গণাণা 34:12 - Chakma Bible

¹² সে পরেদি এই দুঝির চিহ্নোগান্‌ যর্দন গাঙান্‌ ধুরি ধূল্যেচর-সাগরত্‌ যেইনে শেজ্ অবঅ। “চেরোকিত্তে এ বেক্‌ দুঝিগান ভিদিরে ইয়েনোই অবঅ তমার্‌ দেশ।”

গণাণা 34:12 ပူးပေါင်းရင်းမြစ်များ

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 14:3

এ পাচজন রাজা তারার সৈন্যগুন এগত্তর্ গুরিনে সিদ্দীম কলগত্ গেলাক। এ জাগানরে মরা-সাগর কন্‌।

যাত্রা 23:31

“এক কিত্তেদি লোহিত সাগরত্তুন্‌ পলেষ্টীয়গুনোর দেজর্‌ সাগরান সং আর এক কিত্তেদি ধূল্যেচর-চাগালাত্তুন ধুরি ইউফ্রেটিস গাঙান্‌ সং তমা দেজর্‌ দুঝিবো মুই ঠিগ্ গুরি দিম। সেই দেজত্‌ যিগুনে বজত্তি গত্তন্‌ তারারে মুই তমা আদত্‌ তুলি দিম্‌ আর তমা মুজুঙোত্তুন্‌ তুমি তারারে ধাবেইনে নিগিলেই দিবা।”

যিহিষ্কেল 47:13

সে পরেদি প্রভু লগেপ্রভু কোইয়্যেদে, তুমি সোম্বোত্তি ইজেবে ইস্রায়েলর্ বার গুট্টি ভিদিরে দেজ্‌‌‌চান এবাবোত্যেগুরি ভাগ গুরি দিবা। তুমি বেক্কুনে সং সং গুরিনে ভাগ গুরিবা মাত্তর্ যোষেফে দ্বিভাগ পেবঅ। এ দেজ্‌চান মুই তমা পুরোণি মানুচ্চুনোরে দিম্ বিলিনে শমক্ গোজ্যং আর এ দেজ্‌‌‌‌‌চান তমা সোম্বোত্তি অবঅ।‌‌

গণাণা 34:11

এই দুঝির্ চিহ্নোগান্‌ শফামত্তুন্‌ ঐনর পূগেন্দি রিব্লা সং লামি যেবঅ আর কিন্নেরৎ সাগরর্‌ কামা জাগানি ধুরি যাহ্ ধুরিবাক্।

গণাণা 34:13

ইয়েনর্ পরেদি মোশি ইস্রায়েলীয়গুনোরে উগুম গুরিনে কলঅ, “তুমি চাম্বা চেইনে লগেপ্রভুর উগুম মজিম দেজ্‌চান তমার নয় গুট্টি আর মনঃশির অদ্দেক্ গুট্টি ভিদিরে ভাগ গুরি নেযেইনে তমার্‌ সোম্বোত্তি গুরি নেযেবা,

গণাণা 34:3

ইদোম দেজর্‌ দুঝিবো সং যে সীন ধূল্যেচর-চাগালাগান আঘে সিয়েনর্‌ কিজু ভাগ তমার দেজর্‌ দোগিণেদি পুরিবো। পূগেন্দি তমার্‌ এই দোগিণো দুঝিগান ধূল্যেচর-বড়গাঙর্‌ শেজ্ ভাগত্তুন্‌ আরাম্ভ ওইনে অক্রব্বীম মুড়োবোর্‌ পথ পাড় ওইনে সীন ধূল্যেচর-চাগালাত্‌ চোমেইনে কাদেশ-বর্ণেয়র দোগিণোন্দি যেবগোই। পরেদি সেই চিহ্নোগান্‌ হৎসর-অদরত্‌ এইনে অস্‌মোন সং যেবঅ।

যিহোশূয় 13:1

বয়স বাড়িনে যিহোশূয় যেক্কে বুড়ো ওই গেলঅ সেক্কে লগেপ্রভু তারে কলঅ‌, “তুই বুড়ো ওইয়োচ্‌, তর্‌ বয়স ওই যেইয়্যে, অদচ দেজর এমন্‌ বোউত্‌ জাগা রোই যেইয়্যে যিয়েনি এজঅ‌ গজক্ গরা ন-অয়্‌।

যিহোশূয় 15:5

পূগেন্দি দুযিগান্‌ অলদে নুন্‌ সাগরন্দি যেইনে যর্দন গাঙর্‌ মোহনা সং। যর্দন গাঙান্‌ যিদু নুন্‌ সাগরত্‌ যেইনে পোজ্যেগোই সিদু যে চিগোন সাগরান্‌ আঘে সিয়োত্তুন্‌ উত্তোরেন্দি দুযির্‌ চিহ্নোগান্‌ আরাম্ভ ওইনে বৈৎ-হগ্লা সং যেইনে বৈৎ-অরাবার উত্তোরেন্দি যেইনে রূবেণর বংশধর বোহনর পাথর সং গেলঅ।