গণাণা 33:38 - Chakma Bible

³⁸ ইস্রায়েলীয়গুনে মিসরত্তুন্‌ নিগিলি এজানার্‌ পরেদি চোল্লিশ বজরর্‌ পাঁচ মাজর্‌ পত্তম দিনোত্‌ লগেপ্রভুর উগুমে ধর্মগুরু হারোণে হোর মুড়োবো উগুরে উদি যেয়েগোই আর সিয়েনত্‌ মুরি গেলঅ।

গণাণা 33:38 ပူးပေါင်းရင်းမြစ်များ

গণাণা 33:39

হোর মুড়োবো উগুরে হারোণর মরানার্‌ সময় তার্‌ বয়জ্‌চান ওইয়্যেদে একশ তেইশ বজর।

দ্বি’লম্বর বিররণ 1:3

লগেপ্রভু ইস্রায়েলীয়গুনোর পৌইদ্যেনে মোশিরে যেদক্কানি উগুম্‌ দিয়্যে সিয়েনি তে তারার্‌ যানার্‌ চোল্লিশ বজরে এগার মাজর্‌ পত্তম তারিগোত্‌ তারার ইদু ফগদাং গুরিলো।

দ্বি’লম্বর বিররণ 10:6

ইস্রায়েলীয়গুনে পরেন্দি বেরোৎ-ঝারর্‌-যাকনত্তুন্‌ রওনা ওইনে মোষেরোদোত্‌ লুমিলাক্। সিয়োদোই হারোণে মুরি যেইয়্যে আর তারে গোর্ দিয়্যে ওইয়্যে। তার্‌ পূঅ ইলিয়াসরে তা জাগানত্‌ দাঙর্‌ ধর্মগুরু ওইয়্যে।

দ্বি’লম্বর বিররণ 32:50

তর্‌ ভেই হারোণে যেধোক্ক্যেন হোর মুড়োবোত মুরি যেইনে তার পুরোণি মানুচ্চুনো ইদু যেইয়্যেগোই সেধোক্ক্যেন গুরি তুমিয়ো নবো মুড়োবোত্‌ উদিনে মুরি যেবা আর তমার পুরোণি মানুচ্চুনোর ইদু যেবাগোই।