেলাক্।

প্রেরিত্‌ 23:21

তুই তারা কধালোই রাজী ন-অবে, কারন চল্লিশ জনত্তুন্অ বেশ্ মানুচ্ লুগিনে পৌলরে বাজ্জেই আগন্। পৌলরে খুন্ ন-গরানা সং এ মুনুচ্চুনে কিচ্চু ন-হেবাক্ বিলিনে সমত্ খেইয়োন্। তারা যুক্কোল্ ওইনে ইক্কিনে বানা তর্ রাজী অনাগান্ বাজ্জ্যেই আঘন্।”

দ্বি’লম্বর বিররণ 19:11

মাত্তর্‌ যুনি কনজনে ইংসে গুরিনে কাররে মারে ফেলেবাত্যে উত্‌ পাদিনে বোই থান্‌ আর তারে আক্রমণ গুরিনে মারেই ফেলান আর পরেন্দি তার্‌ কায়-কুরে আশ্রয়-শঅরানত্‌ ধেই যান,

১ শমূয়েল 18:25

সেক্কে শৌল কলদে, “তুমি দায়ূদোরে কোই দুয়ো, রাজা বানা তার শত্রুগুনো উগুরে হেনা সুজোনা ইজেবে একশঅ জন পলেষ্টীয়র চুনুগুলোবোর মুজুঙেন্দি চামান চায়, অন্য কনকিচ্ছু ন-চায়।” ইঙিরিনে পলেষ্টীয়গুনোর আঢত্‌ যেনে দায়ূদে শেজ্‌ ওই যায়, ইয়েনই এলদে শৌলর মনভাব।

১ শমূয়েল 20:1

ইয়েনর্ পরেন্দি দায়ূদে রামার নায়োৎ আদামত্তুন ধেইনে যোনাথন ইদু গেলঅ আর তারে পুযোর্ গুরিলো, “মুই কি গোজ্যং? মর্‌ কি দুষ? তর্‌ বাবর্‌ বিরুদ্ধে মুই কি পাপ গোজ্যং, তে মরে মারে ফেলেবার চেট্টা গোজ্যে?”

১ শমূয়েল 24:11

ও মর্‌ বাবা, এই চাহ্, মঅ আঢত্‌ তর্‌ পোজাগর্‌ এক্কান কট্টা। মুয়ই তর্‌ পোজাগত্তুন্‌ এ কট্টাগান কাবি নেযেয়োং মাত্তর্‌ তরে মারেই ন-ফেলাং। সালে তুই এবেরা বুঝি পারিলে আর হবর্‌ পেলে, তর্‌ উগুরে কনঅ অন্যেয় বা উল্লোমীর্ মনভাব মর্‌ মনত্‌ নেই। মুই তর্‌ বিরুদ্ধে কনঅ পাপ ন-গরং, মাত্তর্‌ তুই মরে মারে ফেলেবাত্তে উৎ পাদিনে আগচ্‌।