গণাণা 34:3 - Chakma Bible

^3-4 ইদোম দেজর্‌ দুঝিবো সং যে সীন ধূল্যেচর-চাগালাগান আঘে সিয়েনর্‌ কিজু ভাগ তমার দেজর্‌ দোগিণেদি পুরিবো। পূগেন্দি তমার্‌ এই দোগিণো দুঝিগান ধূল্যেচর-বড়গাঙর্‌ শেজ্ ভাগত্তুন্‌ আরাম্ভ ওইনে অক্রব্বীম মুড়োবোর্‌ পথ পাড় ওইনে সীন ধূল্যেচর-চাগালাত্‌ চোমেইনে কাদেশ-বর্ণেয়র দোগিণোন্দি যেবগোই। পরেদি সেই চিহ্নোগান্‌ হৎসর-অদরত্‌ এইনে অস্‌মোন সং যেবঅ।

গণাণা 34:3 ပူးပေါင်းရင်းမြစ်များ

পত্থম 14:3

এ পাচজন রাজা তারার সৈন্যগুন এগত্তর্ গুরিনে সিদ্দীম কলগত্ গেলাক। এ জাগানরে মরা-সাগর কন্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যিহিষ্কেল 47:13

সে পরেদি প্রভু লগেপ্রভু কোইয়্যেদে, তুমি সোম্বোত্তি ইজেবে ইস্রায়েলর্ বার গুট্টি ভিদিরে দেজ্‌‌‌চান এবাবোত্যেগুরি ভাগ গুরি দিবা। তুমি বেক্কুনে সং সং গুরিনে ভাগ গুরিবা মাত্তর্ যোষেফে দ্বিভাগ পেবঅ। এ দেজ্‌চান মুই তমা পুরোণি মানুচ্চুনোরে দিম্ বিলিনে শমক্ গোজ্যং আর এ দেজ্‌‌‌‌‌চান তমা সোম্বোত্তি অবঅ।‌‌

যিহিষ্কেল 47:8

তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

গণাণা 13:21

সেক্কে তারা যেইনে সীন ধূল্যেচর চাগালাত্তুন আরাম্ভ গুরিনে হমাতর ইন্দি রহোব সং দেজ্‌চানর্‌ খোঁজ খবর লোই আনিলাক্।

যিহোশূয় 1:4

তমার দেজ্‌ছান্‌ অবঅ‌ ধূল্যেচর-চাগালাত্তুন লেবানন সং আর পূগেন্দি বড়গাঙ্‌ ইউফ্রেটিস আহ্‌ পোজিমেন্দি ভূমধ্য সাগর সং, অত্তাৎ হিত্তীয়গুনোর পুরো চাগালাগান্‌।