গণাণা 33:3 - Chakma Bible

³ উদ্ধোর-পরবর্‌ পরেদি দিন্নোত্‌ বজরর্‌ পত্তম মাজর্‌ পন্দর তারিগোত্‌ ইস্রায়েলীয়গুনে রামিষেষত্তুন্‌ আদি যানা আরাম্ভ গোজ্যন। বেক্‌ মিসরীয়গুনোর্‌ চোগো মুজুুুুঙোন্দি বুগ্‌ ফুলেইনে তারা নিগিলি যেইয়োন।

গণাণা 33:3 ပူးပေါင်းရင်းမြစ်များ

পত্থম 47:11

যোষেফে তা বাবরে আর ভেইয়ুনোরে থিদেবর্ গুরিনে বজত্তি গুরিবার্‌ বেবস্থা গুরিলো। ফরৌণ উগুম মজিম্‌ মিসর্‌ দেজর্ বেগত্তুন্‌ গম্‌ জাগাগান তে তারার্‌ সোম্বোত্তি ইজেবে দান গুরিলো। জাগাগানর্‌ নাঙ্‌ এলঅ রামিষেষ।

গীতসংহিতা 105:38

তারার যানা দেগিনে মিসরীয়গুনে হুজি ওইয়োন্, কিত্তে তারা ইস্রায়েলীয়গুনোরে অমকদ দোরেদাক্।

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 12:2

এ মাস্‌সো অবঅ তমার্‌ পত্তম মাস, তমা বজরর্‌ পত্তম মাস।

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

যাত্রা 13:4

আবীব মাসর এই দিনোত্ তুমি নিগিলি এচ্ছো।

যাত্রা 14:8

লগেপ্রভু মিসরর্‌ রাজা ফরৌণর মনান্‌ দরঅ‌ গুরি দিলো। সেনে ইস্রায়েলীয়গুনে যেক্কে ন-দোরেয়েগুরি মুজুঙেদি উজেই যাদন্‌ সেক্কে তে তারার্‌ পিজেদি লোড়েই নেযেল।

যিশাইয় 52:12

মাত্তর্ তুমি যাদিমাদি গুরি নিগিলি ন-এচ্চ্য বা ধেইয়ো ন-এবা, কিত্তে লগেপ্রভু তমা আগে আগে যেবঅ; ইস্রায়েলর গোজেনে তমারে পিজেন্দিত্তুন্ রোক্ষ্যে গুরিবো।

মীখা 2:13

বন্দীদজাত্তুন্ ফিরি এবাত্তে যিবে পথ খুলি দিবো তে তারার্ আগে আগে যেবঅ; তারা গেইট্ ভাঙিনে নিগিলি এবাক্। লগেপ্রভু, যিবে তারার্ রাজা, তে তারার্ আগে আগে যেবঅ।

গণাণা 33:2

যেবার পদথ্‌ তারা যেদক্কানি জাগাত্‌ জিরেয়োন লগেপ্রভুর উগুমে মোশি সিয়েনি লিগি রাগেল। তারা যেদক্কানি জাগাত্‌ জিরেয়োন সিয়েনি অলঅ: