গণাণা 33:4 - Chakma Bible

⁴ মিসরীয়গুনে সেক্কে তারার্‌ পত্তম পূঅগুনোরে গোর্ দেদন। লগেপ্রভু তারার্‌ পত্তম পূঅগুনোরে মারে ফেলেয়্যে আর তারার্‌ দেব-দেবেদাগুনোরে সাজা দিয়্যে।

গণাণা 33:4 ပူးပေါင်းရင်းမြစ်များ

গীতসংহিতা 105:36

সে পরেন্দি তে মিসরীয়গুনোর গাবুজ্যে বলর্ পত্তম ফল, অত্তাৎ দেজর্ বেগ পৌল্যে পুয়োবোরে আঘাত গুরিলো।

যাত্রা 12:12

সেই রেদোত্ মুই মিসর দেজ ভিদিরেন্দি যেইম্‌ আর মান্‌জ্যর্‌ পত্তম পূয়োবো আহ্ য়েমানর্‌ পত্তম চেলা ছঅগুনোরে মারে ফেলেম। মুই মিসরর বেক্‌ দেব-দেবেদাগুনোরে সাজা দিম; মুই লগেপ্রভু।

যাত্রা 18:11

সেনত্তে মুই ইক্কিনে বুঝি পারঙত্তে, বেক্‌ দেবেদাগুনোত্তুন্‌ লগেপ্রভুই‌ দাঙর্‌, কিত্তে দেবেদাগুনে যেদক্কানি পৌইদ্যেনে ইস্রায়েলীয়গুনো বিরুদ্ধে বার্‌বো গুরিদাক্‌ সেদক্কানি পৌইদ্যেনে লগেপ্রভুই দাঙর্‌।”

যিশাইয় 19:1

মিসর দেজ্‌ছান পৌইদ্যেনে লগেপ্রভুর কধা ইয়েন:‌‌ চঅ, লগেপ্রভু এক্কান যাদিমাদি যাইদে মেঘত্ গুরিনে মিসর দেজত্ এজের্। তা মুজুঙোত্ মিসর মূত্তিগুন্ গির্‌গিরেবাক্, আর মিসরীয়গুনো মনত্ সাহস ন-থেবঅ।‌‌

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

গণাণা 3:13

কিত্যে ইস্রায়েলীয়গুনোর্‌ বেগঅ পত্তম পূঅবো মর্‌। মিসর দেজর্‌ পত্তম পূঅগুনোরে মারে ফেলেবার্‌ সময় মুই ইস্রায়েলীয়গুনো ভিদিরে পত্তম মরদ্‌ পূঅবোরে মত্তে যুদো গুরি রাগেয়োং-তে মানজ্যর্‌ ওক্‌ বা য়েমানর্‌ ওক্‌। তারা মর্‌; মুই লগেপ্রভুর্।”